T. I : Minute (1) (Texte)

[Manuscrit 518 d’Orléans]

Cy commence la deduction du procez faict par messyre Pierre Cauchon, evesque et conte de Beauvoys, en matiere de la foy, contre une femme nommee Jehanne, vulgairement appellee la Pucelle, translaté de lattin en françoys, par le commandement du roy Loys, douziesme de ce nom ; et a la priere de monseigneur l’admiral de France, seigneur de Graville.

[Premier conseil tenu le 9 janvier 1431]

Et premierement ledit evesque estant en la ville de Rouen, l’an mil IIII^cc trente37 54 apprez l’Epiphaniere, qui fut le IX^me jour du moys de janvier, feist appeller devant luy reverendz peres et maistres, messeigneurs Gilles, abbé de Fescamp, docteur en theologie ; Nicolle, abbé de Jumieges, docteur en decret ; Pierre de Longueville La Guiffart, docteur en theologie ; Nicolle des Venderés, archediacre d’Eu, en l’Eglise de Rouen, licencié es loix, en decret ; Raoul Roussel, tresorier de l’Eglise Nostre Dame de Rouen, docteur en chascun droit ; Robert Barbier, licencié en chascun droit ; Nicole Couppequesne, bacheler en theologie ; Nicolle Loyselleur, maistre es artz, chanoyne de Rouen ; tous lesquelz se comparurent au mandement dudit evesque, en la chambre du Conseil prez le chasteau de Rouen.

Lequel evesque leur exposa comment une femme nommee Jehenne, vulgairement appellee la Pucelle, avoit nagueres esté prinse et apprehendee en son dyocese ; laquelle, tant a la requeste de et faicte par le tres chrestien et tres illustre prince le roy de France et d’Angleterre38, de nostre mere l’Université39 de Paris, a la sommation de luy40, et de venerable homme frere Martin 8081[Billorin]41, vicaire general de l’inquisiteur de la foy en France. Pour ce que la dicte femme estoit vehementement suspectee de crimes de heresie, luy avoit esté baillee et delivree, pour enquerir et informer sur les cas, crimes et malefices dont elle avoit esté accusee ; et que luy, desirant a l’honneur et louenge de Dieu, et l’exaltation de la saincte foy catholicque, proceder juridicquement en ceste matiere sellon la disposition de droit, pour ce que le siege archiepiscopal estoit alors vaccant 55 avoit obtenu de messeigneurs de chappitre permission et congé de povoir proceder au territoire de Rouen aux inquisitions et infor mations qu’il estoit besoing faire sur lesdits crimes, ainsy qu’il estoit contenu es lectres sur ce faictes42. Lesquelles il exiba, avecques le double des lectres que ceulx de ladicte Université de Paris avoyent escriptes a messyre Jehan de Luxembourg43, qui tenoit ladicte Pucelle prisonnière ; ensemble la cedulle de la sommation qui luy avoit esté faicte, desquelles les coppies sont escriptes cy devant.

Le premier acte du procez

[Lundi, 19 février]

Le lundy, dix neuf^me jour de febvrier, comparons devant l’evesque de Beauvays, en la maison de maistre Jehan Rubbe44, chanoyne de Rouen, messeigneurs l’abbé de Fescamp, maistre Jehan Beaupere, Guillaume Hecton, Jacques de Touraine, Nicole Mydy, Nicole des Venderez, Pierre Maurice, Guerard Feuillet, Thonmas de Courcelles, et Nicolle Loyseleur.

Ledit evesque leur remonstra comment une femme, nommee Jhenne, dicte la Pucelle, laquelle estoit accusee et diffamee de plusieurs invocations de dyables et aultres malefices, luy avoit esté baillee et delivré, de la part de tres illustre prince le roy de France et d’Angleterre ; et que, depuis qu’elle luy avoit esté rendue, on avoit faict des articles sur les choses qui povoyent concerner la foy catholicque ; et sur iceulx articles, on avoit faict examiner plusieurs tesmoings, 56 ainsy que on pourra veoir par la lecture desdits articles et depositions des tesmoings examinez sur iceulx ; lesquelz articles et depositions furent leues es presences des dessusdits45. Apprez la lecture desquelz, pour ce que l’inquisiteur general de la foy n’estoit point en la ville de Rouen, mais seulement y estoit son vicaire, fut ordonné et appoincté par ledit evesque que ledit vicaire seroit appellé ; et en presence de notaires seroit sommé de oyr, lyre lesdits articles et informations qui avoyent esté faictes sur les crimes et malefices de ladicte Jhenne, et du scandelle qui en estoit advenu.

Et apprez, par le conseil de ceulx qui estoyent presens, icelluy evesque appoincta que icelle femme seroit appellee pour estre interroguee en matiere de la foy. Et ce fait, tous les assistens jurerent tenir secret tout ce qui sera faict en ceste matiere46.

Aultre acte

[Lundi, 19 février, après-midi]

Item, ce jour apprez disner, environ quattre heures de soir, ledit evesque somma et requist venerable homme frere Jehan Magistri, vicaire dudit 8283inquisiteur de la foy, qui avait esté appelle pour assister audit procez, fut par ledit evesque requis et sommé de se adioindre a proceder avecques luy en la matiere de ladicte Jehenne, en offrant luy communicquer tout ce qui avoit esté faict eudit procez. Lequel Magistri respondit que, si sa commission et viccairerie estoit suffisant, que voluntiers il ferait ce que debvoit et pourrait faire pour ladicte 57 inquisition.

Ce fut faict en l’hostel dudict evesque, es presences Jehan Massieu, frere Symon de Paris47, Bosc Guillaume et Manchon.

Aultre acte

[Mardi, 20 février]

Item, le mardy vingt^me jour de febvrier, comparons devant ledit evesque, lesdits Beaupere, de Touraine, Midy, Venderés, Maurice, Gerard et de Courselles, maistre Jehan Magistri, Martin l’Advenu et Nicole Loyseleur,

Icelluy evesque declara et dist qu’il avoit veue la commission et vicariat dudit Magistri, qui estoit bonne et suffisante ; et qu’il avoit trouvé par conseil que icelluy Magistri, vicaire, se povoit adioindre avecques luy a faire ledit procez. Et que ce neantmoins il avoit trouvé par conseil qu’il debvoit faire sommer l’inquisiteur en chef, se il estoit au pays de Normendye48, de venir en ceste cyté de Rouen pour assister eudit procez, ou pourveoir en la matiere dont estoit mencion, ou commettre ung vicaire qui auroit pleine puissance pour y proceder.

Lequel Magistri respondit qu’il ne vouldroit se metre de ladicte matiere, tant pour la scrupulle de sa conscience, que pour seureté de la deduction du procez. Et oultre en tant que estoit l’inquisiteur general, dont a esté parlé, il dist qu’il accordait que ledit evesque peust commettre tel qu’il luy plairoit pour assister eu lieu dudit inquisiteur, jusquez a ce qu’il se fust conseillé si le vacariat et commission qu’il avoit estoit suffisante pour soy adioindre en la matiere. Apprez lesquelles parolles, ledit evesque luy offrit le procez et tout ce qui y avoit esté faict.

58 Aultre acte

[Première session publique]

[Mercredi, 21 février]

Le lendemain, qui fut le mercredy, vingt ung^me jour de febvrier, audit an, en la chappelle royalle du chasteau de Rouen, es presences dudit evesque et de messeigneurs maistres, monseigneur Gilles, abbé de Fescamp, Jehan Beaupere, Jehan de Chastillon, Jacques le Tessier49, Nicole Midy, Guerard Feuillet, Guillaume Hedon, Thonmas de Courselles et maistre Richard Prati, furent leues les lectres du roy d’Angleterre, par lesquelles il mandoit aux juges ordinaires de Rouen qu’ilz baillassent et delivrassent la Pucelle audit evesque, pour faire son procez50, les lectres du chappitre de Rouen, comment ilz avoyent permis audit evesque de besongner audit procez en territoire 8485de Rouen51, la citacion pour faire citer ladicte Pucelle devant luy, avec la relacion de celuy qui l’avoit cytee52.

Lesquelles leues, maistre Jehan Estivet, ordonné promoteur en ce procez par ledit evesque, demanda et requist que ladicte Pucelle fust admenee et interroguee selon la voye de droit. Ce qui luy fut accordé par ledit evesque.

Et sur ce que ladicte Jhenne avoit supplyé et requis qu’il luy fust permis de oyr messe, iceluy evesque dist qu’il avoit eu conseil avecques aulcuns saiges et notables personnaiges, par lesquelz il avoit trouvé que, actendu les crimes dont elle estoit accusee et diffamee, et aussy qu’elle avoit porté hahit d’homme, on luy debvoit differer ladicte requeste et ainsy le desclara.

59 Assez tost apprez ladicte Jhenne fut admenee devant ledit evesque et les assistent ! dessus nommez.

Laquelle venue, icelluy evesque luy dist et remonstra comment elle avoit esté prinse dedens les marches de son diocese. Et pour ce qu’il estoit bruit et renommee de plusieurs de ses faictz qui estoyent contre nostre foy, non pas seulement eu royaulme de France, mais par tous les royaulmes esquelz ilz estoyent divulguez et publiez, et qu’elle estoit accusee de heresie, elle lug avoit esté baillee et delivree pour faire son procez en matiere de la foy.

Apprez lesquelles parolles, le promoteur dessusdit remonstra comment, a sa requeste, elle avoit esté citee, et convenue pour respondre en matiere de la foy, ainsy qu’il apparoissoit par les lettres et actes qu’il exhiba presentement, suppliant qu’elle fust adiuree de dire verité et interroguee sur les parties qu’il bailleroit.

Laquelle requeste luy fut accordee par ledit evesque et assistentz53.

La dessusdicte requeste accordee, comme dit est, icelluy evesque feist venir ladicte Jhenne, et l’admonnesta caritativement.

Et luy pria qu’elle dist verité des choses qui luy seroyent demandees, tant pour l’abbreviacion de son procez que pour la descharge de sa conscience, sans querir subterfuges ne cautelles ; et qu’elle furast sur les sainctes Euvangilles de dire verité de toutes les choses sur lesquelles elle seroit interroguee.

Laquelle Jhenne respondit : Je ne sçay sur quoy vous me vouliez interroguer. Adventure me pourriez vous demander telles choses que je ne vous diray point.

Sur quoy ledit evesque 60 luy dist :

Vous jurerez de dire verité de ce que vous sera [demandé]54 qui concerne la foy catholicque et de toutes aultres choses que sçaurez.

A quoy ladicte Jhenne respondit que de ses pere et mere, et de toutes les choses qu’elle avoit faictes depuis qu’elle avoit prins le chemin pour venir en France, voluntiers en jureroit. Mais de revelacions a elle faictes de par Dieu, que jamais elle ne l’avoit dit ne revelé fors a Charles, que elle dit estre son roy. Et si on luy debvoit coupper la teste, elle ne les reveleroit ; pour ce qu’elle savoit par ses visions qu’elle les debvoit tenir secretes. Mais que dedens huit jours elle sçaura bien se elle les doibt reveler.

Apprez lesquelles paroles ledit evesque l’admonnesta et pria que, en ce que toucherait la foy, elle feist serment de dire verité.

8687Laquelle Jehenne se mist a genoulx, les deux mains sur le livre, c’est assavoir ung messel,

et jura qu’elle diroit verité de toutes les choses qui luy seroyent demandees, qui concernent la matiere de la foy. Mais que, des revelacions dessusdictes, elle ne les diroit a personne55.

Item, ce mesme jour56, apprez aulcuns interrogatoires faictz a ladicte Jhenne, c’est assavoir du nom de ses pere et mere, et du lieu ou elle avoit esté nee, et de son aage.

Ladicte Jhenne soy plaignant des fers qu’elle avoit aux jambes,

Luy fut dit par ledit evesque que par plusieurs foys elle se estoit efforcee d’eschaper des prisons, pour quoy, affin qu’elle fust gardee 61 plus seurement, on avoit commandé qu’elle fust enferree.

A quoy ladicte Jhenne respondit qu’il estoit vray que autresfoys elle avoit bien voullu eschapper de la prison, ainsy qu’il est licite a chascun prisonnier. Et dist oultre que, quand elle pourroit eschaper, on ne la pourroit reprendre qu’elle eust faulcé ou viollé sa foy a aulcun ; car elle ne l’avoit baillee jamais a personne.

Pour laquelle responce, ledit evesque commanda a Jehan Rys57, Jehan Bernard, et Guillaume Tallebot, commis a la garde de ladicte Jhenne, qu’ilz la gardassent seurement, et qu’ilz ne permissent aulcune personne parler a elle, se ilz ne avoyent exprez congié de luy ; et fist ausdits gardes metre les mains sur le messel dessusdit, sur lequel ilz firent serment solempnel de faire tout ce que leur avoit esté commandé.

Ce jour mesme, ladicte Jhenne interroguee, de son nom et surnom,

Respondit que, au lieu ou elle avoit esté nee, on l’appeloit Jhannette, et en France, Jhenne ; et du surnom n’en sçait riens.

Interroguee du lieu de sa naissance,

Respondit qu’elle avoit esté nee en ung villaige qu’on appeloit Dompremy de Grus, euquel lieu de Grus est la principalle eglise.

62 Interroguee du nom de ses pere et mere,

Respondit que son pere estoit nommé Jacques Tarc et sa mere Ysabeau.

Interroguee ou elle fut baptisee,

Respondit que ce fut en l’eglise de Dompremy.

Interroguee que fut ses parrains et marraines,

Respondit que une femme nommee Agnetz et ung aultre nommee Jhenne ; et ung nommé Jehan Bavent fut son parrain. Dist oultre qu’elle avoit bien ouy dire a sa mere que elle avoit d’aultres parrains et mar raines que les dessusdits.

Interroguee qui fut le prebstre qui la baptisa,

Respondit que ce fut ung nommé messire Jehan Nynet, ainsy comme elle croyt.

Interroguee se ledit Nynet vist encoires,

Respondit que ouy, ainsy comme elle croit.

Interroguee quel aage elle avoit,

Respondit qu’elle avoit dix neuf ans ou environ. Et oultre dist que sa mere luy apprint le Pater noster, Ave Maria et Credo ; et que aultre per sonne que sadicte mere ne luy apprins sa creance.

8889Requise qu’elle dist Pater noster et Ave Maria,

Respond qu’elle la dira voluntiers, pourveu que monseigneur l’evesque 63 de Beauvoys, qui estoit present, la vouldroit oyr de confession. Et, combien qu’elle fust plusieurs foys requise de dire Pater nostre et Ave Maria, elle respondit qu’elle ne le diroit point, se ledit evesque58 ne l’ouoyt de confession.

Et adoncq ledit evesque dist : Je vous ordonneray ung ou deux notables personnaiges de ceste compaignie59 ausquelz vous direz : Pater noster et Ave Maria.

A quoy elle respondit : Je ne le diray point, se ilz ne me oyent de confession60.

Aultre acte

[Seconde session]

[Jeudi, 22 février]

L’an mil qualtre cens trente, le vingt deux^me jour de febvrier, en la sale du chasteau de Rouen, ou estoyent assemblez avecques ledit evesque, reverendz peres, seigneurs et maistres, l’abbé de Fescamp, Jehan de Chastillon, Jehan Beaupere, Guillaume Leboucher, prieur de Longueville, Maurice du Quesnoy, Jacquez de Touraine, Nicolas Midy, Jehan de Fave, Denys de Sabreuvoys, Jehan Lefebvre, Guillaume Hecton, Pierre Maurice, Guerard Feuillet, Jacques Guesdon, docteurs en theologie ; Jehan Sevestre, Jehan Magistri, bachelers en theologie ; maistre Raoul Roussel, Nicole de Venderez ; l’abbé de Jumieges ; Jehan Brullet, André Marguerie, Jehan Pinchon, Jehan Basset ; les abbé de Saincte Katherine, de Cormeilles et de Preaux ; Denys Gastinel, Nycole Couppequesne, Gilles des Champs, Gieffroy du Crottoy61.

En la presence desquelz et de frere Jehan Magistri 64 vicaire de l’inquisiteur de la foy, ledit evesque exposa comment il avait sommé et requis ledit Magistri, comme l’inquisiteur de la foy general, de se adioindre au procez de ladicte Jhenne en luy offrant communicquer tout ce qui avait esté faict eudit procez.

A quoy ledit Magistri respondit [qu’il]62 estoit seulement commis en la cyté et dyocese de Rouen ; et pour ce que ledit procez se deduisait devant ledit evesque, non pas comme ordinaire eudit dyocese de Rouen, mais comme en territoire empruncté, il avoit doubté de se joindre en ce negoce. Toutesfoys il avoit doubté de se joindre eudit procez ; mais, tant affin que ledit procez ne demourast invaillable et nul, que pour la descharge de sa conscience, en actendant qu’il eust plus grand povoir de l’inquisiteur general, il estoit content de assister audit procez.

Ladicte offre ainsy faicte, ladicte Jhenne, premierement fut admonnestee et requise de faire le serment qu’elle avoit faict le jour precedent de dire verité de tout ce qui luy seroit demandé sur les crimes et malefices de quoy elle estoit accusee et diffamee, A quoy ladicte Jhenne respondit que desja elle avoit faict ledit serment, et qu’il debvoit suffire.

9091Et derechef fut admonnestee qu’elle jurast absolutement de dire verité de tout ce qui luy seroit demandé ; en luy remonstrant qu’il n’y a prince qui peust ne deust refuser a faire ledit serment 65 de dire verité en matiere de foy.

A quoy elle respondit : Je le feis hier. Vous me chargez trop.

Finablement elle fist le serment en la forme qu’elle ïavait faict au jour de devant.

Apprez lequel serment faict, ledit evesque commanda a maistre Jehan Beaupere que il l’interrogast. En obaissant auquel commandement, ledit Beaupere l’interrogua ainsy qu’il s’ensuit :

Premièrement luy demanda si elle diroit verité.

A quoy elle respondit : Vous me pourrez bien demander telle chose de [quoy] je vous respondray le vray, de l’autre : non.

Dist oultre : Se vous estes bien informez de moy, vous vouldriez que je fusse hors de voz mains. Je n’ay riens faict fors par revelacion.

Interroguee de quelle aage elle estoit quand elle partist de la maison de son pere,

Dist qu’elle ne sauroit deposer.

Interroguee si elle avoit apprins aulcun art ou mestier,

Dist que ouy ; et que sa mere luy avoit apprins a coustre ; et qu’elle ne cuidoyt point qu’il y eust femme dedens Rouen qui luy en sceust apprendre aulcune chose63.

Dit oultre qu’elle avoit laissé la maison de son pere en partye pour doubte des Bourguignons ; et qu’elle se estoit allee 66 au Neufchastel, avecques une femme nommee la Rousse ; ou elle demeura par quinze jours. En laquelle maison64 elle faisoit les negoces de ladicte maison65 et ne alloit point aux champs garder les brebis ne aultres bestes.

Interroguee si elle se confessait tous les ans,

Dist que ouy a son propre curé. Et se il estoit empesché, elle se confessoit a ung aultre prebstre, par le congé dudit curé.

Et si dist qu’elle s’est confessee deux ou troys foys a des religieulx mendiens66. Et qu’elle recepvoit le corps de nostre Seigneur tous les ans a Pasques.

Interroguee se elle recevait point le corps de nostre Seigneur67 a aultres festes que a Pasques,

Respondit : Passez oultre.

Et si dist que, dez l’aage de traize ans, elle eust revelacion de nostre Seigneur par une voix qui l’enseigna a soy gouverner. Et pour la premiere foys elle avoit eu grand paour. Et dist que ladicte voix vint ainsy que a mydy, en temps d’esté, elle estante au jardin de son pere, en ung jour de jeune68, et si dist que ladicte voix vint au costé dextre, vers l’eglise. Et dist que ladicte voix n’est gueres sans clarté, laquelle est tousiours du costé de ladicte voix.

9293Dit oultre que ladicte voix, apprez qu’elle l’eut ouye par troys foys, elle congneust que c’estoit la voix ange.

Dit ainsy que celle voix l’a tousiours bien gardee69.

67 Interroguee quel enseignement celle voix luy disoit pour le salut de son ame,

Respondit qu’elle luy apprint a se bien gouverner. Et luy disoit qu’elle debvoit frequenter l’eglise. Et apprez luy dist qu’il estoit neccessaire qu’elle venist en France.

Et luy disoit deux ou troys foys la sepmaine qu’elle partist pour venir en France. Et que son pere ne sceust riens de son partement.

Avecques ce luy dist qu’il faloit qu’elle se hatast de venir et qu’elle leveroit le siege de devant Orleans ; et qu’elle allast a Robert de Baudricourt, capitaine de Vacoulleur ; et que il luy bailleroit des gens pour la conduire.

A quoy elle respondit qu’elle estoit une paovre femme, qui ne sçauroit chevaucher ne faire ne demener la guerre.

Et apprez ses parolles, elle s’en alla en la maison d’ung sien oncle, ou elle demeura huit jours. Et que apprez son oncle la mena audit Robert de Baudricourt, lequel elle congneut bien, et si ne le avoit jamais veu.

Et dit qu’elle le congneust par la voix qui luy avoit dist que c’estoit il.

Dit oultre que ledit de Baudricourt la refusa par deux foys. A la tierce, la receut, et luy bailla gens pour la mener en France, ainsy comme luy avoit dit la voix.

9495Dist ainsy que, quand elle partist de Vaucouleur, qu’elle print habit d’homme, et print une espee que luy bailla ledit de Baudricourt, sans aultres armures. Et si dist qu’elle estoit accompaignee d’ung chevalier et de quattre aultres hommes ; et que ce jour s’en allerent coucher en la ville de Sainct Urbain, ou elle couscha en l’abbaye.

Dist aussi que au chemin, elle passa par Auxerre, ou elle oyt la messe en la grand eglise ; et qu’elle avoit souvent ses voix avec elle.

68 Interroguee qui luy conseilla de prendre habit d’homme,

A laquelle interrogation j’ay trouvé en ung livre que ses voix luy avoyent commandé qu’elle print habit d’homme, et en l’autre73, fay trouvé que, combien qu’elle en fust plusieurs foys interroguee, toutesfoys elle n’en feist point de responce fors : Je ne charge homme. Et ay trouvé eudit livre que plusieurs foys varia a ceste interrogation.

Dit oultre que ledit Robert de Baudricourt fist jurer ceulx qui la menoyent, que, ilz la meneroyent bien et seurement.

Item, dit que ledit de Baudricourt se departit d’elle il luy dist : Va t en. Et en advieigne ce qu’il en pourra advenir.

Item, dit qu’elle sçait bien que Dieu ayme bien le duc d’Orleans ; et qu’elle avoit eu plus de revelacions de luy que d’homme de France, excepté de son roy.

Item, dit qu’il falloit neccessairement qu’elle changeast son habit.

Interroguee quelles lectres elle envoya aux Angloys et qu’elles contenoyent,

Dit qu’elle envoya des lettres aux Engloys, qui estoyent devant Orleans ; par lesquelles elle leur escrivoit qu’il falloit que ilz se partissent de la.

Et dist que en ces lectres, ainsy qu’elle oy dire, on a changé deux ou troys motz ; c’est assavoir : Rendez a la Pucelle ; et il y doibt avoir : Rendez au roy ; ou il y a : corps pour corps, et : chef de guerre, cela n’estoit point esdictes lectres.

69 Item, dit que sans empeschement elle vint jusques a son roy.

Item74, dit qu’elle trouva son roy a Chynon, ou elle arriva environ mydy ; et se logea a une hostellerye. Et apprez disner elle alla devers le roy qui estoit au chastel.

Item, dit qu’elle entra avant en la chambre ou estoit le roy ; lequel elle congnut bien entre les aultres par le conseil de la voix.

Item, dit qu’elle dist au roy qu’elle vouloit aller faire la guerre contre les Angloys.

Interroguee si, quand la voix luy monstra le roy, se il y avoit point de lumiere,

Respond : Passez oultre.

9697Interrogué se elle vist point d’ange sur le roy,

Respond : Pardonnez moy. Passez oultre.

Item, dit que devant que le roy la mist en œuvre, il eust plusieurs apparicions et de belles revelacions.

Interroguee quelles revelacions,

Respondit : Je ne les vous diray point encoires ; mais allez au roy, et il les vous dira.

Item, dit que la voix luy promist que, bien tost apprez qu’elle viendroit, le roy la recepveroit.

70 Item, dit que ceulx de son party congneurent bien que la voix estoit de par Dieu ; et que ilz veirent et congneurent la voix ; et qu’elle le sçait bien.

Item, dit que le roy et plusieurs aultres de son conseil ouyrent et veirent les voix qui venoyent a elle ; et entre aultres, Charles, duc75 de Bourbon.

Item, dit que jamais ne requist a la voix fors a la fin la salvacion de son ame.

Item, dit que la voix luy avoit dit qu’elle demourast a Sainct Denis en France ; et euquel lieu elle voulut demeurer. Mais les seigneurs ne luy voullurent point laisser, pour ce que elle estoit blecee ; et que aultrement, qu’elle n’en fust point partie. Et si dit que elle fut blecee dedens les fossez de Paris ; de laquelle bleceure, elle fut guarye dedens cinq jours.

Item, dit qu’elle fist faire une grosse escarmouche devant Paris.

Interroguee s’il estoit feste le jour qu’elle fist faire ladicte escarmouche,

Respondit apprez plusieurs interrogatoires, qu’elle croyoit bien qu’il fust feste.

Interroguee si c’estoit bien faict de faire ung assault a jour de feste,

Respond : Passés oultre.

Lesquelles interrogatoires et responces ainsy faictes, ledit evesque de Beauvoys, continua la matiere fusques au sabmedi ensuivant76.

[Troisième session]

[Samedi, 24 février]

71 Le sabmedy ensuivant, qui estoit vingt quattre^me de febvrier, ceulx qui y avoyent esté le jour precedent furent convocquez et appelez par le doyen de la chrestienté de Rouen.

Ledit evesque de Beauvoys persuada et admonnesta ladicte Jhenne qu’elle jurast absolutement et sans condicion de dire verité. De ce faire fut troys foys admonnestee et requise.

9899A quoy elle respondit : Donnez moy congié de parler.

Et puis dist : Par ma foy, vous me pourriez demander telles choses que je ne vous diroys pas.

Item, dist : Peult estre que de beaucoup de choses, que vous me pourriez demander, que je ne vous diroye pas le vray ; specialement de ce qui touche les revelacions ; car vous me pourriez contraindre par advanture a dire telle chose que j’ay juré ne dire point. Ainsi seroys pariure ; que ne debveriez pas vouloir.

Item, en s’adressant a monseigneur de Beauvoys luy dist : Advisez bien de ce que dictes estre mon juge. Car vous prenez une grande charge, et me chargez trop.

Item, dist que il luy estoit advis que c’estoit assez d’avoir juré deux foys.

Interroguee derechef se elle veult point jurer simplement et absolutement,

Respond : Vous vous en povez bien passer. J’ay assez juré de deux foys.

Et croy que tout le clergé de Rouen et de Paris ne m’y sauroyent contraindre se ilz ne avoyent tort77.

Et si dist qu’elle ne auroit pas tout dit en huit jours.

72 Item, dit que de sa venue en France, elle dira voluntiers verité, mais non pas de tout.

Item, sur ce qu’il luy fut dit, que elle eust advis aux assistens, se elle devoit jurer ou non,

Respondit que de sa venue elle dira voluntiers verité et non aultrement. Et qu’il ne luy en falloit plus parler.

Et sur ce qu’elle fut admonnestee en luy remonstrant qu’elle se rendait suspecte de ne vouloir jurer,

Respondit comme devant.

Item, sur ce que ledit evesque la somma et requist de jurer precisément et absolutement,

Respondit : Je diray voluntiers ce que je sauray, et non pas tout.

Item, dit oultre que elle estoit venue de par Dieu et qu’elle n’avoit icy que faire ; et que on la renvoyast a Dieu, dont elle estoit venue.

Item, apprez que derechef fut sommee et requise de jurer comme dessus et admonnestee de ce faire sur peine de estre actaincte et convaincue des cas a elle imposez.

Respondit : J’ay assez juré. Passez oultre.

Item, derechef et d’abondant fut admonnestee de dire verité de ce que touchait son procez, en luy remonstrant qu’elle se metoit en danger.

Respondit : Je suis preste de jurer et dire ce que je sçauray touchant mon procez. Mais je ne diray point tout ce que sçay78.

Et apprez ces parolles, elle jura.

100101Ces choses faictes, fut interroguee par maistre Iehan Beaupere. 73 Et premierement luy demanda depuis quelle heure elle ne avoit beu ou mengé,

Respondit : Depuis hier, apprez mydy.

Interroguee depuis quand elle ne ouyt sa voix,

Respondit qu’elle l’avoit ouye hier et huy.

Interroguee a quelle heure elle l’avoit hier ouye,

Dist que elle l’avoit ouye troys foys ; l’une au mattin ; l’autre a heure de vespres ; et l’autre a l’heure de l’Ave Maria ; encoires l’ouoit elle plus souvent qu’elle ne dit.

Interroguee que elle faisait hier au mattin quand elle ouyt ceste voix,

Respond qu’elle dormoit, et que ladicte voix l’esveilla.

Interroguee si ladicte voix l’esveilla par voix, ou par la toucher par les bras ou ailleurs,

Respond que par ladicte voix elle se esveilla, sans luy toucher.

Interroguee se ladicte voix estoit encoires en sa chambre,

Respond que non, qu’elle saiche ; mais qu’elle estoit au chastel.

Interroguee si elle mercya point ladicte voix, et si elle se agenouilla,

Respond qu’elle la mercya, elle estant assise en son lict. Et dit qu’elle joignit les mains, et luy requist et pria qu’elle luy aidast et la conseillast de ce que elle avoit affaire.

A quoy ladicte voix luy dist, qu’elle respondist hardyment.

Interroguee que la voix luy dist, quand elle fut esveillee,

Respond qu’elle luy dist qu’elle demandast conseil a nostre Seigneur.

74 Interroguee si au devant qu’elle la requist, se elle luy avoit dit aulcunes paroles,

Respond que, devant qu’elle fust esveillee, que la voix luy avoit dit aulcunes paroles, qu’elle ne entendoit pas. Mais depuis qu’elle fut esveillee, qu’elle entendit que la voix luy dist qu’elle respondist hardyment.

103Item, dit derechef audit evesque : Vous dictes que vous estes mon juge ; advisez bien que vous ferez ; car de verité je suis envoyee de par Dieu, et vous mectez en grand danger.

Interroguee se celle voix avoit point mué aulcunes foys sa deliberacion,

Respond qu’elle ne l’avoit jamais trouvee en deux paroles contraires.

Interroguee si c’est un angele79 de Dieu, sans moyen, ou de sainct ou de saincte,

Respond qu’elle vient de par Dieu.

Et je croy que je ne vous dys pas pleinement ce que je sçay ; et ay greigneur paour de dire quelque chose qui leur desplaise, que je n’ay de respondre a vous.

Et dit : Quant a ceste interrogation, je vous prye que je aye dilacion.

Interroguee se elle croit que Dieu soit desplaisant que on dye verité,

Respond a monseigneur de Beauvoys que les voix luy ont dit qu’elle die aulcunes choses au roy et non pas a luy.

Item, dit que la voix luy a dict ceste nuict moult de choses pour le bien du roy ; lesquelles elle vouldroit que le roy les sceust ennuict ; et qu’elle ne beust de vin jusques a Pasques ; et il en seroit bien plus aise, a disner.

75 Interroguee si elle pourrait tant faire devers ceste voix qu’elle voulsist obayr et porter messaige a son roy,

Respond qu’elle ne sçait si elle y vouldroit obayr, se ce n’estoit la volunté de Dieu et que nostre Seigneur le consentist.

Et, se il plaist a Dieu, il le pourra bien faire reveler au roy ; et de ce seroys bien contente.

Interroguee pourquoy elle ne sçait maintenant parler avecques son roy, comme elle faisoit quand elle estoit en sa presence,

Respond qu’elle ne sçait si c’est la volunté de Dieu.

Item, dit que, se n’estoit la grace de Dieu, elle ne pourroit riens faire.

Interroguee si son conseil luy a point revelé que elle eschappera,

Respond : Je le vous ay a dire.

Interroguee se ennuict celle voix luy a point donné d’advis et de conseil de ce qu’elle debvoit respondre,

Respond : Se elle luy en a revelé ou dit quelque chose, elle ne l’a pas bien entendu.

104105Interroguee se, a ses deux jours que dernièrement elle a ouy ses voix, se il y est venue lumière,

Respond que au devant de la voix vient clarté.

Interroguee se avecques les voix elle voit quelque chose,

Respond : Je ne vous dys pas tout ; car je n’en ay congié ; et aussi mon serment ne touche pas cela ; mais je vous dy qu’il y a voix bel, bonne, et digne ; et n’en suis point tenue d’en respondre.

Pour ce qu’elle demanda a veoir par escript les poins sur lesquelz on la vouloit interroguer.

76 Interroguee se la voix a veue ; c’est assavoir, si elle a des yeulx80,

A quoy, elle respond : Vous ne l’avez pas encoire.

Item, dit que le dict des petis enfans est que on pend bien aulcunes foys les gens pour dire verité.

Interroguee sy elle sçait qu’elle soit en la grace de Dieu,

Respond : Se je ny y suis, Dieu m’y veuille mettre ; et se je y suis, Dieu m’y veuille tenir81.

Item, dit que, se elle sçavoit qu’elle ne fust en la grace de Dieu, qu’elle seroit la plus dolente du monde. Dit oultre, si elle estoit en péché, que la voix ne viendroit point a elle. Et vouldroit que chascun l’entendist aussy bien comment elle.

Item, dit qu’elle cuide qu’elle estoit en aage de XIII ans quand la voix luy vint la premiere foys.

Interroguee se en sa jeunesse elle alloit se esbattre avecq les aultres aux champs,

Dit qu’elle y a bien esté aulcunes foys. Mais ne sçait en quel aage.

Interroguee sy ceulx de Dompremy tenoyent le party des Bourguygnons ou Armignat82,

Respond qu’elle ne congnoissoit que ung Bourguygnon83, qu’elle eust bien voulu qu’[il]84 eust eu la teste couppee ; voire, se il eust pieu a Dieu.

Interroguee si a Marcy85, ilz estoyent Bourguygnons ou Armignacz,

Respond qu’ilz estoyent Bourguygnons.

77 Interroguee se la voix luy dist en sa jeunesse qu’elle hayst les Bourguygnons,

Respond que, depuis qu’elle entendit que les voix estoyent pour le roy de France, elle n’a point aymé les Bourguygnons.

Item, dit que les Bourguygnons auront la guerre, se ilz ne font ce qu’ilz doibvent ; et le sçait par la voix.

106107Interroguee se en son jeune aage elle eut voix que les Angloys debvoyent venir en France,

Respond que ils estoyent ja en France quand ilz commencerent a venir.

Interrogué se elle fut oncques avecques les petis enfans qu’ilz se combatoyent pour le party des Angloys et des Françoys,

Respond que non, dont elle ait memoire. Mais a bien veu que aulcuns de ceulx de leur ville s’estoyent combatus contre ceulx de Marcy, en revenoyent aulcunes foys bien blecez et saignans.

Interroguee si en son jeune aage, elle avait grande intention de persecuter les Bourguygnons,

Respond qu’elle avoit bonne volunté que le roy eust son royaulme.

Interroguee se elle eust bien voullu estre homme, quand elle sceut qu’elle debvoit venir,

Dit que autresfoys y avoit respondu.

Interroguee si elle menait point les bestes aux champs,

Dit qu’elle a respondu ; et que, depuis qu’elle a esté grande, et qu’elle a eu entendement, ne les gardoit pas ; 78 mais aidoit bien a les conduire es prez en ung chastel, nommé l’Isle, pour doubte des gens d’armes ; mais de son jeune aage, si elle les gardoit ou non, n’en a pas la mémoire.

Item, interroguee de l’arbre,

Respond que assez prez de Dompremy d’ung arbre qui [un blanc] se appelle l’arbre des Dames ; et les aultres l’appellent l’arbre des Fees ; et auprez a une fontaine ; et a ouy dire que les gens malades des fiebvrez en boyvent ; et mesmes en a veu aller quérir pour en guarir. Mais ne sçait se ilz en garissoyent ou non.

Item, dit qu’elle a ouy dire que les malades, quand ilz se pevent lever, vont a l’arbre pour leur esbattre ; et dit que c’est ung grand arbre, nommé fou, dont vient de beau may ; et souloit estre a messyre Pierre de Bolemont.

Item, qu’elle alloit aucunes foys avecques les aultres jeunes filles en temps d’esté ; et y faisoit des chappeaux pour Nostre Dame de Dompremy.

Item, dit qu’elle a ouy dire a plusieurs anciens, non pas de son lignaiges, que les fees y reperoyent ; et a ouy dire a une nommee Jhenne, femme [du maire de la ville de Dompremy]87, sa marraine, qu’elle les avoit veues la. Se il estoit vray, elle ne sçait.

Item, dit qu’elle ne veit jamais fee, qu’elle saiche, a l’arbre, ne ailleurs.

Item, dit qu’elle avoit veu mectre es branches dudit arbre des chappeaux par les jeunes filles ; et elle mesmes 79 y en a mys avecques les 108109aultres filles. Et aulcunes foys les emportoyent ; et aulcunes foys laissoyent.

Item, dit que, depuis qu’elle sceut qu’elle debvoit venir en France, elle feit pou d’esbattemenz ; et le moins qu’elle peut. Et ne sçait point que, depuis qu’elle eut entendement, qu’elle ait dansé prez dudit arbre. Mais aulcunes foys y peult bien avoir dansé avecques les enfans ; mais y avoit plus chanté que dansé.

Item, dit bien qu’il y a ung bosc, que on appelle le Bosc Chesnu88 que on voit de l’huys de son pere ; et y a petite espace non pas d’une lieue ; mais qu’elle ne sçait ne ouyt oncques dire que les fees y repperassent.

Item, dit qu’elle a ouy dire a son frere que on disoit au pays qu’elle avoit prins ses revelacions a l’arbre et es fees. Mais non avoit. Et luy disoit bien le contraire.

Et dit oultre, quand elle vint devers le roy, que aulcuns demandoyent si en son pays avoit point de boys que on appelast le Boys Chesnu. Car il y avoit prophecies qui disoyent que de devers le Boys Chanu debvoit venir une pucelle qui venoit faire merveilles ; mais en ce n’a point adiousté de foy.

Interroguee se elle vouldroit avoir habit de femme,

Respond : Si vous m’en voulez donner congié, baillez m’en ung, et je le prendray, et m’en yray. Et aultrement non. Et suis contente de cestuy cy, puisqu’il plaist a Dieu que je le porte.

80 Apprez les interrogations ainsy faictes, fut faicte assignation au mardy ensuivant, a heure de huit heures, demain. Et furent requis les assistentz de eulx y trouver ledit jour, a l’heure dicte, affin qu’ilz ne fussent point interessez90.

[Quatrième session]

[Mardi, 27 février]

Le mardy ensuivant, qui fut le XXVII^me jour du moys de febvrier, apprez le dimence de Reminiscere, en l’an mil IIII [cc] XXX, pour la quinte cession91.

Premièrement furent appelez tous les assistens ; et en leur presence fut requise ladicte Jhenne par monseigneur l’evesque de Beauvoys, de jurer et faire serment de ce que touchoit son procez.

A quoy elle respondit que voluntiers elle jureroit de ce qui toucheroit son procez ; mais non pas de tout ce qu’elle sçauroit.

Item, derechef fut requise par ledit evesque de respondre verité de tout ce qui luy seroit demandé,

Respond comme devant : Car il me semble que vous debvez estre content ; car j’ay assez juré.

110111Item, par le commandement de monseigneur de Beauvoys, maistre Jehan Beaupere commença a interroguer ladicte Jhenne, et luy demander comment elle s’est portee depuis sabmedy,

Respond : Vous voyez que je me suis portee le mieulx que j’ay peu.

Interroguee si elle jeunoit tous les jours de ce Karesme,

Respond : Cella est il de vostre procez ?

A quoy ledit Beaupere dist : Ouy. Vrayment. Il sert au procez.

Respond : Ouy, vrayement, j’ai tousiours jeuné.

81 Interroguee se, depuis sabmedy, elle a ouye sa voix,

Respond : Ouy, vrayement, beaucoup de foys.

Interroguee se sabmedy elle l’oysi en ceste salle,

Respond : Il n’est point en vostre procez.

Et apprez dit que ouy.

Interroguee que sabmedy elle luy dist,

Respond : Je ne la entendoys pas bien ; et n’entendoye chose que je vous puisse recorder, jusques au retour a ma chambre.

Interroguee qu’elle dist quant elle fut retournee a sa chambre,

Respond : Que vous respondisse hardiment.

Et dit qu’elle demandoit conseil des choses que on luy demandoit.

Item, dit ce qu’elle aura congié de nostre Seigneur de reveler, elle le dira voluntiers ; mais de ce qui touchera les revelations, touchant le roy de France, elle ne le dira pas sans congié de sa voix.

Interroguee se la voix luy a deffendu qu’elle ne dye tout,

Respond qu’elle n’a pas encoire bien entendu.

Interroguee que la voix luy dist,

Respond qu’elle demandoit conseil d’aulcunes choses, que on luy avoit demandees.

Interroguee se elle luy donna conseil d’aulcunes choses,

Respond que d’aulcuns poins, elle a eu conseil.

Item, aussy que d’aulcunes choses, luy pourra l’en demander responce, dont elle ne respondra pas sans congié ; et si elle respondoit sans congié, par advanture, elle ne les auroit point 82 en garant.

Et, quand je auray congié de nostre Seigneur, je ne doubteray point a respondre ; car je auray bon garant.

Interroguee se ce estoit voix d’angele ou de saincte, ou de saincte, ou de Dieu sans moyen,

Respond que la voix, c’est de saincte Katherine et Marguerite. Et leurs figures sont couronnés de belles couronnes, moult richement et moult précieusement. Et de ce j’ay congié de nostre Seigneur. Se de ce vous faictes doubte, envoyez a Poitiers, ou aultresfoys ay esté interroguee.

112113Interroguee qu’elle sçait que ce sont ces deux sainctes, et si elle congnoit bien l’ung et l’autre,

Respond qu’elle sçait bien que ce sont elles ; et que elle congnoit bien l’ung et l’autre.

Interroguee comme elle congnoit bien l’une et l’autre,

Respond qu’elle les congnoist par le salut qu’ilz luy font.

Item, dit qu’il y a sept ans que la premiere foys luy ont apris a se gouverner.

Item, dit qu’elle les congnoist mesmes, parce que ilz se nomment a elle.

Interroguee se ilz vestues d’ung mesme drap,

Respond : Je ne vous en diray maintenant aultre chose. Et qu’elle n’a pas congié de le reveler.

Et se vous ne m’en croyez, allez a Poitiers.

Item, dit qu’il y a des revelacions qui vont au roy de France, et non pas a ceulx qui me interroguent.

Interroguee se ilz sont d’ung mesme aage,

Respond : Je n’ay pas congié de le vous dire.

83 Interroguee s’ilz parlent ensemble, ou l’ung apprez l’autre,

Respond : Je n’ay pas congé de le vous dire ; et toutesfoys j’en ay tous les jours conseil de toutes les deux.

Interroguee laquelle [apparust]92 la premiere,

Respond : Je ne les congneuz pas si tost. Et l’a bien sceu aulcunes foys, mais l’a omblié. Et s’elle a conseil, le dira voluntiers ; et ce est eu registre de Poitiers.

Item, dit aussi qu’elle a eu le conseil de sainct Michel.

Interroguee lequel vint le premier,

Respond que ce fut sainct Michel.

Interroguee se il y a gueres de temps,

Respond : Je ne vous nommes point de voix de sainct Michel, mais de grant confort.

Interroguee qui estoit la premiere voix qui vint a elle en l’aage de XIII ans, Respond que ce fut sainct Michel qu’elle veit devant ses yeulx ; et ne estoit pas seul ; mais estoit bien accompaigné de angelz du ciel.

Et dit oultre que elle ne vint en France, synon du commandement de Dieu.

114115Interroguee si elle veit sainct Michel et les angelz corporellement et formeement,

Respond : Je les vey de mes yeulx corporelz, aussi bien que je vous voy.

Et quand ilz se partirent de elle, elle plouroit et eust bien voulu que ilz l’eussent emportee.

Interroguee en quelle figure estoit sainct Michel,

Je ne vous en ay pas encoires respondu ; et n’ay point encoires congié de le dire.

84 Interroguee, a celle premiere foys, que sainct Michel luy dist,

Respond : Vous n’en aurez ennuict responce.

122123[Cinquième session]

[Jeudi, 1^er mars]

Interroguee se il estoit nud,94

Pensez vous, respond, que nostre Seigneur n’ait de quoy les vestir ?95

Interroguee se ledit sainct Michel avait balance,

Respond : Je n’en sçays rien.

Item, dit qu’elle a grand joye quand elle le voit ; et dit qu’il luy est advis, quand elle le voit, qu’elle n’est pas en peché mortel.

Item, dit que saincte Katherine et saincte Margueritte la font voluntiers confesser ; c’est assavoir, de foys a aultre.

Item, dit que, si elle est peché mortel, elle ne sçait.

Interroguee quand elle se confesse, si elle cuide estre en peché mortel aulcunes foys,

Respond qu’elle ne sçait se elle y a esté ; mais n’en cuide point avoir fait les œuvres. Et ja ne plaise a Dieu que je y fusse oncques. Et ja ne 130131plaise a Dieu que je faces les œuvres, ou que je les ayes faictes, par quoy mon ame soit chargee de peché mortel.

Interroguee quel signe elle donna a son roy pour luy monstrer qu’elle venait de par Dieu,

Respond : Je vous ay tousiours respondu que vous ne me le tirerez ja de la bouche. Allez luy demander.

85 Interroguee se elle a juré non reveler ce qu’on luy demandera touchant le procez,

Respond : Je vous ay autresfoys dit ce qui touche le roy, je ne le vous diray pas ; mais ce qui touche le procez et la foy, je le vous diray.

Interroguee si elle sçait point le signe,

Respond : Vous ne ne le sçaurez pas de par moy.

Item, luy fut dit que ce touche le procez,

Respond : Je le diray voluntiers ; mais de ce j’ay promis tenir bien secret, je ne le vous diray point.

Je l’ay promis en tel lieu que je ne le vous puis dire sans moy pariurer.

Interroguee a qui elle a promis,

Respond que a saincte Katherine et saincte Margueritte ; et ce fut monstré au roy.

Item, dit qu’elle leur promist sans qu’ilz la requist. Et a la requeste d’elle qui parle ; et dit que trop de gens luy eussent demandé, s’elle ne l’eust promis.

Interroguee si en la compaignie ou elle monstra le signe, se il y avoit aultre personne que le roi,

Respond : Je pense que il n’y avoit aultre personne que luy ; combien que assez prez il y avoit assez de gens.

Interroguee si elle veit point de couronne sur la teste du roy, quand elle monstra le signe,

Respond : Je ne le vous puis dire sans moy pariurer.

86 Interroguee se il avoit couronne a Rains,

Respond que elle pense que celle qu’il trouva a Rains, il la print en gré. Mais une bien riche luy fut apportee apprez luy. Et le feist pour haster a la requeste de ceulx de la ville, pour éviter la charge des gens d’armes ; et, s’il eust actendu, il eust esté couronné en une plus riche mille foys.

Interroguee se elle a veue la couronne qui est plus riche,

Respond : Je ne le vous puis dire, sans moi pariurer ; et se je ne l’ay veue, je ay ouy dire qu’elle est ainsy riche.

Et apprez les interrogations ainsy faictes, fut faicte assignation a tous les assistens au sabmedy ensuivant a l’heure de huit heures de mattin. Et furent requis lesdits assistentz de eulx y trouver au jour et a l’heure dessus dits qu’ilz ne fussent interessez, c’est a dire sur certaines peines96.

132133[Sixième session]

[Samedi, 3 mars]

Le sabmedy ensuivant, qui fut le III^me jour de mars, pour la six^me cession, comparut ladicte Jhenne. Et fut requise et priee par les assistens de jurer simplement et absolutement de dire verité de tout ce qui luy sera demandé.

Respond : Je suis preste de jurer, ainsi que autresfoys j’ay juré.

Et puis jura sur les sainctes Euvangiles.

Item, derechef par le commandement de monseigneur l’evesque de Beauvoys, ledit maistre Jehan Beaupère interrogua ladicte Jhenne97 en luy recitant qu’elle avoit dit que sainct Michel avoit aelles ; et avecq ce, de saincte Katherine et Marguerite qu’elle ne avoit point parlé du corps ou membres.

Respond : Je vous en ay dit ce que je sçay ; et ne vous en respondray aultre chose.

87 Item, dit qu’elle les a si bien veues qu’elle sçait bien qu’ilz sont saincts et sainctes en paradis.

Interroguee si elle a veu aultre chose que le visaige,

Respond : Je vous en ay dit ce que j’en sçays. J’aymeroye mieulx que me feissez trencher le col.

Item, dit que tout ce qu’elle sçait touchant le procez, elle le dira voluntiers.

Interroguee se sainct Michel et sainct Gabriel ont testes naturellement,

Respond : Ouy a mes yeulx. Et croy que se soyent ilz, aussy fermement comme Dieu est.

Interroguee s’elle croit que Dieu les ait formez en ces testes esquelles les a veues,

Respond : Je les ay veues en mes yeulx. Je ne vous en diray aultre chose98.

Interroguee se elle croit que Dieu les ait formez en ces testes esquelles les a veues,

Respond que ouy.

Interroguee se elle croit que en celle forme et maniere Dieu les ait creés du commencement,

Respond : Vous n’en aurez aultre chose pour le present, fors ce oue i’av respondu.

Interroguee se elle avoit veu ou sceu par revelation que elle eschapperoit,

Respond : Cela ne touche point vostre procez. Voulez vous que je parle contre moy ?

Interroguee se ses voix luy en ont riens dit,

Respond : Cela n’est point de vostre procez. Je me actens a nostre Seigneur, qui en fera son plaisir.

13413588 Dit oultre : Par ma foy, je ne sçay l’heure ne le jour. Le plaisir de Dieu soit faict.

Interroguee se ses voix luy ont riens dit en general,

Respond : Ouy, vrayement, ilz m’ont dit que je seray delivree. Mais ne sçay le jour ne l’heure. Et que je face bonne chere hardyment.

Interroguee, quand elle vint premierement devers son roy, se il luy demanda si elle avoit revelation de muer son habit,

Respond : Je vous ay respondu ; et toutesfoys ne me souvient se il me fut demandé.

Dit que ce est en escript a Poitiers.

Interroguee se les maistres qui la examinerent en l’autre obaissance, les ungs par ung moys, les aultres par troys sepmaines, se ilz la interroguerent point de la mutation de son habit,

Respond : Il ne m’en souvient.

Toutesvoyes elle dist : ilz la interroguerent ou elle avoit prins tel habillement d’homme ; et elle leur dist que ce avoit esté a Veaucouleur.

Interroguee se ilz luy demanderent point qu’elle l’eust prins par ses voix,

Respond : Il ne m’en souvient.

Interroguee, quand elle alla premierement visiter la rogne, se elle luy demanda point de cest habit,

Respond : Il ne m’en souvient.

Interroguee se le roy ou la royne ou aultres de son party requirent point de meclre son habit jus et prendre habit de femme,

89 Respond : Cela n’est point de vostre procez.

Interroguee se a Beaureveoir elle en fut requise,

Respond : Ouy, vrayement. Et je respondy que je ne le mueroys point sans le congié de nostre Seigneur.

Item, dit que la damoiselle de Luxembourg requist a monseigneur de Luxembourg qu’elle ne fust point livree aux Angloys99.

Item, dit que la damoiselle de Luxembourg et la dame de Beaureveoir luy offrirent habit de femme, ou drap a le faire ; et luy requirent qu’elle le portast.

Et elle respondit qu’elle n’en avoit pas le congié de nostre Seigneur ; et qu’il n’estoit pas encoires temps.

Interroguee se messyre Jean de Pressy et aultres luy offrirent point habit de femme,

Respond : Luy et plusieurs aultres le m’ont plusieurs foys offert.

136137Interroguee se elle croit qu’elle eust delinqué ou faict péché mortel de prendre habit de femme,

Respond qu’elle faict xnieulx d’obayr a servir son souverain Seigneur, c’est assavoir Dieu, que aux hommes.

Item, dit que, si elle l’eust deu faire, elle l’eust plus tost faict a la requeste de ses deux dames, que d’aultres dames qui soyent en France, excepté la royne.

Interroguee, quand Dieu luy revela qu’elle muast son habit, se ce fut par la voix sainct Michel, de saincte Katherine ou saincte Marguerite,

Respond : Vous n’en aurez maintenant aultre chose.

90 Interroguee, quand son roy la mist en œuvre et elle feist faire son estandard, se les gens d’armes et aultres gens de guerre feirent faire poumonceaux en la maniere du sien,

Respond : Il est bon a sçavoir que les seigneurs maintenoyent leurs armes et non aultres.

Item, dit que les aulcuns compaignons de guerre en feirent faire a leur plaisir, et les aultres non.

Interroguee de quelles matieres ilz les feirent faire, se ce fut de toille ou de drap,

Respond : C’estoit de blans satins ; et y en avoit en aulcuns des fleurs de lys.

Et si dit qu’elle n’avoit que deux ou troys lances de sa compaignie ; mais les compaignons de guerre aulcunes foys en faisoyent faire a la semblance des siens, seulement pour congnoistre les siens des aultres.

Interroguee s’ilz estoyent gueres souvent renouvelez,

Respond : Je ne sçay. Quand les lances estoyent rompues, on en faisoit de nouveaux.

Interroguee se elle dist point que les pomonceaux, qui estoyent a la semblance des siens, estoyent eureux,

Respond qu’elle leur disoit aulcunes foys : Entrez hardyment parmy les Angloys. Et elle mesme y entroit.

Interroguee se elle leur dist que ilz le portassent hardy nient, et qu’ilz auroyent bon eur,

Respond que elle leur dist bien ce qui estoit venu et viendroit encoire.

Interroguee si elle metoit ou faisoit point metre de l’eaue 91 benoiste sur les poumonceaux, quand on les prenoit de nouvel,

Respond : Je n’en sçays riens ; et se il a esté faict, ce n’a pas esté de mon commandement.

138139Interroguee se elle y en a point veu gecter,

Respond : Cela n’est point de vostre procez. Et se elle y en a veu gecter, elle n’est pas advisee de maintenant vous en respondre.

Interroguee se les compaignons de guerre faisoyent point metre en leurs poumonceaux : Jhesus Maria,

Respond : Par ma foy, je n’en sçais riens.

Interroguee se elle a point tournyé ou faict tournyer toilles, par maniere de procession, entour ung chastel101 ou eglise, pour faire des poumonceaux,

Respond que non, et n’en a riens veu faire.

Interroguee, quand elle fut devant Gergeau, que c’estoit que elle portait derrière son heaulme ; et s’il y avait aulcune chose ront,

Respond : Par ma foy, il n’y avoit rien.

Interroguee se elle congneust oncq frere Richard,

Respond : Je ne l’avoye oncques veu, quand je vins devant Troyes.

Interroguee quelle chere frere Richard luy feist,

Respond que ceulx de la ville de Troyes, comme elle pense, l’envoyerent devers elle, doubtans et disans qu’ilz doubtoyent que ce ne fust pas chose de par Dieu.

Et, quand il vint devers elle en approchant, il faisoit le signe de la croix, et gectoit eaue benoiste.

Et elle luy dist : Aprochez hardyment. Je ne m’envoleray pas.

92 Interroguee si elle avoit point veu ou faict faire aulcuns ymaiges ou painctures d’elle et a sa semblance,

Respond qu’elle veit a Rains103 une paincture en la main d’ung Escossoys ; et y avoit semblance d’elle toute armee, qui presentoit unes lectres a son roy ; et estoit agenouillee d’ung genouil104. Et que oncques ne veit ou feist faire aultre ymaige ou paincture en sa semblance.

Interroguee d’ung tablel qui est ciex son hoste, ou il y avoit : justice, paix et union,

Respond qu’elle n’en sçait riens.

Interroguee si elle sçait point se ceulx de son partg agent faict service, messe ou oraison pour elle,

Respond qu’elle n’en sçait rien. Et, se ilz en ont faict service, ne l’ont point faict par son commandement ; et se ilz ont prié pour elle, il luy est advis que ilz ne ont point faict de mal.

Interroguee se ceulx de son party croyent fermement que elle soit envoyee de par Dieu,

Respond : Je ne sçay se ilz le croyent, et m’en actendz a leur couraige. Mais, se ilz ne croyent, si suis je envoyee de par Dieu.

140141Interroguee se elle cuide pas que, en croyant qu’elle soit envoyee de par Dieu, qu’ilz ayent bonne creance,

Respond : Se ilz croyent que je suis envoyee de par Dieu, ilz ne sont point abusez.

Interroguee se elle sçavoit point bien le couraige de ceulx de son party, quand ilz luy baisoyent les piedz et les mains et ses vestemens,

Respond : Beaucoup de gens me veoyent voluntiers. Et qu’ilz bai soyent le moins ses vestemens qu’elle povoit. Mais dit que les paovres gens venoyent voluntiers a elle, 93 pour ce que elle ne leur faisoit point de desplaisir ; mais les supportait et gardoit a son povoir.

Interroguee quelle reverence luy feirent ceulx de Troyes a l’entree,

Respond : Ilz ne m’en feirent point.

Et dit oultre que, a son advis, frere Richard estoit quand eulx a Troyes. Mais n’est point souvenante s’elle le vist a l’entree.

Interroguee se il fist point de sermon a l’entree de la venue d’elle,

Respond qu’elle n’y arresta gueres, et n’y jeust oncques. Et quand au sermon, elle n’en sçait riens.

Interroguee se elle fut gueres de jours a Rains,

Respond : Je croy que nous y fusmes quattre ou cinq jours.

Interroguee se elle y leva point d’enfant,

Respond que a Troyes en leva ung. Mais a Rains, n’en a point de mémoire, ne du Chasteau Thierry. Et aussy en leva deux a Sainct Denis. Et voluntiers mectoit nom aux filz Charles, pour l’honneur de son roy ; et aux filles Jhenne ; et aulcunes foys selon que les meres vouloyent.

Interroguee si les bonnes femmes touchoyent point leurs aneaux a l’anel qu’elle portait,

Respond : Mainctes femmes ont touché a ses mains et ses aneaulx. Mais ne sçait point leur couraige et intention.

Interroguee qui furent ceulx de sa compaignie qui prindrent papillons devant le Chasteau Thierry en son estandard,

Respond qu’il n’en fut oncques faict ou dict de leur party ; mais 94 ont esté ceulx du party de ça, qui l’ont controuvé.

Interroguee qu’elle feist a Rains de gens, ou son rog fut sacré,

Respond : Il y eut une livree de gans, pour bailler aux chevaliers et nobles qui la estoyent, Et y en eut ung qui perdist ses gans ; mais ne dist point qu’elle les feroit retrouver105.

Item, dit que son estandard fut en l’eglise de Rains ; et luy semble qu’il fust assez prez de l’aoustel ; et elle mesme luy tint ung peu ; et ne sçait point que frere Richard le tint.

142143Interroguee, quand elle allait par pays, si elle recepvoit souvent le sacrement de confession et de l’aoustel, quand elle venoit es bonnes villes,

Respond que ouy, aulcunes foys.

Interroguee si elle recepvoit lesdictz sacrementz en habit d’homme,

Respond que ouy ; mais ne a point de mémoire de l’avoir receu en armes.

Interroguee pour quoy elle peint la haquenee de l’evesque de Senlis,

Respond : Elle fut achaptee deux cens salutz. Se il les eut ou non, ne sçait ; mais en eust assignation, ou il en fut payé. Et si luy rescripsi que il la rairoit, s’il vouloit, et que elle ne la vouloit point ; car elle ne valoit riens pour souffrir peine106.

Interroguee quel aage avoit l’enfant a Laigny que elle alla visiter,

Respond : L’enfant avoit troys jours. 95 Et fut apporté a Laigny a Nostre Dame. Et luy fut dit que les pucelles de la ville estoyent devant Nostre Dame ; et qu’elle y voulsist aller prier Dieu et nostre Dame, que il luy voulsist donner vie. Et elle y alla et pria Dieu avecques les aultres. Et finablement y apparut vie, et bailla troys foys ; et puis fut baptisé ; et tantost mourut ; et fut enterré en terre saincte. Et y avoit troys jours, comme l’en disoit, que en l’enfant n’y avoit apparu vie ; et estoit noir comme sa cotte. Mais quand il bailla, la couleur luy commença a revenir. Et estoit avecques les pucelles a genoux devant Nostre Dame a faire sa priere107.

Interroguee se il fut point dict par la ville que ce avoit elle faict, et que c’estoit a sa priere,

Respond : Je ne m’en enquerroye point.

Interroguee se elle congnut point Katherine de la Rochelle, ou se elle l’avoit veue,

Respond que ouy, a Gergeau ; et au Montfaulcon en Berry.

Interrogué s’elle luy monstra point une femme vestue de blancq, quelle disoit qui luy apparoissoit aulcunes foys,

Respond que non.

Interroguee qu’elle luy dist,

Respond que celle Katherine luy dist qu’il venoit une femme, une dame blanche, vestue de drap d’or, qui luy disoit qu’elle alast par les bonnes villes, et que le roy luy baillast des heraulx et trompettes pour faire crier que quiconcques auroit or, argent ou tresor mucié, qu’il l’apportast tantost ; et que ceulx qui ne le feroyent, 96 et que ceulx qui en auroyent de caché, qu’elle les congnoistroit bien ; et sçauroit trouver lesdits tresors ; et que ce seroit pour payer les gens d’armes d’icelle Jhenne. A laquelle elle respondit qu’elle retournast a son mary, faire son mesnaige et nourrir ses enfans. Et, pour en savoir la verité, elle en parla a saincte Katherine et saincte Marguerite, qui luy dirent que, du faict d’icelle Katherine n’estoit que folye, et toute menterie. Escrisit a son roy 144145qu’elle luy diroit ce qu’elle en debvoit faire. Et quand elle vint, elle luy dist que du faict de ladicte Katherine n’estoit que folye et menterye. Toutesfois frere Richard voulloit que on la mist en œuvre. Ce que elle ne voulut souffrir ; dont ledit frere Richard et ladicte Katherine ne furent pas contens de elle.

Interroguee si elle parla point a ladicte Katherine de la Rochelle du faict de aller a La Charité,

Respond que ladicte110 Katherine ne luy conseilloit point qu’elle y allast ; et que il faisoit trop froit ; et qu’elle n’y debvoit point aller.

Item, dist a ladicte Katherine, qui vouloit aller devers le duc de Bourgouingne pour faire paix, qu’il luy sembloit que on n’y trouveroit point de paix, si ce n’estoit par le bout de la lance.

Item, dit qu’elle demanda a [celle]111 Katherine se celle dame venoit toutes les nuicts ; et pour ce, qu’elle coucheroit avecq elle. Et y coucha, et veilla jusques a mynuict ; et ne veit rien, et puis s’endormit. Et quand vint au mattin, elle demanda c’elle estoit venue. Et luy respondit : qu’elle estoit venue, alors que elle dormoit et ne l’avoit peu esveiller. 97 Et alors luy demanda s’elle viendroit point le lendemain. Et ladicte Katherine luy respondit que ouy. Pour laquelle chose voulut dormir icelle Jhenne de jour, affin qu’elle peust veiller la nuict. Et coucha ladicte nuict ensui vant avecques ladicte Katherine, et veilla toute la nuict. Mais ne veit rien, combien que souvent demandast : Viendra elle bientost. Et ladicte Katherine luy respondist : Ouy, tantost.

Interroguee qu’elle fist sur les fossés de La Charité,

Respond qu’elle y feist faire ung assault. Et dit qu’elle n’y jecta, ne feist jecter eaue, par maniere de aspersion.

Interroguee pourquoi} elle n’y entra, puisqu’elle avoit commandement de Dieu,

Respond : Qui vous a dict que je avoye commandement d’y entrer ?

146147Interroguee se elle en eust point de conseil de sa voix,

Respond qu’elle s’en vouloit venir en France. Mais les gens d’armes luy disrent que c’estoit le mieulx d’aller devant La Charité premierement.

Interrogué si elle fut longuement en celle tour de Beaurevoir,

Respond qu’elle y fut quattre moys ou environ. Et puis dist, quand elle sceust les Angloys venir, elle fut moult courroucee ; et toutesfoys ses voix luy deffendirent plusieurs foys qu’elle ne saillist. Et en fin, pour la doubte des Angloys, saillit, et se recommanda a Dieu et a nostre Dame. Ce nonobstant, elle fut blecee. Et apprez qu’elle fut saillye, la voix saincte Katherine luy dist qu’elle feist bonne chere, et qu’elle gariroit, et que ceulx de Compieigne auroyent secours.

98 Item, dit que elle prioit pour ceulx de Compieigne tousiours avecques son conseil.

Interroguee qu’il advint quand elle eut sailly, et qu’elle dist,

Respond que aulcuns disoyent qu’elle estoit morte. Et tantost que les Bourguygnons veirent qu’elle estoit en vie, ilz luy demanderent pourquoy elle estoit saillye.

Interroguee se elle dist point qu’elle aymast mieulx fa mourir, que de estre en la main des Angloys,

Respond qu’elle aymeroit mieulx rendre l’ame que de estre en la main des Angloys.

Interroguee se elle se courrouça point, et si elle blasphéma point le non de Dieu,

Respond qu’elle n’en blasphema oncques ne sainct ne saincte ; et qu’elle n’a point acoustumé a jurer.

Interroguee du faict de Souessons, pour ce que le cappitaine avoit rendu la ville ; et si elle avoit point regnoyé Dieu, se elle le tenoit, qu’elle le ferait trencher en quattre pièces.

Respond qu’elle ne regnoya oncques sainct ne saincte. Et que ceulx qui l’ont dit ou rapporté, ont mal entendu.

Car oncques en sa vie ne jura ne blasphema le non de Dieu ne de ses sainctz.

Et pour ce, je vous supply, passez oultre.

149[Interrogatoire en la prison]

[Samedi, 10 mars]

Le sabmedy ensuivant, d’apprez le dimence d’Oculi, X^me jour de mars, ladicte Jhenne fut requise de dire verité.

99 Respondit : Je vous prometz que je diray verité de ce qui touchera vostre procez. Je vous prie, ne me contraignez point a jurer. Car, plus me contraindrez a jurer, et plus tard vous diray verité.

Interroguee en apprez par maistre Jehan de la Fontaine, par le commandement de monseigneur de Beauvoys, en ceste maniere : Par le serment que vous avez faict, quand vous venistes dernièrement a Compieigne, de quel lieu estiez vous partie ?

Respond : De Crespy en Valleys.

Interroguee, quand elle fut venue a Compieigne, se elle fut plusieurs journees avant qu’elle feist aulcune saillye,

Respond qu’elle vint a heure secrete du mattin ; et entra en la ville, sans que ses ennemys le sceussent, comme elle pense. Et ce jour mesmes, sur le soir, feist la saillye ou fut prinse.

Interroguee se en la saillye l’on sonna les cloches,

Respond : Se on les sonna, ce ne fut point a son commandement, ou par son sceu ; et n’y pensoit point. Et si ne luy souvient s’elle avoit dist que on les sonnast.

Interroguee se elle feist ceste saillye du commandement de sa voix,

Respond que, en la sepmaine de Pasques derniere passee, elle estante sur les fossez de Melun, luy fut dict par ses voix, c’est assavoir saincte Katherine et saincte Margueritte, qu’elle seroit prinse avant qu’il fust la sainct Jehan, et que ainsy falloit 100 qu’il fust faict. Et qu’elle ne se esbahist. Mais qu’elle print tout en gré, et que Dieu luy ayderoit.

Interroguee sy, depuis ce lieu de Melun, luy fut point derechef dit par sesdictes voix qu’elle seroit prinse,

Respond que ouy, par plusieurs foys, et comme tous les jours. Et a ses voix requeroit, quand elle seroit prinse, qu’elle fust morte tantost, sans long travail de prison.

Et ilz luy disrent qu’elle print en gré ; et que ainsy le falloit faire ; mais 151151ne luy disrent point l’heure ; et si elle l’eust sceu, elle n’y fut pas allee. Et [avoit]113 plusieurs foys demandé, sçavoir l’heure. Mais ilz ne luy vou lurent pas dire.

Et pria : Passez oultre.

Interroguee, se ses voix luy eussent commandé qu’elle fust saillye et signifié qu’elle eust esté prinse, se elle y fut allee,

Respond que, se elle eust sceu l’heure que elle eust deu estre prinse, elle n’y fust pas allee voluntiers. Toutesfoys elle eust faict leur commandement en la fin, quelque chose que il luy en eust deu advenir.

Interroguee se, quand elle feist ceste saillye, se elle avoit eu voix de partir et faire celle saillye,

Respond que ce jour ne sceust point sa prinse ; et ne eust aultre commandement de yssir ; mais tousiours luy avoit esté dit qu’il falloit qu’elle fust prisonnière.

Interroguee se, a faire saillye, elle passa par le pond,

Respond qu’elle passa par le pond et boulevert, avecques la compaignie des gens de son party, sur les gens 101 de monseigneur de Luxembourg. Et les reboutta par deux foys, jusques au logis des Bourguignons. A la tierce foys, jusques a my le chemin. Et alors les Angloys, qui la estoyent, coupperent les chemyns a elle et ses gens, entre elle et le boulevert. Et pour ce, se retrairent ses gens et elle. Et elle, en soy retirant, es champs, eu costé de Pycardye, prez du boulevert, fut prinse entre la riviere et Compieigne. Et n’y avoit seullement entre le lieu ou elle fut prinse et Compieigne, que la riviere, le boulevert et le fossé d’icelluy boulevert.

Interroguee se en icelluy estandard le monde et les deux angelz y estoyent paincts,

Respond que ouy.

Interroguee quelle signifiance c’estoit que prendre eudict estandart Dieu tenant le monde et ses deux angletz,

Respond que saincte Katherine et saincte Marguerite luy dirent qu’elle print en ceste façon, et le portast hardyment ; et quelle feist metre en paincture le Roy du Ciel.

Et de la signifiance, n’en sçait aultrement.

Interroguee se elle avoit point d’escu et d’armes,

Respond qu’elle n’en eut oncques point. Mais son roy donna a ses freres armes. C’est assavoir ung escu d’asur, deux fleurs de lys d’or et une espee parmy. Et a devisé a ung painctre celles armes, pour ce que on luy avoit demandé quelles armes elle avoit.

Item, dit que ce fut donné par son roy a ses freres, a la plaisance d’eulx, sans sa requeste et sans sa revelacion.

152153102 Interroguee se elle avait ung cheval, quand elle fut prinse, et s’il estoit coursier ou hacquenee,

Respond que elle estoit a cheval sur ung demy coursier.

Interroguee qui luy avoit donné celluy cheval,

Respond que son roy ou ses gens luy donnerent de l’argent du roy.

Et si dist qu’elle avoit cinq coursiers, sans les trotiers ; ou il y en y avoit plus de sept.

Interroguee si elle eut oncques aultres richesses de son roy que ses chevaulx,

Respond qu’elle ne demandoit rien a son roy, fors bonnes armes, bons chevaulx, et de l’argent a payer les gens de son hostel.

Interroguee se elle avoit point de tresor,

Respond que dix ou douze mil114, qu’elle avoit vaillant, n’est pas grand tresor a mener la guerre. Et que c’est pou de chose. Et laquelle somme ses freres ont eue, comme elle pense. Et dit que ce que elle en a, c’est de l’argent propre de son roy.

Interroguee quel est le signe qui vint a sont roy,

Respond qu’il est bel, honorable et bon, et le plus riche qui soit.

Interroguee pourquoy elle ne veult aussi bien dire et monstrer le signe dessusdit, comme elle voulut avoir le signe de Katherine de la Rochelle,

Respond que, se le signe de Katherine eust esté aussi bien monstré devant notables gens d’Eglise, c’est assavoir archevesques ou evesques, comme le archevesque de Rains et aultres evesques, dont elle ne sçait les nons. Et mesmes y estoit Charles de Bourbom, 103 le syre de la Trimouille, le duc d’Alençon et plusieurs aultres chevalieres, qui le veirent et ouyrent aussi bien, comme elle voit ceulx qui parloyent a elle aujourd’huy, comme celluy dessusdict estre monstré, elle n’eust point demandé savoir le signe de ladicte Katherine. Et toutesfoys elle sçavoit au devant par saincte Katherine et saincte Margueritte, que, du faict de ladicte Katherine de la Rochelle, c’estoit tout néant.

Interroguee si ledit signe dure encoires,

Respond : Il est bon a sçavoir qu’il dure encoires ; et durera jusques a mil ans et oultre.

Item, que ledit signe est au tresor du roy.

Interroguee se c’est or, argent, ou pierre precieuse, ou couronne,

Respond : Je ne vous en diray aultre chose. Et ne sçauroit homme deviser aussy riche chose, comme est le signe. Et toutesvoyes le signe que vous fault, c’est que Dieu me delivre de voz mains. Et est le plus certain qu’il vous saiche envoyer.

154155Item, dit que, quand elle deust partir a aller a son roy, luy fut dit par ses voix : Va hardyment ! Car, quand tu seras devers le roy, il aura bon signe de te recepvoir et croire.

Interroguee, quand le signe vint a son roy, quelle reverence elle y fist, et se il y vint de par Dieu,

Respond qu’elle mercya nostre Seigneur de ce qu’il la delivra de la peine des clers de par delà, qui arguoyent contre elle. Et se agenouilla plusieurs foys.

104 Item, dit que ung ange de Dieu, et non de par aultre, bailla le signe a son roy. Elle en mercya moult de foys nostre Seigneur.

Item, dit que les clers de par della cesserent a l’arguer, quand ilz eurent sceu ledit signe.

Interroguee se les gens de par dela veirent le signe dessusdit,

Respond que, quand son roy et ceulx qui estoyent avecques luy eurent veu ledit signe et mesmes l’ange qui le bailla, elle demanda a son roy se il estoit comptent. Et il respondit que ouy. Et lors elle partit et s’en alla en une petite chappelle assez prez ; et ouyt lors dire que, apprez son partement, plus de III^cc personnes veirent ledit signe.

Dit oultre que, pour l’amour de elle, que ilz la laissassent a interroguer, Dieu voulloit pennetre que ceulx de son party, qui veirent ledit signe, le veissent.

Interroguee se son roy et elle feirent point de reverence a l’ange, quand il apporta le signe,

Respond que ouy d’elle ; elle se agenouilla et osta son chapperon.

[Interrogatoire en la prison]

[Lundi, 12 mars]

Le lundy apprez Letare Jherusalem, XII^me jour de mars,

ladicte Jehenne fut requise par monseigneur de Beauvoys de dire verité de ce qui luy seroit demandé.

Respond : De ce qui touchera vostre procez, comme autresfoys vous ay dict, je dirai voluntiers verité.

Et ainsy le jura, presens maistres Thonmas [Fiesvé]115, Nicolas de [blanc] et Jehan Carbonnier.

156157Et apprez fut interroguee par le commandement de mondit seigneur l’evesque de Beauvoys, par maistre Jehan de la Fontaine.

Et premierement, se l’ange, qui apporta le signe, parla point a elle,

Respond que ouy. Et qu’il dist a son roy que on la mist en besongne. Et que apprez116 seroit tantost alegee.

Interroguee se l’ange, qui apporta ledit signe, fut l’ange qui premierement apparut a elle, ou se ce fut ung aultre,

[Respond] : C’est tousiours tout ung. Et oncques ne luy faillit.

Interroguee se l’ange luy a point failly, de ce qu’elle a esté prinse, aux biens de fortune,

Respond qu’elle croit, puisqu’il plaist a nostre Seigneur, c’est le mieulx qu’elle soit prinse.

Interroguee se, es biens de grace, l’ange luy a point failly,

Respond : Et comme me fauldroit il, quand il me conforte tous les jours. Et entend cest confort, que c’est de saincte Katherine et saincte Margueritte.

Interroguee se elle les appelle, ou se ilz viennent sans appeller,

Respond : ilz viennent souvent sans appeller. Et aultres foys, se ilz ne venoyent bien tost, elle requerroit nostre Seigneur qu’il les envoyast.

Interroguee se elle les a aulcunes foys appellees, et ilz ne estoyent point venues,

Respond qu’elle n’eust oncques besoing, que elle ne les ait.

106 Interroguee se sainct Denis apparut oncques a elle,

Respond que non, qu’elle saiche.

Interroguee se, quand elle promist a nostre Seigneur de garder sa virginité, s’elle parlait a luy,

Respond : Il debvoit bien suffire de promettre a ceulx qui estoyent envoyez de par luy, c’est assavoir a saincte Katherine et a saincte Margueritte.

Interroguee qui la meut de faire citer ung homme a Tou, en cause de mariage,

Respond : Je ne le feis pas cyter. Mais ce fut luy qui me feist cyter.

Et la, jura devant le juge dire verité ; et en fin qu’elle ne luy avoit faict promesse.

Item, dit que, la premiere foys qu’elle ouyt sa voix, elle voua sa virginité, tant qu’il plairoit a Dieu. Et estoit en l’aage de XIII ans, ou environ.

Item, dit que ses voix l’assurerent de gaigner son procez.

158159Interroguee si, de ses visions elle a point parlé a son curé ou aultre homme d’Eglise,

Respond que non ; mais seulement a Robert de Baudricourt et a son [roy]118. Et dit oultre qu’elle ne fut point contraincte de ses voix a le celer. Mais doubtoit moult le reveler, pour doubte des Bourguygnons, que ilz ne l’empeschassent de son voyage ; et par especial doubtoit moult son pere, que il ne l’empeschast de fere son voyage.

107 Interroguee se elle cuidoit bien faire de partir sans le congé de pere ou mere, comme il soit ainsy que on doibt honnorer pere et mere,

Respond que, en toutes autres choses, elle a bien obay a eulx, excepté de ce parlement ; mais deppuis leur a escript, et luy ont pardonné.

Interroguee se, quand elle partist de ses pere et mere, elle cuidoit point pecher,

Respond : Puisque Dieu le commandoit, il le convenoit faire.

Et dit oultre : Puisque Dieu le commandoit, se elle eust eu cent peres et cent meres, et si elle eust esté fille du roy, elle fut partye.

Interroguee se elle demanda a ses voix qu’ilz le dyent119 a son pere et a sa mere son parlement,

Respond : Quand est de pere et de mere, ilz estoyent assez contens qu’elle leur dist, se n’eust esté la peine qu’ilz luy eussent faict, se elle leur eust dist. Et quand est de elle, elle ne leur eust dit, pour chose quelquonque.

Item, dit que ses voix se rapporterent a elle de dire a pere ou a mere, ou de s’en taire.

Interroguee se, quand elle veist sainct Michel et les angelz, se elle leur faisait reverence,

Respond que ouy ; et baisoit la terre apprez leur partement, ou ilz avoyent reposé, en leur faisant reverence.

Interroguee se ilz estoyent longuement avecq elle

[Respond :] Ilz viennent beaucoup de foys entre les chrestiens, que on ne les voit point. Et les a beaucoup de foys veuz entre les chrestiens.

108 Interroguee si de sainct Michel ou de ses voix, elle a point eu de lectres,

Respond : Je n’en ay point eu de congié de le vous dire.

Et entre cy et huit jours, je vous en respondray voluntiers ce que j’en sçauray.

Interroguee se ses voix l’ont point appellee : fille de Dieu, fille de l’Eglise, la fille au grand cueur,

Respond que, au devant du siege d’Orleans levé, et depuis, tous les jours, quand ilz parlent a elle, l’ont plusieurs foys appellee : Jhenne la Pucelle, fille de Dieu.

160161Interroguee, puisqu’elle se dit : fille de Dieu, pourquoy elle ne dit volontiers : Pater noster,

Respond qu’elle la dit voluntiers. Et autresfoys, quand elle récusa la dire, c’estoit en intencion que monseigneur de Beauvoys la confessast.

[Interrogatoire en la prison]

[Lundi, 12 mars, après-midi]

Dudit jour de lundy XII^me de mars de relevee,

Interroguee des songes de son pere,

Respond que, quand elle estoit encoires avecques ses pere et mere, luy fut dict par plusieurs foys par sa mere que son pere disoit qu’il avoit songé que avecques les gens d’armes s’en yroit ladicte Jhenne sa fille ; et en avoyent grand cure ses pere et mere de la bien garder ; et la tenoyent en grand subiection ; et elle obaissoit a tout, synon au procez de Tou, au cas de mariage.

Item, dit qu’elle a ouy dire a sa mere que son pere disoit a ses freres : Se je cuidoye que la chose advint, que j’ay 109 songé de elle, je vouldroye que la noyssiez ; et si vous ne le faisiez, je la noiroye moy mesme. Et a bien peu qu’ilz ne perdirent le sens, quand elle fut partye a aller a Vaucouleur.

Interroguee se ses pensees ou songes venoyent a son pere puis qu’elle eut ses visions,

Respond : Ouy, plus de deux ans puis qu’elle eut les premieres voix.

Interroguee si ce fut a la requeste de Robert ou d’elle qu’elle print habit d’homme,

Respond que ce fut par elle, et non a la requeste de homme du monde.

Interroguee se la voix luy commanda qu’elle print habit d’homme,

Respond : Tout ce que j’ay faict de bien, je l’ay faict par le commandement des voix.

Et dit oultre, quand a cest habit, en respondra aultres foys ; que, de present, n’en est advisee. Mais demain en respondra.

Interroguee si, en prenant habit d’homme, elle pensait mal faire,

Respond que non ; et encoires de present, si elle estoit en l’autre party et en cest habit d’homme, luy semble que se seroit un des grands biens de France, de faire comme elle faisoit au devant de sa prinse.

Interroguee comme elle eut delivré le duc d’Orleans,

Respond que elle eust assez prins de sa prinse des Angloys pour le ravoir ; et se elle n’eust prins assez de sa prinse de ça, elle eust passé la mer, pour le aller quérir a puissance en Engleterre.

162163110 Interroguee se saincte Marguerite et saincte Katherine luy avoyent dit sans condicion et absolutement qu’elle prendrait gens suffisons pour avoir le duc d’Orleans, qui estoit en Engleterre, ou aultrement qu’elle passe rait la mer pour le aller quérir a puissance en Engleterre, et admener dedens troys ans,

Respond que ouy. Et qu’elle dist a son roy, et qu’il la laissast faire des prisonniers.

Dit oultre de elle que, se elle eust duré troys ans sans empeschement elle l’eust delivré.

Item, dit qu’il avoit plus bref terme que de troys ans, et plus long que d’ung an ; mais n’en a pas de present memoire.

Interroguee du signe baillé a son roy,

Respond que elle en aura conseil a saincte Katherine.

[Interrogatoire en la prison]

[Mardi, 13 mars]

Le mardy, XIII^e iour de mars,

l’an mil quattre cens trente,

Interroguee premierement du signe baillé a son roy, quel il fut,

Respond : Estes vous content que je me pariurasse.

Interroguee par monseigneur le vicaire de l’inquisiteur se elle avoit juré et promis a saincte Katherine non dire ce signe,

Respond : J’ai juré et promis non dire ce signe, et de moy mesme, pour ce que on m’en chargoit trop de le dire. Et adoncq dist elle mesme : Je promect que je n’en parleray plus a homme.

Item, dit que le signe, ce fut que l’ange certiffioit a son roy 111 en luy apportant la couronne, et luy disant qu’il [aroit]120 tout le royaulme de France entièrement, a l’ayde de Dieu et moyennant son labeur ; et que il l’a mist en besongne ; c’est assavoir que aultrement qu’il luy baillast des gens, il ne seroit mye si tost couronné et sacré.

Interroguee si depuis hier ladicte Jhenne a parlé a saincte Katherine,

Respond que depuis elle l’a ouye. Et toutesfoys luy a dict plusieurs foys qu’elle responde hardyment aux juges de ce que ilz demanderont a elle, touchant son procez.

Interroguee en quelle maniere l’ange apporta la couronne, et se il la mist sur la teste de son roy,

Respond : Elle fut baillee a ung archevesque, c’est assavoir a celluy de Rains, comme il luy semble.

Et ledit archevesque la receut, et la bailla au roy.

165Interroguee du lieu ou elle fut apportee,

Respond : Ce fut en la chambre du roy, eu chastel de Chinon.

Interroguee du jour et de l’heure,

[Respond :] Du jour, je ne sçay ; de l’heure, il estoit haulte heure. Aultrement n’a mémoire de l’heure ; et du moys, au moys d’apvril ou de mars, comme il luy semble ; eu moys d’apvril prochain, ou en ce present moys, a deux ans ; et estoit apprez Pasques.

Interroguee se, la premiere journee qu’elle vist le signe, son roy le veit,

Respond que ouy ; et que il l’eut luy mesme.

112 Interroguee de quelle matiere estoit ladicte couronne,

Respond : C’est bon assavoir qu’elle estoit de fin or ; et estoit si riche que je ne sçauroye nombrer la richesse. Et que la couronne signifioit qu’il tiendroit le royaulme de France.

Interroguee se il y avoit pierrerie,

Respond : Je vous ay dict ce que j’en sçay.

Interroguee se elle la manya ou baisa,

Respond que non.

Interroguee se l’ange qui l’apporta venoit de hault, ou se il venoit par terre,

Respond : Il vint de hault. Et entend qu’il venoit par le commandement de nostre Seigneur ; et entra par l’huis de la chambre.

Interroguee se l’ange venoit par terre et erroit depuis l’huis de la chambre122,

Respond : Quand il vint devant le roy, il feist reverence au roy, en se inclynant devant luy, et prononçant les parolles qu’elle a dictes du signe ; et avecq ce luy [ramentevoit] la belle pascience qu’il avoit eue, selon les grandes tribulacions qui luy estoyent venues ; et depuis l’huis, il marchoit et erroit sur la terre, en venant au roy.

Interroguee quelle espace il y avoit de l’huis jusques au roy,

Respond : Comme elle pense, il y avoit bien l’espace de la longueur d’une lance ; et, par ou il estoit venu, s’en retourna.

Item, dit que, quand l’ange vint, elle l’accompaigna ; et alla avecques luy par les degrez a la chambre du roy, 113 et entra l’ange le premier. Et puis elle mesme dist au roy : Syre, vela vostre signe ; prenez le.

166167Interroguee en quel lieu il apparut a elle,

Respond : Je estoye prezque tousiours en priere, affin que Dieu envoyast le signe du roy ; et estoye a mon logis, qui est ciex une bonne femme, prez du chasteau de Chynon, quand il vint. Et puis et nous alasmes ensemble au roy ; et estoit bien accompaigné d’aultres angelz avecques luy, que chascun ne voyoit pas.

Et dit oultre : Ce n’est pas pour l’amour d’elle, et de la oster hors de peine des gens qui l’arguoyent, elle croit bien que plusieus gens veirent l’ange dessusdit, que ne le eussent pas veu.

Interroguee se tous ceulx, qui la estoyent avecq le roy, veirent l’ange,

Respond qu’elle pense que l’archevesque de Rains, les seigneurs d’[Alençon]124 et de la Trimouille et Charles de Bourbon le veirent. Et, quand est de la couronne, plusieurs gens d’Eglise et aultres la veirent, qui ne veirent pas l’ange.

Interroguee de quelle figure, et quel grand estoit ledit ange,

Respond qu’elle n’en a point congé ; et que demain en respondra.

Interroguee [se]126 ceulx qui estoyent en la compaignie de l’ange [estoyent] tous d’une mesme figure,

[Respond :] Ilz se entresembloyent voluntiers les aulcuns. Et les aultres non, en la maniere qu’elle les veoit ; et les aulcuns avoyent aelles ; et si y en avoyent de couronnez, 114 et les aultres non ; et y estoyent en la compaignie sainctes Katherine et Margueritte ; et furent avecq l’ange dessusdit, et les aultres anget aussy, jusques dedens la chambre du roy.

Interroguee comme celluy ange se partit de elle,

Respond : Il departit d’elle en ceste petite chappelle ; et fut bien cour roucee de son parlement ; et plouroit ; et s’en fust voluntiers allee avecques luy, c’est assavoir son ame.

Interroguee se au portement elle demoura joyeuse, ou effroyee et en grand paour,

Respond : Il ne me laissa point en paour ne effroyee ; mais estoye courroucee de son parlement.

Interroguee se ce fut par le merite de elle que Dieu envoya son ange,

Respond : Il venoit pour grande chose ; et fut en esperance que le roy creust le signe ; et que on laissast a l’arguer ; et pour donner secours aux bonnes gens d’Orleans ; et aussy pour le merite du roy et du bon duc d’Orleans.

168169Interroguee pourquoy elle, plus tost que ung aultre,

Respond : Il pleut a Dieu ainsy faire par une simple pucelle, pour reboutter les adversaires du roy.

Interroguee se il a esté dit a elle ou l’ange avoit prins celle couronne,

Respond qu’elle a esté apportee de par Dieu ; et qu’il n’a orfebvre eu monde, qui la sceust faire si belle ou si riche. Et ou il la print, elle s’en rapporte a Dieu ; et ne sçait point aultrement ou elle fut prinse.

115 Interroguee se celle couronne fleurait point bon et avoit bon odeur, et se elle estoit point reluisant,

Respond : Elle n’a point de memoire de ce. Elle s’en advisera.

Et apprez dit : Elle sent bon et sentira ; mais qu’elle soit bien gardee, ainsy qu’il appartient. Et estoit en matiere de couronne.

Interroguee se l’ange luy avoit aporté lectres,

Respond que non.

Interroguee quel signe eurent le roy, les gens qui estoyent avecques luy et elle, de croire que c’estoit ung ange,

Respond que le roy le creut par l’enseignement des gens d’Eglise qui la estoyent, et par le signe de la couronne.

Interroguee comme les gens d’Eglise sceurent que c’estoit ung ange,

Respond : Par leur science, et parce que ilz estoyent clercs.

Interroguee d’ung prebstre concubinaire, etc. ; et d’une tasse perdue130,

Respond : De tout ce, je n’en sçay rien ; ne oncques n’en ouy parler.

Interroguee se, quand elle alla devant Paris, se elle eust par revelacion de ses voix de y aller,

Respond que non, mais a la requeste des gentilzhommes, qui voul loyent faire une escarmouche ou une vaillance d’armes ; et avoit bien intencion de aller oultre et de passer les fossez.

Interroguee aussi d’aller devant La Charité, se elle eust revelacion,

Respond que non ; mais par la requeste des gens d’annes, ainsy comme aultresfoys elle a dit.

116 Interroguee du Pontlevesque, se elle eut point de revelacion,

Respond que, puis ce qu’elle oult revelacion a Melun qu’elle seroit prinse, elle se [rapporta]131 le plus du faict de la guerre a la volunté des cappitaines ; et toutesvoyes ne leur disoit point qu’elle avoit revelacion de estre prinse.

170171Interroguee se ce fut bien faict au jour la Nativité nostre Dame, qu’il estoit /este, de aller assaillir [Paris]132,

Respond : C’est bien faict de garder les festes de nostre Dame. Et, en sa conscience, luy semble que c’estoit et seroit bien faict de garder les festes nostre Dame, depuis ung bout jusques en l’autre.

Interroguee se elle dist point devant la ville de Paris : Rendez la ville de par Jhesus,

Respond que non ; mais dist : Rendez la au roy de France.

[Interrogatoire en la prison]

[Mercredi, 14 mars]

Le mercredi, XIIII^me iour de mars,

Interroguee premierement quelle fut la cause pourquoy elle saillit de la tour de Beaureveoir,

Respond qu’elle avoit ouy dire que ceulx de Compieigne, tous jusques a l’aage de sept ans, [devoient]133 estre mis a feu et a sang ; et qu’elle aymoit mieulx mourir que vivre apprez une telle destruction de bonnes gens ; et fut l’une des causes. L’autre, qu’elle sceut qu’elle estoit vendue aux Angloys ; et eut [eu]134 plus cher mourir que de estre en la main des Angloys, ses adversaires.

Interroguee se ce sault fut du conseil de ses voix,

Respond : Saincte Katherine luy disoit apprez que tous les jours elle ne saillist point, et que Dieu luy ayderoit, 117 et mesmes a ceulx de Compieigne. Et ladicte Jhenne dist a saincte Katherine : Puis Dieu ayderoit a ceulx de Compieigne, elle y voulloit estre. Et saincte Katherine luy dist : Sans faulte, il fault que prenez en gré ; et ne seriez point delivré, tant que ayez veu le roy des Angloys.

Et ladicte Jhenne respondoit : Vrayement, je ne le voulsisse point veoir. Je aymasse mieulx mourir que de estre mise en la main des Angloys.

Interroguee se elle avoit dit a saincte Katherine et a saincte Margueritte : Lairra Dieu si maulvaisement mourir ces bonnes gens de Compieigne, etc.,

Respond qu’elle n’a point dit : Si maulvaisement ; mais leur dist en celle maniere : Comme lairra Dieu mourir ces bonnes gens de Compieigne, qui ont esté et sont si loyaulx a leur seigneur.

Item, dit que, puisqu’elle fut cheue, elle fut deux outroys jours qu’elle ne voulloit menger ; et mesmes aussy pour ce sault fut grevee tant qu’elle ne povoit boire ne menger. Et toutesvoyes fut reconfortee par saincte 172173Katherine, qui luy dist qu’elle se confessast et requist mercy a Dieu de ce qu’elle avoit sailly ; et que sans faulte ceulx de Compieigne auroyent secours dedens la sainct Martin d’iver. Et adoncq se print revenir, et commença a menger ; et tantost fut guarie.

Interroguee, quand elle saillist, se elle se cuidoit tuer, Respond que non. Mais en saillant se recommanda a Dieu ; et cuidoit par le moyen de ce sault eschapper 118 et evader qu’elle ne fust livree aux Angloys.

Interroguee se, quand la parole luy fust revenue, elle regnoya et maugrea Dieu et ses sainctz, pour ce qu’il s’est trouvé par l’informacion, comme disoit l’interrogant,

Respond que elle n’a point de mémoire, ou qu’elle soit souvenante, elle ne regnoya ou maulgrea oncques Dieu ou ses sainctz, en ce lieu ou ailleurs. Et ne s’en est point confessee ; car elle n’a point de mémoire qu’elle l’ait dit ou faict.

Interroguee se ses voix luy demandent dilacion de respondre,

Respond que saincte Katherine luy respond a la foys ; et aulcunes foys fault ladicte Jhenne a entendre, pour la turbacion des personnes135, et par les noises de ses gardes. Et quand elle faict requestes a saincte Katherine, tantost elle et saincte Marguerite font requeste a nostre Seigneur ; et puis, du commandement de nostre Seigneur, donnent responce a ladicte Jhenne.

Interroguee, quand elles viennent, se il y a lumiere avecques elles ; et se elle voit point de lumiere, quand elle oyt au chastel la voix, et ne sçavoit se elle estoit en la chambre,

Respond qu’il n’est jour qu’ilz ne viennent en ce chastel ; et se, ilz ne viennent point sans lumiere ; et de telle foys oyt la voix ; mais n’a point memoire se elle veit lumiere, et aussy se elle veit saincte Katherine.

Item, dit qu’elle a demandé a ses voix troys choses : l’une son expedition136 ; l’autre que Dieu ayde aux Françoys et garde bien les villes de leur obaissance ; et l’aultre, le salut de son ame.

119 Item, requist, se ainsy est qu’elle soit menee a Paris, qu’elle ait le double de ses interrogatoires et responces ; affin qu’elle baille a ceulx de Paris, et leur puisse dire : Voicy comme j’ay esté interroguee a Rouen, et mes responces. Et qu’elle ne soit plus travaillee de tant de demandes.

Interroguee, pour ce qu’elle avoit dit que monseigneur de Beauvoys se metoit en danger de la mectre en cause, car c’estoit eu quel danger, tant de monseigneur de Beauvoys, que des aultres,

Respond : Car c’estoit et est qu’elle dist a monseigneur de Beauvoys : 174175Vous dictes que vous estes mon juge. Je ne sçay si vous l’estes. Mais advisez bien que ne jugez mal. Que vous vous metriez en grand danger. Et vous en advertys, affin que, se nostre Seigneur vous en chastie, que je fais mon debvoir de le vous dire.

Interroguee quel est ce peril ou danger,

Respond que saincte Katherine luy a dit qu’elle auroit secours ; et qu’elle ne sçait se ce sera a estre delivree de prison ; ou, quand elle seroit au jugement, s’il y viendroit aulcun trouble, par quel moyen elle pourroit estre delivree. Et pense que ce soit ou l’ung ou l’autre. Et le plus luy dyent ses voix qu’elle sera delivree a grand victoire. Et apprez luy dirent ses voix : Prendz tout en gré. Ne te chaille de ton martyre. Tu en viendras a fin eu royaulme de paradis. Et ce luy dyent ses voix simplement et absolutement, c’est assavoir sans faillir. Et appelle se, martyre, pour la peine et adversité qu’elle seuffre en la prison, 120 et ne sçait se plus grand souffrira ; mais s’en actend a nostre Seigneur.

Interroguee se, depuis que ses voix luy ont dit qu’elle yra en la fin au royaulme de paradis, se elle se tient asseuree d’estre saulvee, et qu’elle ne sera point dampnee en enfer,

Respond qu’elle croit fermement ce que ses voix luy ont dit qu’elle sera saulvee, aussi fermement que se elle y fust ja.

Et quant on luy disoit que ceste responce estoit de grand poix,

Aussy respond qu’elle le tient pour ung grand tresor.

Interroguee se, apprez ceste revelation, elle croit qu’elle ne puisse faire peché mortel,

Respond : Je n’en sçais riens ; mais m’en actendz du tout a nostre Seigneur.

[Interrogatoire en la prison]

[Mercredi, 14 mars, après-midi]

Dudit jour de mercredy de rellevee,

Et quand a cest article137 : par ainsy qu’elle tienne le serment et promesse qu’elle a faicte a nostre Seigneur qu’elle gardast bien sa virginité de corps et de ame,

Interroguee se il est besoing de se confesser, puisque elle croit, a la revelation de ses voix, qu’elle sera [sauvee]138,

Respond qu’elle ne sçait point qu’elle ait peché mortellement ; mais, se elle estoit en peché mortel, elle pense que saincte Katherine et saincte 177177Margueritte la delaisseroyent tantost. Et croit, 121 en respondant a l’article precedent : On ne sçait trop nectoyer sa conscience.

Interroguee se, depuis qu’elle est en ceste prison, a point regnoyé ou maugréé Dieu,

Respond que non ; et que aulcunes foys, quand elle dit : Bon gré Dieu, ou : Sainct Jehan, ou : Nostre Dame, ceulx qui pevent avoir rapporté, [ont]139 mal entendu.

Interroguee se, de prendre ung homme a rançon et le faire mourir prisonnier, se c’est peché mortel,

Respond qu’elle ne la point faict.

Et pour ce que on luy parlait d’ung nommé Francquet Darras, qu’on feist mourir a Lagny,

Respond qu’elle fut consentente de luy de le faire mourir, se il l’avoit deservy, pour ce qu’il confessa estre meurtrier, larron et traistre. Et dit que son procez dura quinze jours ; et en fut juge le baillif de Senlis et ceulx de la justice de Laigny. Et dist qu’elle requeroit avoir Flancquet pour ung homme de Paris, seigneur de L’Ours. Et quand elle sceust que le seigneur fust mort, et que le baillif luy dist qu’elle voulloit faire grand tort a la justice, de delivrer celluy Francquet, lors dit elle au baillif : Puisque mon homme est mort, que je voulloye avoir, faictes de luy ce que debverez faire par justice.

Interroguee se elle bailla l’argent ou feist bailler pour celluy 122 qui avoit prins ledit Francquet,

Respond qu’elle n’est pas monnoyer ou tresorier de France, pour bailler argent.

Et quand on luy a ramentu qu’elle avoit assailly Paris en jour de feste ; qu’elle avoit eu le cheval de monseigneur de Senlis ; qu’elle c’estoit lassee cheoir de la tour de Beaureveoir ; qu’elle porte habit d’homme ; qu’elle est consentante de la mort de Francquet Darras, s’elle cuide point avoir faict peché mortel,

[Interrogatoire en la prison]

[Mercredi, 14 mars, après-midi]

Item ledit jour de mercredy de relevee,

quatorze^me jour de mars,

Respond au premier, de Paris :

Je n’en cuide point estre en péché mortel. Et, si je l’ay faict, c’est a Dieu d’en congnoistre, et en confession a Dieu et au prebstre.

178179Au second, du cheval de monseigneur de Senlis,

Respond qu’elle croit fermement qu’elle n’en a point de péché mortel envers nostre Seigneur, pour ce que il se estime a deux^cc salus d’or, dont il en oult assignation ; et toutesfoys il fut renvoyé au seigneur de la Trimouille, pour le rendre a monseigneur de Senlis ; et ne valloit rien ledit cheval a chevaucher pour elle. Et si dist que elle ne Posta pas de l’evesque ; et si dist aussy 123 qu’elle n’estoit point contente, d’aultre party, de le retenir, pour ce qu’elle oyt que l’evesque en estoit mal content que on avoit prins son cheval ; et aussy, pour ce que il ne valloit riens pour gens d’armes. Et, en conclusion, se il fut payé de l’assignation qui luy fut faicte, ne aussi ne sçait se il eust restitution de son cheval. Pense que non.

Au tiers, de la tour de Beaureveoir,

Respond : Je le faisoye, non pas en esperance de moy desesperer ; mais en esperance de saulver mon corps, et de aller secourir plusieurs bonnes gens qui estoyent en neccessité. Et apprez le sault, s’en est confessee, et en a requis mercy a nostre Seigneur. Et en a pardon de nostre Seigneur. Et croit que ce n’estoit pas bien faict de faire ce sault ; mais fut mal faict.

Item, dit qu’elle sçait qu’elle a pardon par la relacion140 de saincte Katherine, apprez qu’elle en fut confessee. Et que, du conseil de saincte Katherine, elle s’en confessa.

Interroguee se elle en eust grande penitence,

Respond qu’elle en porta une grand partie, du mal qu’elle se feist en cheant.

Interroguee se, ce mal faict qu’elle feist de saillir, s’elle croit que ce fust peché mortel,

Respond : Je n’en sçais riens ; mais m’en actendz a nostre Seigneur.

Au quart, elle porte habit d’homme,

124 Respond : Puisque je le fais par le commandement de nostre Syre, et son service, je ne cuide point mal faire ; et, quand il luy plaira a commander, il sera tantost jus.

[Interrogatoire en la prison]

[Jeudi, 15 mars]

Le jeudy mattin, XV^me jour de mars,

Apprez les monicions faictes a elle et requisitions que, se elle a faict quelque chose qui soit contre nostre foy, qu’elle s’en doibt rapporter a la determination de l’Eglise,

Respond que ses reponces soyent veues par les tiers. Et puisque on 180181luy dye se il y a quelque chose qui soit contre la foy chrestienne ; elle sera bien dire par son conseil qu’il en sera ; et puis en dira ce qu’elle en aura trouvé par son conseil. Et toutesfoys, se il y a riens de mal contre la foy chrestienne, que nostre Syre a commandee, [elle]141 ne vouldroit soustenir, et seroit bien courroucee d’aller contre.

Item, luy fut declaree l’Eglise triomphante et L’Eglise militant, que c’estoit de l’une et de l’autre.

Item, requise que de present elle se mist en la determination 125 de l’Eglise, de ce qu’elle a faict, soit bien ou mal,

Respond : Je ne vous en respondray aultre chose pour le present.

[Autre interrogatoire]

[Jeudi, 15 mars]

Le jeudy, XV^me iour de mars, l’an mil IIII^cc trente,

Ladicte Jhenne fut requise et interroguee sur les juremens devantdictz,

Et premierement, qu’elle dist la maniere comme elle cuida eschapper du chastel de Beaulieu, entre deux pièces de boys,

Respond qu’elle ne fut oncques prisonnière en lieu, qu’elle ne se eschappast voluntiers. Et elle, estante en icelluy chastel, eust confermé ses gardes dedens la tour, n’eust esté le portier qui l’advisa et la recouvra.

Item, dit, a ce qui luy semble, qu’il ne plaisoit pas a Dieu qu’elle eschappast pour celle foys ; et qu’il falloit qu’elle veist le roy des Angloys, comme ses voix luy avoyent dit, et comme dessus est escript.

Interroguee se elle a congié de Dieu ou de ses voix de partir de prison toutes foys qu’il plaira a elle,

Respond : 126 Je l’ay demandé plusieurs foys ; mais je ne l’ay pas encoire.

Interroguee se de present elle partirait, se elle veoit son point de partir,

Respond : Se elle veoit l’huis ouvert, elle s’en yroit. Et ce luy seroit le congié de nostre Seigneur. Et croit fermement, se elle veoit l’huis ouvert, et ses gardes et les aultres Angloys ny sceussent resister, elle entendroit que ce seroit le congié, et que nostre Seigneur luy enveiroit secours. Mais sans congié ne s’en yroit pas ; se ce n’estoit celle faisoit une entreprinse pour s’en aller, pour savoir si nostre Seigneur en seroit content. Et allegué : Ayde toy, Dieu te aydera. Et le dit pour ce que, si elle s’en alloit, que on ne dye pas qu’elle s’en fust allee sans congié.

182183Interroguee, puisque elle demande a oyr messe, que il semble que ce serait le plus honneste qu’elle fust en habit de femme. Et pour ce fut interroguee : lequel elle aymeroit, prendre habit de femme et oyr messe, que demourer en habit d’homme, et non oyr messe,

Respond : Certiffiez moy de oyr messe, se je suis en habit de femme ; et sur ce je vous respondray.

A quoy luy fut dit par l’interrogant : Et je vous certifie que vous aorrez messe, mais que soyez en habit de femme,

Respond : Et que dictes vous, se j’ay juré et promis a nostre Roy non metre jus cest habit ? Toutesfoys je vous respondz : Faictes moy faire une robbe longue jusques a terre, sans cueue, et me baillez a aller a la messe ; et puis, au retour, je prendray l’habit que j’ay.

Interroguee de prendre du tout l’habit de femme pour aller 127 oyr messe,

[Respond :] Je me conseilleray sur ce, et puis vous respondray. Et oultre requist, en l’honneur de Dieu et de nostre Dame, qu’elle puisse oyr messe en ceste bonne ville.

Et a ce luy fut dit qu’elle prengne habit de femme simplement et absolutement.

Et elle respond : Baillez moy habit, comme une fille de bourgoys ; c’est assavoir houppellande longue, et je le prendray ; et mesme le chapperon de femme, pour aller ouyr messe.

Et aussy, le plus instamment qu’elle peult, requiert que on luy laisse cest habit qu’elle porte, et que on la laisse ouyr messe, sans le changer.

Interroguee [se], de ce qu’elle a dit et faict, elle veult submectre et rapporter en la determinacion de l’Eglise,

Respond que : Toutes mes œuvres et mes faictz sont tous en la main de Dieu, et m’en actendz a Luy. Et vous certifie que je ne vouldroye riens faire ou dire contre la foy chrestienne ; et, se j’avoye riens faict ou dict, qui fust sur le corps de moy, que les clers sceussent dire que ce fust contre la foy chrestienne que nostre Seigneur ait establie, je ne vouldroye soustenir ; mais le mectroys hors.

Interroguee se elle s’en vouldroit point submectre en l’ordonnance de l’Eglise,

Respond : Je ne vous en respondray maintenant aultre chose ; mais sabmedy, envoyez moy le clerc, se n’y voulez venir ; et je luy respondray de ce, a l’ayde Dieu ; et sera mis en escript.

128 Interroguee se, quand ses voix viennent, se elle leur faict reverence absolutement, comme [a] ung sainct ou saincte,

Respond que ouy. Et se elle ne l’a faict aulcunes foys, leur en a crié mercy et pardon depuis. Et ne leur sçait faire si grande reverence, comme 184185a elles appartient. Car elle croit fermement que se soyent sainctes Katherine et Margueritte.

Et semblablement dit de sainct Michel.

Interroguee, pour ce que es sainctes de paradis ont faict volontiers oblation de chandelles, se [a] ses sainctz et ses sainctes qui viennent a elle, elle a point faict oblation de chandelles ardans ou d’aultres choses, a l’eglise ou ailleurs, ou faire dire des messes,

Respond que non, se ce n’est en offrant a la messe, en la main du prebstre, et en l’honneur de saincte Katherine ; et croit que c’est l’une de celles qui se apparut a elle ; et n’en a point tant allumé tant comme elle feroit voluntiers a sainctes Katherine et Marguerite, qui sont en paradis, qu’elle croit fermement que se sont celles qui viennent a elle.

Interroguee se, quand elle med ses chandelles devant l’ymaige saincte Katherine, elle les med en l’honneur de celle qui se apparut a elle,

Respond : Je le fais en l’honneur de Dieu, nostre Dame et de saincte Katherine qui est eu ciel. Et ne fais point de difference de saincte Katherine qui est eu ciel et de celle qui se appert [a]142 moy143.

129 Interroguee se elle le met en l’honneur de celle qui se apparut a elle,

Respond : Ouy. Car elle ne mect point de différence entre celle qui se apparut a elle et celle qui est eu ciel.

Interroguee se elle faict et acomplist tousiours ce que ses voix luy commandent,

Respond que de tout son povoir elle accomplit le commandement de nostre Seigneur, a elle faict par ses voix, de ce que elle en sçait entendre ; et ne luy commandent rien sans le bon plaisir de nostre Seigneur.

Interroguee se, eu faict de la guerre, elle a riens faict sans le congié de ses voix,

Respond : Vous en estes tous respondus. Et lysés bien vostre livre, et vous le trouverez.

Et toutesvoyes dit que, a la requeste des gens d’armes, fut faicte une vaillance d’armes devant Paris. Et aussy ala devant La Charité, a la requeste de son [roi]144. Et ne fut contre ne par le commandement de ses voix.

Interroguee se elle feist oncques aulcunes choses contre leur commandement et volunté,

130 Respond que ce qu’elle a peu et sceu faire, elle la faict et acomply 186187a son povoir. Et, quand est du sault du dongon de Beaureveoir, qu’elle feist contre leur commandement, elle ne s’en peut tenir. Et quand elles veirent sa neccessité, et qu’elle ne s’en savoit et povoit tenir, elles luy secoururent sa vie, et la garderent de [se] tuer.

Et dit oultre que, quelque chose qu’elle feist oncques en ses grans affaires, elles l’ont tousiours secourue ; et ce est signe que ce soyent bons espritz.

Interroguee se elle a point des aultre signe que se soyent bons espritz,

Respond : Sainct Michel le me certifia, avant que les voix me venissent.

Interroguee comme elle congnut que c’estoit sainct Michel,

Respond : Par le parler et le langaige des angelz. Et croit fermement que estoyent angelz.

Interroguee comme elle congnut que c’estoit langaige d’angelz,

Respond qu’elle le creust assez tost ; et eust volunté de le croire.

Et dit oultre que sainct Michel, quand il vint a elle, luy dist que sainctes Katherine et Margueritte viendront a elle, et qu’elle feist par leur conseil ; et estoyent ordonnees pour la conduire et conseiller en ce qu’elle auroit a faire, et qu’elle les creust de ce qu’elles luy diroyent ; et que c’estoit par le commandement de nostre Seigneur.

Interroguee se l’ennemy se meloit en signe ou forme d’ange, comme elle congnoistroit que ce fust bon ange ou maulvaix ange,

Respond que elle 131 congnoistroit bien se ce seroit sainct Michel ou une chose contrefaicte comme luy.

Item, respond que, a la premiere foys, elle feist grand doubte se c’estoit sainct Michel. Et a la premiere foys eust grand paour. Et si le vist mainctes foys avant qu’elle sceust que ce fust sainct Michel.

Interroguee pourquoy elle congnut plustost que c’estoit sainct Michel que a la foys qu’elle creut que c’estoit il, que a la foys premiere,

Respond que, a la premiere foys, elle estoit jeune enfant ; et eust paour de ce. Depuis luy enseigna et monstra tant qu’elle creut fermement que c’estoit il.

Interroguee quelle doctrine il luy enseigna,

Respond : Sur toutes choses, il luy disoit qu’elle fust bonne enfant, et que Dieu luy aideroit. Et entre les aultres choses, qu’elle vint au secours du roy de France. Et une plus grande partie de ce que l’ange luy enseigna, est en ce livre147 ; et luy racomptoit l’ange la pitié qui estoit eu royaulme de France.

188189Interroguee de la grandeur et statue d’icelluy ange,

Dit que sabmedy elle en respondra, avecq l’autre chose dont elle doibt respondre ; c’est assavoir ce que il en plaira a Dieu.

132 Interroguee se elle croit point que ce fust grand peché de courroucer saincte Katherine et saincte Margueritte, qui se apparut a elle, et de faire contre leur mandement,

Dist que ouy, qui le sçait amender ; et que le plus qu’elle les corroussast oncques, a son advis, ce fut du sault de Beaureveoir ; et dont elle leur a crié mercy, et des aultres offenses qu’elle peult avoir faictes envers elles.

Interroguee se saincte Katherine et saincte Marguerite prendrogent vengeance corporelle pour l’offence,

Respond qu’elle ne sçait ; et qu’elle ne leur a point demandé.

Interroguee pour ce qu’elle a dit que, pour dire verité, aulcunes fogs on est pendu ; et pour ce, se elle sçait en elle quelque crime ou faulte, pour quoy elle peust ou deust mourir, se elle le confessait,

Respond que non.

[Interrogatoire en la prison]

[Samedi, 17 mars]

Le sabmedy, XVII^e jour de mars,

Ladicte Jhenne fut faict jurer de dire verité.

Interroguee de donner responce en quelle forme et espece, grandeur et habit, vient sainct Michel,

[Respond :] Il estoit en la forme de tres vray preudhomme. Et de l’habit et de aultres choses, [elle]149 n’en dira aultre chose.

Quand aux angelz, elle les a veuz a ses yeulx ; et n’en aura l’en plus aultre chose d’elle.

133 Item, dit qu’elle croit aussy fermement les dictz et les faictz de sainct Michel, qui s’est apparu a elle, comme elle croit que nostre Seigneur Jhesus Christ souffrit mort et passion pour nous. Et ce qui la meut elle a le croire, c’est le bon conseil, confort et bonne doctrine que il luy a fais et donnez.

Interroguee se elle veult se metre de tous ses dictz et fais, soit de bien ou mal, a la détermination de nostre mere saincte Eglise,

Respond que, quand a l’Eglise, elle l’ayme et la vouldroit soustenir de tout son povoir pour nostre foy chrestienne ; et n’est pas elle qu’on doibve destourber ou empescher d’aller a l’eglise, ne de ouyr messe. Quand aux bonnes œuvres qu’elle a faictes et de son advenement, il fault qu’elle s’en actende au Roy du Ciel, qui l’a envoyee a Charles, filz de Charles, roy de France, qui sera roy de France.

190191Et verrez que les Françoys gaigneront bientost une grand besongne que Dieu envoiroit aux Françoys ; et tant que il brannera150 prezque tout le royaulme de France.

Et dit qu’elle le dit, affin que, quand ce sera advenu, que on ait memoire qu’elle la dist.

Et requise de dire le terme,

Dist : Je m’en actendz a nostre Seigneur.

Interroguee de dire se elle se rapporte a la détermination de l’Eglise,

Respond : Je m’en rapporte a nostre Seigneur, qui m’a envoyee, a nostre Dame et a tous les benoistz saincts et sainctes de paradis.

134 Et luy est advis que c’est tout ung de nostre Seigneur et de l’Eglise ; et que on ne doibt point faire de difficulté que ce ne soit tout ung.

Adoncq luy fut dit qu’il y a l’Eglise triumphant, ou est Dieu, les sainctz et les ames saulvees. L’Eglise militant, c’est nostre sainct pere le pappe, vicaire de Dieu en terre, les cardinaux, les prelatz de l’Eglise et le clergé, et tous bons chrestiens et catholicques ; laquelle Eglise, bien assemblee151, ne peult errer, et est gouvernee du Sainct Esprit.

Et pour ce, interroguee se elle se veult rapporter a l’Eglise militant, c’est assavoir celle qui est ainsy declairee,

Respond qu’elle est venue au roy de France, de par Dieu, de par la Vierge Marie et tous les benoistz sainctz et sainctes de paradis, et l’Eglise victorieuse de la hault, et de leur commandement. Et a celle Eglise la, elle se submist tous ses bons fais, et tout ce qu’elle a faict ou a faire.

Et de respondre se elle se submettra a l’Eglise militant,

Dit qu’elle n’en respondra maintenant aultre chose.

135 Interroguee qu’elle dit a cel habit de femme que on luy offre, affin qu’elle puisse aller oyr messe,

Respond : Quand a l’habit de femme, elle ne le prendra pas encoire, tant qu’il plaira a nostre Seigneur. Et se ainsy est que il la faille mener jusques en jugement, qu’il la faille desvestir en jugement, elle requiert aux seigneurs de l’Eglise qu’ilz luy donnent la grace d’avoir une chemise de femme et coeuvrechef en sa teste ; qu’elle ayme mieulx mourir que de revocquer ce que nostre Seigneur luy a faict faire ; ce qu’elle croit fermement que nostre Seigneur ne laissera ja advenir de la mectre si bas par chose, qu’elle n’ait secours bientost de Dieu et par miracle.

Interroguee, pour ce qu’elle dit qu’elle porte l’habit d’homme par le com mandement de Dieu, pourquog elle demande chemise de femme en article de mort,

Respond : Il luy suffict qu’elle soit longue.

192193Interroguee se sa marraine qui a veu les fees est repputee saige femme,

Respond qu’elle est reputee bonne preude femme, non pas [devine]152 ou sorciere.

Interroguee, pour ce qu’elle a dit qu’elle prendrait habit de femme, mais que on la laissast aller, se ce plairoit a Dieu,

Respond : Se on luy donnoit congié en habit de femme, elle se metroit tantost 136 en habit d’homme, et feroit ce qui luy est commandé par nostre Seigneur. Elle [a] autresfoys ainsy respondu. Et ne feroit pour rien le serment qu’elle ne se armast et mist en habit d’homme, pour faire le plaisir de nostre Seigneur.

Interroguee de l’aage et des vestemens de sainctes Katherine et Margueritee,

Respond : Vous estes respondus de ce que vous en aurez de moy ; et n’en aurez aultre chose ; et vous en ay respondu tout au plus certain que je sçay.

Interroguee se elle croit point, au devant d’aufourd’huy, que les fees feussent maulvaix espritz,

Respond qu’elle n’en savoit rien.

Interroguee se elle sçait point que saincte Katherine et Margueritte hayent les Angloys,

Respond : Elles ayment ce que nostre Seigneur ayme, et hayent ce que Dieu hait.

Interroguee se Dieu hait les Angloys,

Respond que, de l’amour ou hayne que Dieu a aux Angloys, ou que Dieu leur faict a leurs âmes, ne sçait rien ; mais sçait bien que ilz seront mis hors de France, excepté ceulx qui y mourront ; et que Dieu envoira victoire aux Françoys, et contre les Angloys.

Interroguee se Dieu estoit pour les Angloys, quand 137 ilz estoyent en prosperité en France,

Respond qu’elle ne sçait se Dieu hayoit les Françoys ; mais croit qu’il vouloit permetre de les laisser bastre pour leurs pechez, se ilz y estoyent.

Interroguee quel garant et quel secours elle se actend avoir de nostre Seigneur, de ce qu’elle porte habit d’homme,

Respond que, tant de l’habit que d’aultres choses qu’elle a fais, elle n’en a voulu aultre loyer, synon la salvacion de son ame.

Interroguee quelles armes elle offrit a Sainct Denis,

Respond que ung blanc harnoys entier a ung homme d’armes, avecques une espee ; et la gaigna devant Paris.

194195Interroguee a quelle fin elle les offrit,

Respond que ce fut par devocion, ainsy qu’il est acoustumé par les gens d’armes, quand ilz sont blecez. Et, pour ce que elle avoit esté blecee devant Paris, les offris a sainct Denis, pour ce [que] c’est le cry de France.

Interroguee se c’estoit pour ce qu’on les [adorast]153,

Respond que non.

Interroguee de quog servoyent ses cinq croix qui estoyent en l’espee qu’elle trouva a saincte Katherine de Fierboys,

Respond qu’elle n’en sçait rien.

138 Interroguee qui la meut de faire paindre angelz avecques bras, piedz, jambes, vestemens,

Respond : Vous y estes respondus.

Interroguee se elle les a faict paindre telz que ilz viennent a elle,

Respond qu’elle les a faictz paindre telz et en la maniere comme ilz sont painctz es eglises.

Interroguee se oncques elle les vist en la maniere que ilz furent paincts,

Respond : Je ne vous en diray aultre chose.

Interroguee pourquoy elle n’y feist peindre la clarté qui venait a elle avecques les angelz ou les voix,

Respond que il ne luy fut commandé.

[Interrogatoire en la prison]

[Samedi, 17 mars, après-midi]

Du sabmedy, XVII^me iour de mars,

mil IIII^cc XXX, apprez disner,

Interroguee se ses deux angelz, qui estoyent painctz en son estandard, representoyent sainct Michel et sainct Gabriel,

Respond qu’ilz n’y estoyent fors seullement pour l’honneur de nostre Seigneur, qui estoit painct en l’estandard. Et dit qu’elle ne fit faire icelle representacion des anges, fors seullement pour l’honneur de nostre Seigneur, qui y estoit figuré tenant le monde.

Interroguee se ces deux angelz, qui estoyent figurez en l’estandard, estogent les deux anges qui gardent le monde, 139 et pourquoy il n’y en avoit plus, veu que il luy estoit commandé qu’elle peint tel estandart par nostre Seigneur,

Respond : Tout l’estandard estoit commandé par nostre Seigneur, par les voix de sainctes Katherine et Margueritte, qui luy dirent : Pren l’estandart 196197de par le Roy du ciel. Elle y feist faire celle figure de nostre Seigneur et de deux anges ; et de couleur, et tout, le feist par leur commandement.

Interroguee se alors elle leur demanda se, en vertu d’icelluy estandard, elle gaigneroit toutes les battailles ou elle se boutteroit, et qu’elle aurait victoire,

Respond que ilz luy dirent qu’elle print hardyment, et que Dieu luy ayderoit.

Interroguee qui aydoit plus, elle a l’estandart, ou l’estandart a elle,

Respond que de la victoire de l’estandard ou d’elle, c’estoit a nostre Seigneur tout.

Interroguee se l’esperance d’avoir victoire estoit fondee en son estandard ou d’elle,

Respond : Il estoit fondé en nostre Seigneur, et non ailleurs.

Interroguee se ung aultre l’eust porté que elle, se il eust eu aussy bonne fortune comme d’elle de le porter,

Respond : Je n’en sçays rien. Je m’en actendz a nostre Seigneur.

Interroguee se ung des gens de son party luy eust baillé son estandard a porter, se elle l’eust porté, et s’elle y eust eu aussy bonne esperan.ee, comme en celuy d’elle 140 qui luy estoit disposé de par Dieu, et mesmes celuy de son roy,

Respond : Je portoye plus voluntiers celluy qui me estoit ordonné de par nostre Seigneur. Et toutesfoys du tout, je m’en actendoye a nostre Seigneur.

Interroguee de quoy servait le signe qu’elle metoit a ses lettres : Jhesus Maria,

Respond que les clers escrivans ses lettres luy mettoyent ; et disoyent les aulcuns qu’ilz luy appartenoit metre ses deux motz : Jhesus Maria.

Interroguee se il luy a point esté revelé, se elle perdoit sa virginité, qu’elle perdoit son heur, et que ses voix ne luy viendroyent plus,

Respond : Cela ne m’a point esté revelé.

Interroguee, se elle estoit mariee, se elle croit point que ses voix luy vensissent,

Respond : Je ne sçay ; et m’en actenz a nostre Seigneur.

Interroguee se elle pense et croit [fermement]154 que son roy feist bien de tuer ou faire tuer monseigneur de Bourgoingne,

Respond que ce fut grand dommaige pour le royaulme de France ; et quelque chose qu’il y eust entre eulx, Dieu l’a envoyé au secours du roy de France.

198199Interroguee, pour ce qu’elle a dit a monseigneur de Beauvoys qu’elle respondroit autant a monseigneur de Beauvoys et a ses commis, comment elle feroit a nostre sainct pere le pappe ; et toutesfois il y a plusieurs interrogatoires a quoy elle ne veult respondre, se elle respondroit point plus pleinement [qu’] a monseigneur de Beauvoys,

141 Respond qu’elle a respondu tout le plus vray qu’elle a sceu ; et se elle sçavoit aulcune chose qui luy en vensist a mémoire qu’elle n’ait dit, elle le diroyt voluntiers.

Interroguee se il luy semble qu’elle soit tenue respondre plainement verité au pappe, vicaire de Dieu, de tout ce que on luy demanderait touchant la foy et le faict de sa conscience,

Respond qu’elle requiert qu’elle soit menee a l’Eglise devant luy ; et puis elle respondra tout ce qu’elle debvera respondre.

Interrogué de l’ung de ses agneaux, ou il estoit escript : Jhesus Maria, de quelle matiere il estoit,

Respond : Elle ne sçait propprement ; et, s’il est d’or, il n’est pas de fin or. Et se ne sçait se c’estoit or ou latton ; et pense qu’il y avoit troys croix, et non aultre signe, qu’elle saiche, excepté : Jhesus Maria.

Interroguee pourquoy c’estoit qu’elle regardait volluntiers cest anel, quand elle alloit en fait de guerre,

Respond que par plaisance, et pour l’honneur de son pere et de sa mere ; elle, ayant son anel en sa main et en son doy, a touché a saincte Katherine, que luy apparoist.

Et interroguee en quelle partie de ladicte saincte Katherine,

Respond : Vous n’en aurez aultre chose.

Interroguee se elle baisa ou accola oncquez saincte Katherine ou Margueritee, Respond : Elle les a accolees toutes deux.

142 Interroguee se ilz fleuroyent bon,

Respond : Il est bon a savoir que ilz sentoyent bon.

Interroguee se, en accollant, elle y sentoyent point de challeur ou aultre chose,

Respond qu’elle ne les povoit accoller sans les sentir et toucher.

Interroguee par quelle partye elle les accolloit, ou par hautt ou par bas,

Respond : Il y affiert mieulx a les accoller par le hault que par le bas155.

200201Interroguee se elle leur a point donné de chappeaux,

Respond que, en l’honneur d’elles, en leurs remenbrances ou ymaiges, es églises, en a plusieurs foys donné ; et, quand a celles qui s’apperent a elle, n’en a point baillé, dont elle ait mémoire.

Interroguee, quand elle metoit chappeaulx en l’arbre, se elle les metoit en l’honneur de celles qui luy apparoyent,

Respond que non.

Interroguee se, quand ses sainctes venoyent a elle, se elle leur faisait point reverence, comme de se agenouiller ou incliner,

Respond que ouy. Et le plus qu’elle povoit leur faire de reverence, elle leur faisoit. Car elle sçait que ce sont celles qui sont en royaulme de paradis.

Interroguee sy elle sçait rien de ceulx qui vont en l’erre avecques les fees,

Respond qu’elle n’en feist oncq 143 ou sceut quelque chose ; mais en a bien ouy parler ; et que on y alloit au jeudy ; mais n’y croit point. Et croit que ce ne soit que sorcerie.

Interroguee se on feist point flotter ou tournyer son estandard autour de la coste158 de son roy,

Respond que non, qu’elle saiche.

Interroguee pour quoy il fut plus porté en l’eglise de Rains, au sacre, que ceulx des aultres cappitaines,

Respond : Il avoit esté a la peine, c’estoit bien raison qu’il fust a l’honneur159.