T. I : Minute (2) (Texte)

202203 [Procès ordinaire]160

[Délibération sur la procédure ultérieure]

[Mardi, 27 mars]

Le mardy d’apprez Pasques fleuries,
qui fut le XXVII^me de mars,
l’an mil IIII^cc et trente,

149 Le jour dessusdit, le promoteur en ceste cause feist une requeste contenue en une feuille de pappier, laquelle il tenoit en ses mains, contenant qu’il feust receu a bailler libelle contre ladicte Jhenne, qui estoit presente, par maniere de articles contre icelle, affin qu’elle peust conclurre en ladicte cause.

Apprez laquelle requeste, fut demandé aux assistens qu’il estoit a faire, et si on debvoit proceder oultre en ce negoce.

A quoy ilz respondirent,

Et premierement, Maistre Nicole des Venderés, dist : Au premier article, que on la debvoit contraindre a faire serment et jurer de dire verité ; et si elle refuse de ce faire, que on la debvoit excommunyer ; et, se elle veult soustenir les sensures, on doibt proceder contre elle selon la disposition des droietz.

Maistres Jehan Pinchon, Jehan Basset, Jehan Guerin furent d’oppinion qu’il fallait lyre les articles.

Maistre Jehan de la Fontaine fut d’oppinion dudit de Venderez.

Maistre Gieffroy du Crottey fut d’oppinion que on luy debvoit donner dilacion de troys jours, devant que la excommunyer ; pour ce que, en matiere civille, on donne troys dilacions pour jurer de calonnye.

204205Maistre Jehan le Doulx fut de son oppinion.

Maistre Gilles Deschamps fut d’oppinion que on luy debvoit lyre les articles ; et que on luy debvoit assigner jour a y venir respondre.

Maistre Robert Barbery fut de son oppinion.

L’abbé de Fescamp dist que il luy semblait qu’elle estoit tenue 150 de dire verité des choses qui touchent son procez. Et, se elle n’est bien advisee, que on luy donne dilacion competente a venir bien advisee.

Maistre Jehan du Chastillon dist qu’elle estoit tenue de respondre de dire verité, actendu qu’il estoit question de son faict.

Maistres Euvrard Emengard et Guillaume Le Boucher, comme le dit Chastillon.

Le prieur de Longueville dist que, des choses de quoy elle ne saurait respondre, elle n’est a contraindre d’en parler par croirre et non croirre.

Maistre Jehan Beaupere dist qu’elle est tenue de respondre et dire verité des choses desquelles elle est certaine, et qui sont de son faict. Des aultres choses, on luy doibt donner dilacion, s’elle la demande.

Maistre Jacque de Touraine est de cest oppinion.

Maistre Nicole de Mydy, pareillement ; et au regard de la contraindre precisement, ilz s’en rapportent aux juristes.

Maistre Maurice du Quesnay est de l’oppinion de l’abbé de Fescamp dessusdit.

Maistre Jehan de Nerbat dit que, quand aux articles, il s’en rapporte aux juristes ; mais dist que 151 elle doibt dire verité quand aux choses qui touchent son procez ; et, se il y a aulcuns interrogatoires sur lesquelz elle face dificulté de y respondre, on luy doibt donner dilacion, se elle la demande.

Maistre Jehan Fabry se rapporte aux juristes.

Maistre Pierre Maurice dist qu’elle est tenue de respondre des choses notoires.

Maistre Girard dit qu’elle est tenue de respondre et de jurer.

Maistre Jehan Guedon est de son oppinion.

Maistre Thonmas de Courcelles dist qu’elle est tenue de respondre a chascune des articles ; et, si elle demande dilacion, on la luy doibt donner.

Maistre André Marguerie est d’oppinion qu’elle doibt jurer de ce qui touche son procez ; et, des choses dont elle ferait double, que on luy doibt donner dilacion.

Maistre Denis Gastinel dit qu’elle doibt jurer ; et que le promoteur a bien demandé quant au jurement. Et quant a proceder en oultre, se elle refuse jurer, il vouldroit veoir les livres pour en dire son oppinion.

Maistre Ausbert Morel et Jehan du Chemin sont d’oppinion qu’elle doibt jurer.

206207[Interrogatoire]

[Sur les articles du Promoteur I à XXX]

Apprez les oppinions retirees, le promoteur en ceste cause 152 offrit a jurer de calonnye : c’est que par faveur, ne par honte, ne par craincte, mais meu du zele de la foy, il faisait la poursuite contre ladicte Jhenne.

Apprez les choses dessusdictes, fut dit a ladicte Jhenne qu’elle respondist et dist verité des choses qui touchoyent son procez ; et que il estoit force qu’elle le feist, puisque les docteurs avoyent esté de ceste oppinion ; et que ledit promoteur avoit juré de calomnye.

Et luy remonstra ledit evesque de Beauvoys que les dessusdits docteurs estoyent tous gens d’Eglise, tiers et lectrez en droit divin et humain, tous, begnins et piteux, voulloyent et entendoyent proceder en ceste matiere doulce ment et gracieusement ; sans demander vengeance de pugnicion corporelle. Mais seulement tendoyent en fin de l’instruire et reduire en la voye de verité et de salut, se il y avoit quelque faulte en sa foy. Et pour ce qu’elle n’estoit pas assez instruicte en lectres et telles haultes matieres, pour ce adviser de ce qu’elle vouldroit faire, et pour ce ledit evesque de Beauvoys et vicaire de l’inquisiteur offrirent a ladicte Jhenne que elle esleust ung ou plusieurs desdits assistens pour la conseiller ; ou, si elle n’en voulait ou savoit eslyre, on luy en baillerait tel nombre qu’elle vouldroit pour la conseiller, de ce qu’elle debvoit respondre,

A quoi icelle Jhenne respondit :

Premièrement, de ce que me admonnestez de mon bien et de nostre foy, je vous en remercye et la compaignie aussy. Et, en tant que me offrez du conseil je n’ay point intencion de me departir du conseil de nostre Seigneur. Et quant au serment que voulez que je face, je suis prest de jurer de dire verité de ce que touche vostre procez.

Et ainsy jura sur les sainctes Euvangilles.

[Lecture des articles du réquisitoire]

Apprez les choses dessusdictes, du commandement dudit evesque et aultres juges, maistre Thonmas de Courcelles 153 commença a exposer les articles contenues au libelle163 :

Au premier article,

Duquel respondit qu’elle croit bien que nostre sainct pere le pappe de Romme, et les evesques et aultres gens d’Eglise sont pour garder la foy 208209chrestienne et pugnir ceulx qui y défaillent. Mais, quant a elle, de ses fais, elle ne se submetra fors a l’Eglise du ciel, c’est a Dieu et a la Vierge Marie et saincts et sainctes de paradis. Et croit fermement qu’elle n’ait point faly en la foy çhrestienne ; et qu’elle n’y vouldroit point faillir.

Au second article,
des sorceries, superstitions et divinations dont est accusee,

Elle le nye formellement.

Et au regard des adorations que on dit luy avoir esté faictes,

Dit que, si aulcuns ont baisé ses mains ou vestemens, ce n’a point esté par elle ou de sa volunté ; et s’en est gardee autant qu’elle a peu.

Au tiers article,

Elle le nye. Et afferme que a son povoir elle a soustenu l’Eglise.

Quant au quatre^me article,

Elle confesse : c’est assavoir de son pere et de sa mere et du lieu de sa nativité.

Quant a la seconde partie d’icelluy article,

Elle le nye.

Et quand aux feez, dont est faicte mention oudit article,

Elle dit qu’elle ne sçait que c’est.

Et quand a son instruction,

Dit qu’elle a apprins sa creance et qu’elle est bien instruite et enseignee comme ung bon enfant doibt estre.

Et en ce que touche sa marraine,

Elle s’en rapporte a ce que elle en a aultresfoys dit.

Requise de dire son Credo

Respond : Demandez au confesseur a qui je l’ay dit.

154 Au cinq^me article, de l’arbre et de la fontaine,

S’en raporte a ce qu’elle en a dit.

Et le surplus, elle le nye.

Au six^me,

Pareillement se rapporte a ce qu’elle en a dit.

Et le surplus, elle le nye.

Au sept^me, faisant mention de la mandagloire,

Elle le nye entierement.

A l’huit^me,

Elle s’en rapporte a ce qu’elle en a aultresfoys respondu.

Et nye les aultres choses.

210211Quand au neuf^me, faisant mention de mariage,

Elle en a aultresfoys respondu. Elle s’en rapporte a ce qu’elle en a dit. Et le surplus elle le nye.

Au Dix^me, faisant mention des apparitions et du departement de son pays,

Elle en respond comme dessus. C’est qu’elle s’en rapporte a ce qu’elle en a aultresfoys dit.

Quand a l’onze^me,

Respond comme en l’article precedent.

Et au douze^me,

S’en rapporte, comme dessus, a ce que elle en a aultresfoys dit.

Interroguee s’elle a prins habit d’homme et habillemens de guerre par le commandement de Dieu,

Ce rapporte a ce que aultresfoys en a respondit.

155 Quand au XIII^me, faisant mention de blaphesme165,

Respond : Je n’ay blasphemé Dieu ne ses saincts.

Et quant il luy fut remonstré que les saincts canons et les sainctes Escriptures medent que les femmes qui prennent habit d’homme et les hommes qui prennent habit de femme, c’est chose abhominable a Dieu, on luy demanda si elle avait prins lesdits habitz du commandement de Dieu,

[Dit] : Vous en estes assez respondus ; et, se vous voulez que je vous en responde plus avant, donnez moy dilacion, et je vous respondray.

Item, luy fut demandé si elle vouldroit prendre habit de femme, affin que elle peust recepvoir son Saulveur a ceste Pasque,

Respond : Qu’elle ne laissera point encoires son habit, soit pour recep voir [son Saulveur] ou aultre chose. Et dit que elle ne faict point de diference d’habit d’homme ou de femme, pour recepvoir son Saulveur ; et, pour cest habit, que ont ne luy doibt point refuser.

Interroguee se elle avoit point par revelation ou du commandement de Dieu de porter cest habit,

Dist qu’elle en a respondu ; et que elle s’en rapporte a ce qui en est escript.

Et apprez dist que dedens demain elle en fera responce.

Item, dit qu’elle sçait bien qui luy a faict prendre ledit habit ; mais ne sçait point comme elle le doibt reveler166.

212213Quand au XIIII^me,

[Dit] : Je ne fais point mal de Dieu servir. Et demain je vous en respondray.

156 Au quinze^me article,

Respond qu’elle ayme plus cher mourir que revocquer celle qu’elle a faict par le commandement de nostre Seigneur.

Interroguee se elle veult laisser l’habit d’homme pour ouyr messe,

Respond que, quand a l’habit qu’elle porte, ne le laissera point encoire. Et qu’il n’est point en elle de dire le terme dedens lequelle elle le laissera.

Item, dit : Se les juges la refusent de luy faire ouyr messe, il est bien en nostre Seigneur de la luy faire ouyr, quand il luy plaira, sans eulx.

Item, dit au residu de l’article, de la sequelle, qu’elle confesse bien d’avoir esté admonnestee de laisser l’habit d’homme.

Mais quand a l’inreverence et aultres choses, elle les nye.

Au seize^me,

[Dit] : Que, a Arras et Beaureveoir, a bien esté admonnestee de prendre habit de femme ; ce qu’elle a refusé et refuse encoire.

Et quant aux œuvres de femme,

Dit qu’il y a assez d’aultres femmes pour ce faire.

Au XVII^me article,

Respond qu’elle confesse qu’elle porta les nouvelles de par Dieu a son roy ; et que nostre Seigneur luy rendroit son royaulme, et le 157 feroit couronner a Rains, et le metre hors de ses adversaires. Et de ce fut mes sagère de par Dieu, en luy disant que il la mist hardyment en œuvre et qu’elle leveroit le siege d’Orleans.

Item, dit qu’elle disoit : Tout le royaulme. Et que [si] monseigneur de Bourgoingne et les aultres subietz du royaulme ne venoyent en obaissance, que le roy les y feroit venir par force.

Et a la fin dudit article, de congnoistre Robert et son roy,

Respond : Je me tiens a ce que une aultre foys j’en ay dit.

214215Au dix huit^me article, faisant mention de la paix,

[Dit] qu’elle a requis le duc de Bourgoingne, par lectres et mesmes a ses ambassadeurs, qu’il mist la paix. Quand aux Angloys, c’est qu’il fault que ilz s’en voysent en leur pays, en Engleterre.

Et du residu dudit article,

[Dit] qu’elle en a respondu, a quoy elle s’en rapporte.

Au XIX^me, Se rapporte a ce qu’elle en a dit.

Et au regard du surplus de l’article, Elle le nye.

Au vingt^me,

Se rapporte a ce qu’elle en a dit devant.

Et dit oultre que, de chose qu’elle ait faict, n’y avoit sorcerie ou maulvai art.

Et du bonheur de son estandard,

Dit qu’elle s’en rapporte a l’heur que nostre Seigneur y a envoyé.

158 Au vingtung^me,

Dit que, quand aux lectres, elle ne les a point faictes par orgeuil ne par presumption, mais par le commandement de nostre Seigneur ; et confesse bien le contenu esdictes lectres, exceptez troys motz.

[Au XXII^e] Item, dit que si les Angloys eussent creu ses lectres, ilz eussent faict que saiges ; et que, avant qu’il soit sept ans, ilz s’en apperceveront bien. Et de ce que elle leur escrivoit, se rapporte a ce que aultresfoys elle en a respondu.

Et quand a l’article [XXIII^e] faisant mention que ce qu’elle a faict ce a esté par le conseil des mauluaix espritz,

Elle le nye.

Et aux aultres articles,

Se rapporte a ce qu’elle en a respondu.

Aux XXII, XXIII, XXIV ARTICLES, Se rapporte a ce qu’elle en a aultresfoys dit.

Au XXV^me,

[Dit] que premierement elle requeroit que on feist paix. Et que, eu cas que on ne vouldroit faire paix, qu’elle estoit preste de combastre.

216217Au XXVI^me, XXVII, XXVIII, XXIX^me,

Elle se rapporte a ce que elle en a dit devant.

[Interrogatoire sur les articles XXXI-LXX]

[Mercredi, 28 mars]

Du [mercredy]167 XXVIII^me jour de mars mil IIII^cc XXX,

159 Fut requise de faire serment,

A quoy elle respondit que voluntiers de ce que touchoit son procez, elle diroit verité.

Et ainsy le jura.

Et premierement, quand a l’article de l’habit et des armes,

Respond que l’habit et les armes qu’elle a portees, a esté par le congé de Dieu.

Et sur ce que elle fut interroguee de laisser son habit,

Respond qu’elle ne le laisseroit point sans le congié de nostre Seigneur ; et luy deust on trencher la teste. Mais se il Luy plaist, elle le métra tantost jus.

Et interroguee, se elle avoit congié de nostre Seigneur, si elle prendrait l’habit de femme168,

[Au XXXI^e]

Respond que a reveler le signe contenu en l’article, elle pourroit bien avoir dit qu’elle ne le reveleroit point.

Et dit que, en sa confession autresfoys faicte, dit que, sans congié de nostre Seigneur, elle ne le reveleroit point.

[Au XXXII^e]

[Respond] : Et ce qu’elle avoit faict, ce avoit esté par revelation de saincte Katherine et saincte Margueritte. Et le soustiendra jusques a la mort.

218219Item, dit qu’elle fut conseillee par aulcun de son party qu’elle mist en ses lectres : Jhesus Maria ; ce qu’elle a faict en aulcunes, et aux aultres, non.

Dit que, quand aux poinctz desdictes lectres, ou il y a escript : Tout ce qu’elle a faict, c’est par le conseil de nostre Seigneur, il doibt avoir : Tout ce que j’ay faict de bien.

160 Interrogué si, d’aller devant La Charité, elle fist bien ou mal,

Respond : Se elle a faict mal, elle s’en confessera.

Interroguee se elle faisait bien de aller devant Paris,

Respond que les gentilzhommes de France voulurent aller devant Paris. ilz luy semble que ilz feirent bien de aller contre leurs adversaires.

[Au XXXIII^e]

Et en tant que touche la revelacion de l’espee,

Dit que il est en nostre Seigneur de reveler [a]169 qu’il luy plaist, tant de l’espee que aultres choses advenir. Et ce qu’elle en a dit, a esté par reve lacion ; et se rapporte a ce que elle en a respondu.

[Au XXXIV^e]

Et en ce que touche la conclusion dudit article, faisant mention de temerité et orgeuil,

S’en rapporte a nostre Seigneur son juge.

[Au XXXV^e]

Et mesme de ce qu’elle a aultresfoys dit du roy et du duc d’Orleans,

Et dit qu’elle sçait bien que Dieu ayme mieulx son roy et le duc d’Orleans que aulcuns aultres ; et qu’elle sçait par revelacion.

[Au XXXVIe]

Et des aultres choses, elle en [a] respondu.

[Au XXXVIIe]

Toutesfoys elle dit que a son partement de Sainct Denis, elle eut congié.

Interroguee se faire contre le commandement de ses voix, elle cuide point pecher mortellement,

Respond : J’en ay aultresfoys respondu. Et m’en actendz a ladicte responce.

220221Et de la conclusion de l’article,

Elle s’en actend a nostre Seigneur.

[Du XXXVIII^e au XLVII^e]

Et sur plusieurs interrogations qu’on luy faisait,

A respondu qu’elle s’en rapporte a ce qu’elle en a aultresfoys respondu.

Et de la conclusion,

A nostre Seigneur.

[Au XLVIII^e]

161 Interroguee quand aux signes,

Respond : J’en ay respondu, et m’en actendz a ce qui est escript. Et quand aux signes, se ceulx qui le demandent n’en sont dignes, elle 222223n’en peult mais. Et plusieurs foys en a esté en priere, affin qu’il pleust a Dieu qu’il le revelast a aulcuns de ce party.

Et dit oultre que, de croire en ses revelacions, elle ne demande point de conseil a evesque, curé, ou aultres.

Item, dit qu’elle croit que c’estoit sainct Michel, pour la bonne doc trine qui luy monstroit.

Interroguee se sainct Michel luy dist : Je suis sainct Michel,

Respond : J’en ay aultresfoys respondu.

Et quand a la conclusion de l’article,

Respond : J’en ay aultresfoys respondu, et m’en actendz a nostre Seigneur.

Item, dit qu’elle croit aussy fermement qu’elle croit que nostre Seigneur a souffert mort et passion pour nous rachapter des peines d’enfer, que se soyent sainctz Michel, Gabriel, sainctes Katherine et Margueritte, que nostre Seigneur luy envoyé pour la conforter et con seiller.

[Aux XLIX^e et L^e]

Et sur deux aultres interrogacions,

Sur le premier

Respond : Du commencement j’en ay respondu.

Et de la conclusion, s’en actend a nostre Seigneur.

Et du second

Aussy respond qu’elle a respondu. Et les appellera a son ayde tant qu’elle vivra.

162 Interroguee par quelle maniere elle les requiert,

Respond : Je reclame nostre Seigneur et nostre Dame qu’elle me envoyé conseil et confort. Et puis le m’envoye.

Interroguee par quelles parolles elle requiert,

Respond : Elle requiert par ceste maniere :

Tres doulx Dieu, en l’honneur de vostre saincte passion, je vous requiers, se vous m’aymez, que vous me revelez que je doibs respondre a ses gentz d’Eglise. Je sçais bien, quand a l’[abit]170, le commandement comme je l’ay prins ; mais, je ne sçays point par quelle maniere je le doibs laisser. Pour ce, plaise vous a moy l’enseigner.

Et tantost ilz viennent.

Item, dit qu’elle a souvent nouvelles, par ses voix, de monseigneur de Beauvoys.

Interroguee que ilz dyent de luy,

Respond : Je le diray a vous, a part.

Item, dyent qu’ilz sont venues aujourd’huy troys foys.

Interroguee se ilz estoyent en sa chambre,

Respond : Je vous en ay respondu. Toutesfoys je les oys bien.

224225Item, dit que saincte Katherine et saincte Margueritte luy ont dit la maniere qu’elle doibt respondre de icelluy habit.

[Au LI^e]

163 Respond qu’elle a respondu de l’ange qui apporta le signe.

Et quand a ce que le promoteur propose de mille millions d’angelz,

Respond qu’elle n’est point recollente de l’avoir dit, c’est assavoir du nombre. Mais dit qu’elle ne fut oncques blecee, qu’elle ne eust grand confort et grand ayde de par nostre Seigneur, et de sainctes Katherine et Margueritte.

Item, de la couronne,

[Dit] qu’elle a respondu.

Et de la conclusion de l’article, que le promoteur mect contre ses faictz,

S’en actend a Dieu nostre Seigneur.

Et ou la couronne fut faicte et forgee,

S’en rapporte a nostre Seigneur.

[Au LII^e]

Respond aussy quand au commencement de l’article,

J’en ay aultresfoys respondu.

Et quand a la conclusion de l’article,

S’en rapporte a nostre Seigneur.

[Au LIII^e]

Interroguee de ce qu’elle avait esté chef de guerre,

Respond qu’elle en a aultresfoys respondu ; et, se elle estoit chef de guerre, c’estoit pour battre les Angloys.

Et quand a la conclusion de l’article,

S’en rapporte a nostre Seigneur.

[Au LIV^e]

Interroguee qui la gouvernait,

Respond que son gouvernement estoit d’hommes. Mais quand au logis, avoit le plus souvent une femme avecques elle. Et quand elle estoit en guerre, elle gisoit vestue et armee, la ou elle ne povoit recouvrer des femmes.

Quand a la conclusion de l’article,

Respond : J’en ay respondu.

[Au LV^e]

164 Et des dons fais a ses freres,

Respond : Ce que le roy leur a donné, c’est de sa grace, sans la requeste d’elle.

Quand a la charge que luy donne le promoteur,

S’en rapporte a nostre Seigneur.

226227[Au LVI^e]

Et dit qu’elle se tient a ce qu’elle en a respondu.

Quand aux conseillers de la fontaine,

Ne sçait que c’est. Mais bien sçait et croit que une foys oyt saincte Katherine et saincte Margueritte.

Et quand a la conclusion de l’article,

Elle nye. Et si afferme par son serment qu’elle ne vouldroit point [que le dyable]171 l’eust tyree hors de la prison.

[Au LVII^e]

Et quand est du commencement de l’article,

Elle en a aultresfoys respondu. Et si elle en est advisee plus avant, volluntiers en respondra.

Et en la fin de ladicte article, que ait dit que Dieu luy ayt failly,

Elle ne nye.

[Au LVIII^e]

Et que sur ce elle a respondu.

Et du contredit mys par le promoteur,

Elle s’en raporte a nostre Seigneur.

[Au LIX^e]

Et en tant que sont les armures,

Elle en a respondu.

Et au regard des chandelles allumees,

Elle nye.

[Au LX^e]

Interroguee pour quoy elle a prins delay,

Respond que elle ne l’a seulement prins que pour respondre a ce que on luy demanderoit plus seurement.

Et aussy a prins delay, pour savoir si elle debvoit dire ce que on luy demanderoit.

Et quand au conseil du roy, pour ce qu’il ne touche point le procez, elle ne l’a voulu reveller.

Et du signe baillé au roy, elle a dit, pour ce que les gens d’Eglise l’ont condampnee a le dire.

[Au LXI^e]

Interroguee si elle se vouldroit submetre a l’Eglise militant,

Respond qu’elle luy vouldroit porter reverence de son povoir.

228229Mais que de ses faictz, elle se rapporte a Dieu qui luy a faict faire.

165 Interroguee si elle se rapportera a l’Eglise militante, quand a ce qu’elle a faict,

Respond : Envoyez moy le clerc samedy prochain, et je vous en respondray.

[Au LXII^e]

[Au LXIII^e]

Et quand est de la conclusion de cest article,

S’en rapporte a nostre Seigneur.

[Au LXIV^e]

[Au LXV^e]

[Au LXVI^e]

Interroguee de la foy,

Dit qu’elle est bonne chrestienne.

Et de toutes les charges mises en cest article, dit que elle n’a point faict les delitz proposez par le promoteur.

[Au LXVII^e]

[Au LXVIII^e]

[Au LXIX^e]

230231Interroguee, se elle avait faict aulcune chose contre la foy chrestienne, se elle s’en vouldroit rapporter a l’Eglise et aux ceulx ausquelz en appartient la correction, Respond que, sabmedy, apprez disner, elle en respondra.

[Au LXX^e]

[Interrogatoire en la prison]

[Samedi, 31 mars]

Le sabmedy, dernier jour de mars,
audit an [mil] IIII^cc XXX172,

Interroguee se elle se veult rapporter au jugement de l’Eglise qui est en terre, de tout ce que elle a faict, soit bien ou mal, especialement des crimes et delitz que on luy impose, et de tout son procez,

Respond que, de tout ce que on luy demande, s’en rapportera a l’Eglise militante, pourveu qu’elle ne luy commande chose impossible a faire.

166 Interroguee qu’elle appelle chose impossible,

Respond que, ce que les faictz et dictz declarez en son procez, des visions et revelations qu’elle a dictes, ne les revocquera point, pour quel que chose. Et de tout ce que nostre Seigneur luy a faict faire et commandé et commandera, ne laissera point a les faire, pour homme qui vive. Et luy seroit chose impossible de les revocquer173.

Interroguee, se l’Eglise militante luy dit que ses revelations sont illusions, choses dyabolicques, superstitieuses revelations et maulvaises choses, se elle s’en rapportera a elle,

Respond qu’elle s’en rapportera a nostre Seigneur, duquel elle fera tousiours le commandement. Et qu’elle sçait bien que tout ce qui est contenu en son procez est venu par le commandement de Dieu ; duquel elle ne sçauroit faire le contraire. Et ou cas que l’Eglise militant luy commanderoit faire le contraire, elle ne s’en rapporteroit a homme du monde, fors a nostre Seigneur, qu’elle ne feist tousiours son bon commandement.

232233Interroguee se elle croit point que elle feust subiecte a l’Eglise qui est en terre, c’est assavoir a nostre saint pere le pappe, cardinaulx, archevesques, evesques et aultres prelatz d’Eglise,

Respond que ouy, nostre Syre premier servy.

Interroguee se elle a commandement de ses voix que elle ne se submecte point a l’Eglise militante, 167 qui est en terre, ne au jugement d’icelle,

Respond qu’elle ne respond chose qu’elle174 prengne en sa teste. Mais ce qu’elle respond, c’est du commandement d’icelle. Et ne commande point qu’elle ne obaysse a l’Eglise, nostre Seigneur premier servy.

Interroguee se a Beaureveoir et a Arras, ou ailleurs, elle a point eu de limes,

Respond : Se on a trouvé sur moy, je ne vous en ay aultre chose a respondre175.

[Exhortation en la prison]

[Mercredi, 18 avril]

Du mercredy, XVIII^e
jour d’apvril, mil IIII^cc
trente et ung,

Maistre Guillaume le Boucher, avecques les juges dessusnommez, maistre Jacques de Thouraine, Maurice du Chesne, Nicollas Mydy, Guillaume Dolys, Guerard Feuillet, tous maistres en théologie, et maistre Guillaume Hector comparurent en la chambre en laquelle estoit detenue ladicte Jhenne prisonnière.

Ausquelz, [l’]evesgue de Beauvoys exposa aux dessusdits comme ladicte Jhenne, par plusieurs journees, avoit esté interroguee en la grande et haulte matiere de la joy, en la presence de plusieurs et notables clers ; en laquelle lesdits clercs avoyent veu plusieurs faultes commises par ladicte Jhenne.

168 Et pour ce que icelle Jhenne ne sçauroit congnoistre ne dis cerner aulcunes choses contenues en son procez, sçavoir se il estoit contre nostre joy et contre la doctrine des docteurs approuvees en l’Eglise, luy offroyent bailler bon conseil et salutaire pour l’adviser ; et qu’elle regardast se elle en voulait prendre aulcuns des presens ung ou plusieurs, pour se conseiller de ce qu’elle avoit a faire et la reduire a la voye de verité. Et luy offrirent les docteurs en theologie et les juristes, qui presens estoyent.

234235Et luy remonstrant que, si elle ne voulloit prendre du conseil, et faire du conseil de l’Eglise, qu’elle estoit en grand danger de sa personne,

Respond a ce : Il me semble, veu la maladye que j’ay, que je suis en grand péril de mort. Et se ainsy est que Dieu vueuille faire son plaisir de moy, je vous requier avoir confession et mon Saulveur aussy, et en la terre saincte176.

A ce luy fut dit : Se voullyez avoir les droictures et sacremens de l’Eglise, il fauldroit que feissez comme les bons catholicques doibvent faire, et vous submissez a saincte Eglise,

Respond : Je ne vous en sçauroye aultre chose dire mainctenant.

Item, luy fut dit que, tant plus se crainct de sa vie pour la maladye, tant plus se debveroit admender sa vie ; et ne auroit pas les droys de l’Eglise, comme catholicque, se elle ne se submettoit a l’Eglise,

169 Respond : Se le corps meurt en prison, je me actendz que le faciez metre en terre saincte. Se ne luy faictes metre, je m’en actendz a nostre Seigneur.

Item, luy fut dit que aultresfoys elle avoit dit en son procez que, se elle avait faict ou dit quelque chose qui fust contre nostre foy chrestienne, ordonnee de nostre Seigneur, qu’elle ne vouldroit point soustenir,

Respond : Je m’en actendz a la responce que j’en ay faicte [et] a nostre Seigneur.

Interroguee, pour ce qu’elle dit avoir eu plusieurs revelations de par Dieu, sainct Michel, sainctes Katherine et Margueritte, se il venoit aulcune bonne créature qui affermast avoir eu revelation de par Dieu, touchant le faict d’elle, se elle le croyroit,

Respond qu’il n’y a chrestien eu monde que vint devers elle, qui se dist avoir eu revelacion, qu’elle ne sceust se il disoit vray, ou non. Elle le sçauroit par sainctes Katherine et Margueritte.

Interroguee, se elle ymagine point que Dieu puisse reveler chose a une bonne créature, qui luy soit incongnue,

[Respond] : Il est bon a sçavoir que ouy. Mais je n’en croiroye homme ne femme, se je n’avoye aulcun signe.

170 Interroguee se elle croit que la saincte Escripture soit revelee de Dieu,

Respond : Vous le sçavez bien ; et est bon a sçavoir que ouy.

Item, fut sommee et exhortee et requise de prendre le bon conseil des tiers et notables docteurs, et le croire pour le salut de son ame.

Et la derniere respondce qu’elle feist a ce qui luy fut demandé, se elle se voulloit submectre de ses fais a nostre mere saincte Eglise,

Respondit que : Quelque chose qu’il m’en doibve advenir, je n’en diray aultre chose que ce que j’en ay dit.

236237Lesquelles choses ouyes, et qu’il luy fut remonstré par maistres Guillemme le Boucher, Maurice du Chesne, Jacquez de Thouraine, Guillemme Adelys et Guerard Feuillet, qu’elle se debvoit submetre a nostre mere saincte Eglise. Et luy remonstrerent, par plusieurs auctoritez et exemples de la saincte Escripture, qu’elle debvoit y obayr. Et entre aultres exhortations, maistre Nicolle Mydy, en faisant son exhortation, luy allegua ce qui est escript eu XVIII^me chappitre de sainct Mathieu, ou il est escript : Si aulcun chrestien peche, — que on le doibt exhorter en secret. Et se il ne le veult croire, qu’on le doibt dire a l’Eglise. Et se il ne veult entendre aux monicions de l’Eglise, qu’il soit réputé comme publican et excommunyé a l’Eglise.

Et a la fin luy dist que, se 171 elle ne voulloit obayr a l’Eglise, qu’elle fust habandonnee comme une sarrasine.

A quoy ladicte Jhenne respondit qu’elle estoit bonne chrestienne ; et qu’elle estoit bien baptisee. Et qu’elle mourroit comme bonne chrestienne.

Interroguee, puisqu’elle requiert que l’Eglise luy baille son Créateur, se elle se vouldroit submetre a l’Eglise, et on luy prometroit bailler,

Respond de celle submission, elle n’en respondra aultre chose qu’elle a faict ; et qu’elle [ayme] Dieu ; et qu’elle vouldroit ayder et soustenir l’Eglise de tout son povoir.

Interroguee se elle vouldroit point qu’on ordonnast une belle et notable procession pour la reduire a bon estat, se elle n’y est,

Respond qu’elle vouldroit bien que les bons catholicques pryent Dieu pour elle.

[Admonestation publique]

[Mercredi, 2 mai]179

Ce mesme jour, ladicte Jhenne fut ramenee devant les juges du procez.

Ledit evesque en leur presence la admonnesta qu’elle voulsist faire et acquiescer au conseil et monicions qui luy seroyent faictes par maistre Jehan de Chastillon, docteur en theologie, qui luy dirait bien pour le salut de son ame et de son corps. Et se elle [ne] le voulait faire, elle tomberait en grand inconvenient du corps et de l’ame.

Et alors lesdits juges prierent ledit de Chastillon qu’il procedast ausdides monicions caritativement.

Lequel de Chastillon respondit que voluntiers il le feroit.

238239Et premierement luy dist que tous loyaulx chrestiens estoyent obligez croire et tenir les articles contenues en la foy.

Et luy exposa la forme et maniere comme pardevant elle avoit esté admonnestee.

Et luy demanda se elle se voulloit corriger et amender jouxte la deliberacion.

144 A quoy elle respondit : Lysez vostre livre.

C’est assavoir la cedulle que tenoit ledit evesque181.

Et puis je vous respondray. Je me actendz a Dieu, mon créateur, de tout. Je l’ayme de tout mon cueur.

Et interroguee se elle veult plus respondre a celle monicion generalle,

Respond : Je m’en actendz a mon juge. C’est le roy du ciel et de la terre.

Item, luy fut dit : Aultresfoys183 vous avez dit que voz fais fussent veuz contre, comment il est contenu en la cedulle precedente,

Respond que autant en respond elle mainctenant.

Item, luy fut declairé que c’est que l’Eglise militant, etc. Et admonestee de croire et tenir l’article Unam sanctam ecclesiam, etc., et a l’Eglise mili tante se submettre,

Respond : Je croy bien l’Eglise de cy bas ; mais de mes fais et dictz, ainsy que aultresfoys j’ay dict, je m’en actendz et rapporte a Dieu.

Item, dit : Je croy bien que l’Eglise militante ne peult errer ou faillir. Mais quand a mes dictz et mes fais, je les metz et rapporte du tout a Dieu, qui m’a faict faire ce que j’ay faict.

Item, dit qu’elle se submect a Dieu, son Createur, que luy a faict faire ; et s’en rapporte a sa personne proppre.

Item, interroguee s’elle veult dire qu’elle n’ait point 145 de juge en terre, et se nostre sainct pere le pappe est point son juge,

Respond : Je ne vous en diray aultre chose. J’ay bon maistre, c’est nostre Seigneur, a qui je me actendz du tout, et non a aultre.

Item, luy fut dit que, se elle ne voulloit croire l’Eglise et l’article Ecclesiam sanctam catholicam, que elle seroit hereticque de le soustenir, et seroit pugnye d’estre arse par la sentence d’aultres juges,

Respond : Je ne vous en diray aultre chose. Et, se je veoye le feu, si diroys je tout ce que je vous dy, et n’en feroye aultre chose.

Interroguee se le Conseil General, comme nostre sainct pere, les cardinaulx, estoyent cy, se elle se vouldroit rapporter et submectre,

Respond : Vous n’en tirerez aultre chose.

240241Interroguee se elle se veult submectre a nostre sainct pere le pappe,

Respond : Menez m’y ; et je luy respondray.

Et aultrement n’en a volu respondre.

Item, de l’habit, etc.,184

Respond : De icelluy habit, qu’elle voulloit bien prendre longue robbe et chapperon de femme, pour aller a l’eglise et recepvoir son Saulveur, ainsy que aultresfoys elle a respondu ; pourveu que, tantost apprez ce, elle le mist jus, et reprint cestuy qu’elle porte.

146 Item, du surplus que luy fut exposé, de avoir prins habit d’homme, et sans neccessité, et en especial qu’elle est en prison, etc.,

Respond : Quand je auray faict ce pour quoy je suis envoyee de par Dieu, je prendray habit de femme.

Interroguee se elle croit qu’elle face bien de prendre habit d’homme,

Respond : Je m’en actendz a nostre Seigneur.

Interroguee, a l’exhortation que on luy faisait, c’est assavoir que en ce qu’elle disoit qu’elle faisait bien, et qu’elle ne pechoit point en portant ledit habit, avecques les circonstances touchant le faict de prendre et porter ledit habit, et en ce qu’elle disoit que Dieu et les saincts luy faisaient faire, elle les blamoit185, comme plus a plain est contenu en ladicte cedulle, elle étroit et faisait mal,

Respond que elle ne blasma point Dieu ne ses sainctz.

Item, admonnestee de soy désister de porter l’habit, et de croire qu’elle face bien de le porter, et de prendre habit de femme,

Respond qu’elle n’en fera aultre chose.

Interroguee se, toutesfoys que sainctes Katherine et Margueritte viennent, se elle se seigne,

Respond que aulcunes foys elle faict le signe de la croix ; et l’autre foys non.

Item, des revelations,

Respond que de ce, elle se rapporte a son juge, c’est assavoir Dieu. Et dit que ses revelations sont de Dieu, sans aultre moyen.

147 Interroguee se, du signe baillé a son roy, se elle se veult rapporter a l’archevesque de Rains, ainsné187 de Boussac, chevaliers de Bourbon, la Trimouille et la Hire, ausquelz ou a chascun d’eulx elle a autresfoys dit avoir monstré ceste couronne, et qu’ilz estoyent presens, quand l’ange apporta ladicte couronne et la bailla audit archevesque ; ou se elle se veult rapporter aux aultres de son party, lesquelz escrisent soubz leurs seaulx ce qu’ilz en ayent,

Respond : Baillez ung messaiger, et je leur escriray de tout ce procez.

Et aultrement ne se y est voulu croire ne rapporter a eulx.

242243Item, de sa temerere credence, etc.,

Respond : Je m’en rapporte a mon juge, c’est assavoir Dieu ; et a ce que aultresfoys j’ay respondu, qui est ou livre.

Interroguee se on luy donnoye deux, troys ou quattre des chevalliers188 de son party, qui viennent par sauf conduict, si elle se veult rapporter a eulx des ses apparitions et choses contenues en ce procez,

Respond que on les face venir, et puis elle respondra. Et aultrement ne se est voulu rapporter ne submetre de ses procez.

Interroguee se a l’Eglise de Poitiers, ou elle a esté examinee, elle se veult rapporter et submectre,

Respond : Me cuidez vous prendre par ceste maniere, et par cela attirer a vous ?

Item, en conclusion, de habondant et de nouveau, fut admonnestee generalement de se submectre a l’Eglise, 148 et sur peine de estre laissee par l’Eglise. Et se l’Eglise la laissait, elle seroit en grand péril du corps et de l’ame ; et se pourrait bien metre en péril de encourir peines du feu eternel, quant a l’ame, et du feu temporel, quant au corps et par la sentence des aultres juges,

Respond : Vous ne ferez ja ce que dictes contre moy, qu’il ne vous en prenne mal, et au corps et a l’ame.

Interroguee qu’elle dye une cause pour quoy elle ne se rapporte a l’Eglise,

A quoy elle ne veult faire aultre responce.

Et apprez, plusieurs docteurs de diverses sciences et facultez l’admonnesterent et exhorterent caritativement de soy submectre a l’universelle Eglise militante et au consille general ; en luy exposant le péril et danger ouquel elle se exposoit, quant au corps et a l’ame, se elle ne se submetoit a l’Eglise militante.

A quoy elle respondit comme devant.

Et finablement ledit evesque luy dist qu’elle pensast bien et advisast sur les monicions dessusdides, et qu’elle pensast a faire aultrement,

A quoy ladicte Jhenne respondit : Dedens quel temps voulez vous que je me advise ?

A quoy ledit evesque luy dist qu’elle se advisast tout presentement, e qu’elle respondist ce qu’elle vouldroit.

Et a celle heure ne fut faict aultre chose.

244245[Menace de torture]

[Mercredi, 9 mai]

Le mercredi] [IX]^me189 de may,
en la grosse tour du chasteau de Rouen,

Ladicte Jhenne fut admenee en la presence de ses juges, et avecques eulx maistres Jehan de Chastillon, Guillaume Errard, l’abbé de Sainct Cornille, Guillaume Eston, André Marguerie, Nicollas de Venderez, Aubert Morel, Nicollas Loyselleur et Messyre Jehan Massieu, doyen 172 de la chrestienté de Rouen.

Apprez les monicions et exhortations faictes,

Icelle Jhenne par les juges et assises respondit : Vrayement, se vous me debviez distraire les membres et faire partir l’ame du corps, si ne vous en diray je aultre chose. Et apprez vous disoye, je diroye que le me auriez faict dire par force.

Dit oultre que, a la Saincte Croix, elle eut confort de sainct Gabriel. Et que ses voix luy avoyent dit que c’estoit sainct Gabriel.

Et dit oultre : Se elle se debvoit submetre a l’Eglise, pour ce que les gens de l’Eglise la pressoyent fort de ce faire, et luy ont dit que, si elle veult que nostre Seigneur luy ayde, qu’elle se actende a nostre Seigneur de tous ses fais.

Item, dit qu’elle sçait bien que nostre Seigneur a esté tousiours maistre de ses fais ; et que l’Ennemy ne avoit oncques eu puissance sur ses fais.

Item, dit qu’elle a demandé a sainct Michel et ses aultres voix se elle sera arse ; et que lesdictes voix luy ont respondu qu’elle se actende a nostre Seigneur ; et il luy aydera.

Item, du signe de la couronne, qu’elle dit avoir esté baillee a l’archevesque de Rains, interroguee se elle s’en veult rapporter a luy,

Respond : Faictes le y venir, et que je l’oe parler ; et puis je vous respondray. 173 Il ne me oseroit dire le contraire de ce que je vous en ay dit.

246247[Délibérations sur la torture]

[Samedi, 12 mai]

Le XII^me jour de May,
en la maison de mondit seigneur l’evesque de Beauvoys, heure de vespre,

Les juges assemblez en la presence du vicaire de l’inquisiteur de la foy, et maistre Raoul Roussel, tresorier de l’Eglise de Rouen, Nicollas de Venderez, archidiacre, André Marguerie, Guillemme Erard, docteurs en théologie, Robert Barbey, Denys Gastinel, Ausbert Morel, Thonmas de Courselles, Nicollas Couppequesne, Jehan le Doulx, [Ysambard]191 de la Pierre, et Nicollas Loyseleur, juristes.

Apprez que on leur eust exposé ce qui avait esté faict le mercredy de devant, leur jut demandé ce qui estoit a faire eu demeurant ; et se il estoit expédient mectre ladicte Jhenne a la torture.

Respondirent ce qui s’ensuit192 :

Premièrement, maistre Raoul Roussel dist que non ; affin que le procez qui avoit esté faict ne peust estre calumpnyé.

Maistre Nicolle des Venderez dist qu’il n’estoit point expédient la metre en la torture pour l’heure.

174 Maistre André Marguerye dist qu’il n’estoit expédient pour l’heure.

Maistre Guillaume Herard dist que pour néant elle seroit mise en la torture ; et que la matiere estoit assez clere sans tortures.

Maistre Robert Barbery dist comme les dessusdits. Mais que on la doibt admonnester derechef une foys pour toutes ; et que, si elle ne se veult submetre a l’Eglise, que on procede oultre.

Maistre Denys Gastinel dist qu’il n’est point expédient de la metre es tortures, affin de sçavoir la verité de ses menteries.

Maistre Thonmas de Courselles dit qu’il luy semble que on la doibt metre es tortures ; et que on la doibt interroguer, sçavoir si elle se vouldra mectre au jugement de l’Eglise.

Maistre Nicolle Couppequesne dit qu’il n’est point expédient qu’on la mette es tortures ; et que derechef on la doibt admonnester de se submetre a la determynacion de l’Eglise.

175 Maistre Jehan le Doulx dit comme ledit Couppequesne.

Frere Ysambart de la Pierre, comme dessus ; mais que on la doibt encoires admonnester de soy submettre a l’Eglise mylitante.

248249Maistre Nicolle Loyseleur dit qu’il luy semble, pour la medicine de soy, la metre es tormens ; toutes/oys s’en rapporte aux oppinions des precedens.

Maistre Guillemme Hector, lequel survint la, fut d’oppinion qu’on ne la debvoit point metre es tortures.

Maistre Jehan Magistri, vicaire de l’inquisiteur, fui d’advis que on la debvoit derechef interroguer, sçavoir se elle se vouldroit submettre a l’Eglise militante.

[Lecture des censures de l’Université de Paris]

[Samedi, 19 mai]

L’an mil quattre cens XXXI,
le sabmedy, XIX^me jour de may,

Les juges assemblez en la chappelle du manoir archiépiscopal de Rouen, devant l’evesque de Beauvoys et le vicaire de l’inquisiteur de la foy, et maistres 176 Raoul Roussel, Nicolle des Venderez, l’abbé de Fescamp, André Marguerie, Jehan Pichon, Jehan de Chastillon, Evrard Emengard, Guillemme Le Boucher, le prieur de Longueville, Jehan Beaupere, Nicollas Mydy, Maurice du Chesne, Pierre de [Hodeng]196, Jehan Lefebvre, l’abbé de Mortemer, le prieur de Sainct Lo, Pierre Maurice, Jacques Quesdon, Jehan Foucher, l’abbé de Corneilles, Jehan Foucher, Thonmas de Courselles, Nicollas Couppequesne, Raoul Silvestre, Jehan [Pigache], Richard Gruchet, Nicollas Loiselleur, Pasquier de Vaulx, Denis Gastinel, Jehan Mauger, Jehan Secart, Jehan [Adensem], Gieffroy Crostey, Guillemme de la Chambre, Jehan du Quemyn, Martin l’Advenu, Ysambart de la Pierre, Guillemme de Lyvet, Jehan Le Doulx, Jehan Coulombel, Richard Dessaulx, Laurens du Buse, Pierre le Mynier, Pierre Carré et Raoul Auguy.

En la presence de tous lesquels, ledit evesque de Beauvoys recita au long la déduction dudit procez de ladicte Jhenne.

Et ce faict, de l’advis de tous les juges, fut ordonné que les articles envoyees a l’Universitté de Paris seroyent leues en leur presence ; desquelles la teneur s’ensuit.

250251[Avis des docteurs de l’Université de Paris]

[O omet ces Avis et confond en une les séances du 19 et du 23 mai]

[Délibération des docteurs de Rouen]

[Lecture à Jeanne des censures de l’Université de Paris par M. Pierre Maurice]

[Mercredi, 23 mai]

Leues et prononcees198 par la bouche de maistre Pierre Maurice, docteur en théologie, avecq la deliberation de chascune desdictes articles de ladicte Université,

Premièrement, se adreça a ladicte Jhenne en luy disant :

Toy, Jhenne, tu as dit que dez l’aage de XIII ans, tu as eu des revelations et apparitions d’angelz, de sainctes Katherine et saincte Margueritte, et que les as 177 veues des yeulx corporelz bien souvent ; et que ilz ont parlé a toy.

Quand a ce premier point les tiers de l’Université de Paris ont considéré la maniere desdictes revelations et apparitions [la fin et la matiere]199 des choses revelees, et la qualité de la personne. Toutes choses considerees qui font a considerer, ont dit et declaré : que toutes les choses dessusdides sont menteries, faintises, choses seductoires et pernicieuse ; et que toutes telles revela tions sont superstitieuses, procedantes de maulvaix espritz et dyabolicques.

Item, tu as dit que ton roy a eu signe par lequel il congnut que tu estoys envoyee de Dieu ; car sainct Michel, accompaigné de plusieurs angelz, desquelz les aulcuns avoyent des aesles, les aultres des couronnes ; avecques lesdits angelz estoyent saincte Katherine et saincte [Marguerite]200. Toute laquelle compaignie vint a toy au chasteau de Chynon ; et monterent les degretz du chasteau, jusques en la chambre de ton roy ; devant lequel l’ange se inclina, qui portait une couronne. Et une foys tu as dit que, quand ton roy eut ce signe, il estoit tout seul ; l’autre foys, tu as dit que celle couronne, que tu appelles signe, fut baillee a l’archevesque de Rains, qui la bailla a ton roy en la presence de plusieurs princes et seigneurs, 178 lesquelz tu as nommez.

Quand a cest article, les tiers disent que cela n’est point vray semblable ; mais est menterie presumptueuse, sedudoire et pernicieuse, chose fainde et desrogative a la dignité de l’Eglise et angelicque201.

Item, tu as dit que tu congnoys les anges et les sainctes par le bon conseil, confortation et doctrine que ilz t’ont donnee. Et croys aussy que c’est sainct Michel qui s’est apparu a toy ; et dictz que leurs faictz et dictz sont bons ; et que tu le croys aussy fermement que tu croys la foy de Jhesus Crist.

Quand a cest article, les tiers dyent que telles choses ne sont suffisantes a congnoistre lesdits angelz et sainctes ; et que tu as creu trop legerement et affermé trop temererement ; et en tant que est la comparution que tu fais de croire les choses ainsy fermement que tu croys en la foy de Jhesus Christ, tu erres en la foy.

Item, tu as dit que tu es certaine d’aulcunes choses advenir, et que tu as sceu les choses cachees ; et que tu as congneu les hommes que tu n’avoys jamais veut. 179 Et ce par les voix de saincte Katherine et Margueritte.

Quand a cest article, disent que en ce y a superstition et divination, presumptueuse acertion, et vaine jactance.

Item, tu as dit que, du commandement de Dieu, tu as porté continuellement habit d’homme et que tu avoys peins robbe courte, pourpoint, chausses attachees avecq esguilleltes ; que tu portoys aussy cheveulx cours, couppez en rond au dessus des oreilles, sans laisser sur toy aulcune chose qui demonstrast que tu estoys femme202 ; et que plusieurs foys tu as receu le corps de nostre Seigneur en cest habit, combien que plusieurs foys tu as esté admonnestee de le laisser ; de quoy tu n’as riens voulu faire ; et disant que tu agmeroys mieulx mourir que de laisser ledit habit, se ce n’estoit par le commandement de Dieu. Et que, se tu estoys encoires en cest habit avec le roy, ceulx de la partye, se seroit ung des plus grandz biens du royaulme de France ; et si as dit que pour nulles choses tu ne feroys serment de ne porter point ledit habit et les armes ; et en toutes lesdictes choses tu dis avoir bien faict et du commandement de Dieu.

180 Quand a ses pointz les tiers dyent que tu blasmes Dieu et le contempnes en ses sacremens ; tu transgresses la loy divine, la saincte Escripture et les ordonnances canonicques ; tu odores et sens mal en la foy ; et te vantes vainement ; et es suspecte de ydolastrie ; et te execques toy mesmes de ne voulloir porter l’habit selon ton sexe, en ensuivant la coustume des gentilz et sarrasins.

Item, tu as dit que souvent en tes lectres tu as mys les deux nous Jhesus Maria, et le signe de la Croix, en cuidant desmontrer a ceulx a qui tu escrip voys ne ne feroyent le contenu en tes lectres ; et en aultres tes lectres, te es vantee 258259que tu feroys [tuer] tous ceulx qui ne te obayroyent ; et que on verrait aux coups qui auroit le meilleur droyt ; et souvent tu as dit que tu ne as riens faict que par revelation et par le commandement de Dieu.

Quand a cest article, les tiers disent que tu es murtriere et cruelle, désirante effusion de sang humain, seditieuse, provocastrice a tyramnye, blaphemante Dieu et ses commandemens et revelations.

Item, tu as dit que, par les revelations que tu as eues, en l’aage de dix sept ans, tu as laissé tes pere et mere 181 contre leur vollunté, dont ilz en ont esté si desplaisans qu’ilz en sont tombez presque en demence. Et t’en es allee a Robert de Baudricourt, qui, a ta requeste, t’a baillé habit d’homme et une espee et des gens pour te conduire a ton roy ; auquel tu as dit que tu venoys pour expeller ses adversaires ; et luy as promys que tu le metroys en sa seigneurye ; et que il auroit victoire contre tous ses ennemys ; et que Dieu [te] avoit envoyee pour ce faire. Et dictz que, toutes les choses dessusdictes, tu les as f aides, en obayssant a Dieu par revelation.

Quand a ses articles, les clercs disent que tu as esté maulvaise et impetueuse203 envers tes pere et mere, en transgressant les commandemens de Dieu, de honnerer pere et mere ; tu as esté scandelleuse, blasphemante Dieu, errante en la foy. Et as faict promesse a ton roy présomptueuse et temerere.

Item, tu as dit que, de ta bonne vollunté, tu as sailly de la tour de Beau revoir, aux fossez ; en aymant mieulx mourir que d’estre mise en la main des Angloys et, vivre apprez la destruction de Compieigne ; et que sainctes Katherine et Margueritte te deffendissent que tu ne saillisses, toutesfoys tu ne t’en peulx contenir ne garder, combien que tu faisoys grand péché de saillir contre leurs deffenses ; mais que depuis tu avoys sceu par ses voix que Dieu te avoit pardonné ce péché, apprez que tu t’en estoys confessee.

182 Quand a cest article, les clercs disent que, en ce, fut pusillanimité, tendant a desperacion a te tuer toy mesme ; et en ce, que tu as dit une temerere et presumptueuse accersion, de ce que tu dis que Dieu te avoit pardonné ce péché ; en quoy tu sens mal de la liberté de l’arbitre humain.

Item, tu as did que saincte Catherine et saincte [Marguerite]204 te ont promis de te conduyre en paradis, pourveu que tu gardes virginité, laquelle tu leur as vouee et promise. Et de ce es certaine, comme se tu estoys fa en la gloire de paradis ; et que tu ne croys point avoir faict œuvre de péché mortel ; et, si tu estoys en péché mortel, lesdictes saincte Katherine et Margueritte ne te visiteroyent pas comment ilz font.

Quand a cest article les tiers disent que en ce, tu as faict temerere et pre sumptueuse accersion et menterie pernicieuse ; et que tu contredidz a ce que tu as dit devant ; et que tu sens mal de la foy chrestienne.

Item, tu as dit que tu sçays bien que Dieu ayme aulcunes personnes vivantes plus que toy. Et que tu le sçays, par les revelations desdictes sainctes, que lesdictes sainctes parlent langaige françoys, 183 et non angloys, parce que ilz ne sont point de leur party. Et que, depuis tu as sceu que lesdictes voix estoyent pour ton roy, tu n’as point aymé les Bourguygnons.

Quand a cest article, les tiers disent que c’est une temeraire présomption et une [temerere]205 acersion, blasme contre lesdictes sainctes et transgression contre les commandemens de Dieu, qui est de aymer son prochain.

Item, tu as dit, a ceulx que tu appelles sainct Michel, saincte Katherine et saincte Margueritte, tu as faict plusieurs reverences en te agenouillant, en baissant la terre sur laquelle ilz marchoyent, en leur [vouant] virginité ; et mesmes que tu les as baisees et acollees ; et dez le commencement que ilz vindrent de Dieu, sans demander conseil a ton curé, ne aultre homme d’Eglise ; et que neantmoins tu croys ceste voix estre venue de Dieu, aussy fermement que la foy chrestienne, et que Jhesus Christ a souffert mort et passion ; et que, si aulcun maulvaix espris apparoissoit a la forme et figure de sainct Michel, tu le congoistroys bien. Tu as aussy dit que pour requeste du monde, tu ne diroys le signe venu a ton roy ; se ce n’est par le commandement de Dieu.

184 A quoy les tiers disent que, supposé que tu ayes eu des revelations et apparitions desquelles tu te vantes, en la maniere que tu le dys, tu es ydolastre, invocatrice des dyables, errante en la foy, et as faict temererement serment illicite.

Item, tu as dict que si l’Eglise voulloit que tu feisses le contraire du commandement que tu dis avoir de Dieu, tu ne feroys pour quelque chose du monde. Et tu sçays bien que ce qui est contenu en [ton]206 procez, est venu du commandement de Dieu ; et qu’il te seroit impossible de faire le contraire. Et que, de toutes les choses dessusdides tu ne te veulx point rapporter au jugement de l’Eglise qui est en la terre, ne d’homme vivant, ne seulement a Dieu seul. Et dictz oultre que tu ne faictz point ses responces de ta teste, mais du commandement de Dieu, combien que l’article de la foy qui est que chascun doibt croire l’Eglise catholicque te ayt esté par plusieurs foys desclaré, et que tout bon chrestien catholicque doibt submectre tous ses fais a l’Eglise, et principalement en faict de revelation et de telles choses.

Quand a cest article, les tiers disent que tu es scismaticque, 185 malsentente la verité et auctorité de l’Eglise ; et que fusques a mainctenent tu as erré pernicieusement en la foy de Dieu.

262263[Monito caritativa]

[Ce même mercredi, 23 mai]

Apprez que lesdictes articles furent desclarees a ladicte Jhenne, avecq l’oppinion de ladicte Université de Paris, elle fut admonnestee par ledit docteur qu’elle regardast bien a, ses dictz et fais, especialement sur ledit dernier article ; et luy dist ce qui ensuit :

Jhenne, ma tres chere amye, il est mainctenant temps que pensez207 bien, a la fin de vostre procez, et a ce que avez dist et faict.

Car, combien que par le evesque de Beauvoys et le vicaire de l’inquisiteur et aultres docteurs a vous envoyez, pour vous admonnestee publicquement, et en secret, pour l’honneur de la foy et loy de Jhesus Christ, la sérénité des consciences des chrestiens, et le scandelle qui est engendré a cause de ce, au salut de vostre ame et de vostre corps, [vous avez esté]208 tres diligentement admonnestee ; et avecq ce vous ont esté desclarez les dommaiges en quoy vous povez encourir, tant en vostre ame que en vostre corps, si vous ne corrigez et amendez voz dictz, et voz fais, en vous submectant au jugement de l’Eglise.

186 Ausquelles monicions ne avez voulu entendre jusques a present. Et combien par voz faictz et dictz, il y avoit assez de matiere de faire et asseoir vostre jugement, toutesfoys lesdits juges, désirons le salut de vostre ame que de vostre corps, avoyent envoyé a l’Université de Paris, qui est la lumière de toutes sciences et extirpation de toutes erreurs, affin que par icelle vostre procez de voz dictz et voz faictz feussent bien examynez.

Apprez la deliberation de laquelle Université, iceulx juges ont ordonné que vous serez admonnestee derechef et caritativement, en vous advertissant des erreurs, scandalles, et aultres erreurs par vous commises ; en vous priant, exhortant et admonnestant pour l’amour de nostre Seigneur Jhesus Christ, qui a voulu souffrir si cruelle mort pour rachapter l’humain lignaige, vous corrigez voz dictz et faictz, et submettez au jugement de l’Eglise, ainsy que chascun loyal chrestien est tenu et obligé faire ; et ne permetez vous sepparer de nostre Seigneur Jhesus Christ, affin que vous soyez participante de sa gloire ; et ne vueuillez eslyre la voye de eternelle dampnacion avecq les ennemys de Dieu, qui tous les jours cerchent molester et inquiéter les hommes, aulcunes foys en eulx transférant en especes d’angelz ou des sainetz ou sainctes, en disant et affermant estre telz, ainsy qu’il apert en la vie des Peres. Et avecques ce, et en oultre, 187 se il vous advient telles apparitions, n’y croyez point ; mais reiectez et déboutiez telles [incredulitez]209 et ymaginacions, en acquies çant aux dictz et oppinions de l’Université de Paris et aultres docteurs, qui sçayvent et entendent la loy de Dieu et la saincte Escripture ; ausquelz ilz semble que on ne doibt point croire en telles apparitions et aultres novalitez, se il ne appert par la saincte Escripture ou aultre signe suffisant ou miracle. Ce que vous avez faict et creu tres legerement, sans avoir recours a Dieu, par oraison devotte, affin qu’il vous eust faict certaine de telles choses ; et ne avez eu recours a aulcun prélat ou aulcune personne ecclesiasticque, saige et 264265instruict, qui vous eust peu informer de la verité ; ce que debviez faire, actendu vostre estat et simplicité de vostre science.

Et prenez exemple : si vostre roy de son auctorilé vous avoit baillé la garde de quelque place, en vous deffendant que ne laississiez entrer personne, encoires quand il vous diroit qu’il viendrait par auctorité du roy, vous ne le debveriez recepvoir, se il ne vous apportait lectres ou aultre signe certain qu’il viendrait de par le roy ; et en signe de ce, nostre Seigneur Jhesus Christ, quand il monta au ciel, en baillant le regime de l’Eglise a sainct Pierre et a ses successeurs, deffendit que d’icy en avant, il ne receust aulcuns venons en son non, se il ne luy apparoissoit suffisant qu’ilz viendrait de par Dieu, aultrement que par leurs dictz.

188 Et ainsy nous ne debvons point adiousler foy a vos dictz, puisque Dieu l’a deffendu.

Et pour ce, Jhenne, vous debvez entendre que, si en la seigneurie de vostre roy, quand vous y estiez, il fust venu ung chevallier ou aultre de quelque seigneurie que ce fust, disant : Je ne obayray point au roy ; ne aulcun de ses officiers ne me submectray a iceulx ; ne diriez vous point qu’il fust a condempner ? Que direz vous doncq de vous mesmes, qui estes engendree en la foy de Jhesus Christ par le sacrement de baptesme, faicte espouse de Jhesus Christ, se vous ne obayssez aux officiers d’iceulx, c’est assavoir aux prelatz de l’Eglise, quel jugement ferez vous de vous mesmes ? Je vous pry, ostés ceste oppinion, se vous aymez Dieu vostre espoux et vostre salut, et obayssez a l’Eglise, en vous submectant a son jugement. Et sachiez certainement que, [si] vous ne le faictes et perseverez en vostre erreur, vostre ame sera dampnee, pour estre perpetuellement tourmentee en enfer ; et du corps, je faictz grand doubte qui vienne a perdition.

Je vous prye que honte humaine et crainde inutille, desquelles par adventure vous estes detenue, pour ce que par cy devant vous avez esté en grandz honneurs, que vous avez paour de perdre, ne vous empesche. Préposez pour l’honneur de Dieu, le salut de vostre corps et de vostre ame, 189 en vous advisant que, si vous ne f aides ce que je vous dy, mais que [demeurez]210 en vostre erreur, et que delaissez l’Eglise et la foy que avez promise au sainct sacrement de baptesme, et que desprisez Vauctorité de Dieu et de l’Eglise, qui est conduide et gouvernee par nostre Seigneur ; ou il dit ausdits prelatz : Qui vous oyt me oyt ; et qui vous desprise me desprise. Et par ce, si vous ne vouliez vous submedre à l’Eglise, vous ne voulez point estre submise a Dieu, et errez en ceste, es article de la foy : Nous debvons croire l’Eglise catholicque, l’auctorité duquel article vous a esté assez declaré aux articles et admonocions precedentes.

Par quoy, les choses considerees, de la part de monseigneur l’evesque cy present, et de monseigneur l’inquisiteur de la foy, voz juges, vous admon neste, prye et enhorte que [par la pieté que]211 vous portez a la passion de nostre Saulveur vostre Créateur, et l’amour que debvez avoir au salut de vostre ame et de vostre corps, que vous corrigez et amendez voz erreurs et vous reduisez a la voye de verité, en obayssant et vous submectant au jugement et determynacion d’icelle Eglise. Et, en ce faisant, vous saulverez vostre ame et rachapterez vostre corps, ainsy comme je espoire, de la mort. Se vous faictes le contraire, mais perseverez, saciez que vostre ame sera dampnee ; et de la 266267destruction de vostre corps j’en doubte. Dont Dieu vous vueuille preserver. Amen.

190 Apprez que ladicte Jhenne oult esté ainsy admonnestee, et qu’elle eut oy toutes les exhortations, elle respondit en la maniere qui ensuit :

En tant que c’est que de mes dictz et de mes faictz, je m’en rapporte a ce que j’en ay dict en mon procez. Et les veulx soustenir.

Item, interroguee par ledit maistre Pierre si elle croyt qu’elle ne soit tenue se submectre a l’Eglise militante de ses faictz et de ses dictz ou aultre que Dieu,

Respond : Je veulx mainctenir la maniere que j’ay tousiours tenue en mon procez.

Et si je estoye en jugement, et veoye le feu alumé, et le boys préparé, et le bourreau, ou celuy qui me debveroit mectre en feu, prest de me jecter dedens et encoires quand seroy au feu, n’en diroye aultre chose que ce que j’en ay dit. Mais veulx soustenir ce que j’en ay dict, jusquez a la mort.

Apprez lesquelles choses lesdits juges demanderent au promoteur en ceste cause et mesmes a ladicte Jhenne se ilz voulloyent plus dire aulcune chose. Qui respondirent que non.

Et adoncq ledit evesque proceda a conclurre en la cause, selon la forme d’une cedulle qu’il tenoit en ses mains. De laquelle la teneur s’ensuit.

Et nous, comme juges competentz en ceste partye, et 191 en tant que besoing, nous avons declaré et declarons estre juges competens et concludons en cause. Et vous assignons jour a demain a oyr droict en ceste cause, et faire et proceder en oultre, comme il sera trouvé de droict et de raison.

A ce presens, frere Ysanbart de la Pierre et messire Mathieu le Basteur, prebstres ; et Loys Coursel212, clerc, des dyoceses de Rouen, de Londres et de Noyon, tesmoings a ce appeliez.

[Opinion de Gerson]

[Annoncee, puis omise par O]

Devant que proceder plus oultre j’ay bien voulu mectre l’oppinion de maistre Jehan Gerson, docteur en théologie, penitencier de Paris213, contraire a toutes les aultres oppinions des aultres théologiens de Paris ; laquelle oppinion est fondee en plusieurs raisons logicalles, difficilles a translater en françoys ; par lesquelles il appert clerement que son oppinion est mieulx fondee pour absouldre ladicte Jhenne, que pour la condempner ; en soustenant par tres bonnes raisons, que ce que ladicte Jhenne a faict n’est procedé de maulvaix esperit ; mais y a tres grand apparence que ce qu’elle a faict est œuvre de Dieu. Lequel Gerson a prouvé par bonnes raisons, qu’ilz seroyent longues a escrire.

Et pour ce je m’en passeray pour ceste heure ; et retourneray a mon propos et procederay a la sentence diffinitive dudit procez.

268269[Au cimetière de Saint-Ouen]

[Jeudi, 24 mai]

271192 Ensuit l’adiuragion217 de Ihenne la Pucelle, faicte le XXIIII^me de May, l’an mil IIII^ccXXX ung,

Toute personne qui a erré et mespris en la foy chrestienne et depuis, par la grace de Dieu, est retournee en la lumière de verité, a l’unyon de nostre mere saincte Eglise, doibt moult garder que l’ennemy d’enfer ne le face rencheoir en erreur et damnapcion.

Ensuit la teneur de la cedulle que ledit evesque de Beauvoys et aultres juges dyent avoir esté faicte par ladicte Jhenne et signee de sa main.
Ce que je ne croys pas.
Et n’est a croire actendu ce qui sera icy apprez218.

272273[Sentence de condamnation à la prison perpétuelle]

Ensuit la sentence diffinitive, apprez ladicte adiuracion et cedulle desdictes choses, pronuncee par ledit evesque de Beauvoys, commençant :

In nomine Domine Amen.

Tous219 les pasteurs d’Eglise, qui desirent et ont cure de loyaulment conduire le peuple de Dieu, doibvent soigneusement et diligentement prendre garde que le dyable, par ses ars subtilz, ne seduise et decepve par ses jrauldes les brebis de Jhesus Christ, a quoy il labeure sans cesser. Par quoy est besoing par grande diligence résister a ses faulses et doleuses entreprinses.

Comme toy, Jhenne, dicte vulgairement la Pucelle, ayes esté circonvenue de plusieurs erreurs en la foy de Jhesus Christ, sur quoy tu as esté appellee en jugement, et en quel tu as esté bien simplement oye ; veu par nous dili gentement tous les poins et articles de ton procez, tes confessions, responces et accersions par toy faictes et dictes, 194 et tout le procez, veu et délibéré par les maistres et docteurs de la faculté de theologie a Paris, et de plusieurs prelatz et docteurs es droictz, tant en droict canon que en droict civil, estons en ceste ville de Rouen, par lesquelz tu as esté caritativement admonnestee et longuement actendue ta conversion,

Nonobstant lesquelles monicions et remonstrances, et apprez l’adiuracion a toy faicte, tu as temererement a bouche ouverte delinqué.

Pour quoy, affin que tu faces penitence salutaire, te avons condampnee et condampnons par sentence difinitive a chartre perpétuelle, avecq pain de douleur et [eau de]220 tristesse, affin que la tu pleures tez pechez ; et que désor mais tu n’en commectes plus. Sauf toutesvoyes nostre grace et moderacion, si tu dessers cy apprez a l’avoir.

Et fault icy entendre que, apprez221 ladicte sentence donnee, ladicte Jhenne fut menee au cymetyere Sainct Ouen, ou il y avoit troys eschaffaulx. En l’ung desquelz estoit le cardinal d’Angleterre. En l’autre estoyent les prelatz : c’est assavoir, l’evesque de Therouenne, l’evesque de Dyuntrience222, et aulcuns des abbez qui avoyent esté appeliez au procez ; et en l’autre, l’evesque de Beauvoys, l’inquisiteur de la foy, et maistre Guillaume Herard, qui feit le sermon, et ladicte Jhenne.

Lequel Herard crya par troys fois : Haa ! France ! France ! tu as esté jusques a present [pure]223 195 de monstres, c’est a dire hereticques ; etmainctenant, tu as esté seduicte par ceste femme, qui t’a faict hereticque.

A quoy ladicte Jhenne respondit qu’il n’estoit pas vray, ainsy qu’il est escript ailleurs.

274275[Visite de l’inquisiteur en la prison]

[Jeudi, 24 mai, après-dîner]

Apprez laquelle sentence donnee, comme dit est, le vicaire de l’inquisiteur et plusieurs aultres, qui avoyent esté au jugement du procez, apprez disner, aller visiter ladicte Jhenne en la prison ou elle estoit detenue. Et luy remonstrerent comme l’Eglise luy avoit esté gracieuse. Et qu’elle debvoit prendre la sentence aggreablement, et qu’elle obaysse a l’Eglise ; et qu’elle laisse ses revelacions et ses folyes ; et, eu cas qu’ellerenchiesse désormais en telles follyes, l’Eglise ne la recepvera jamais ; en luy remonstrant qu’elle prensist l’habit de femme, et qu’elle laissast l’habit d’homme.

Laquelle Jhenne respondit que volluntiers elle prendroit l’habit de femme et qu’elle obayroit a l’Eglise.

Et presentement fut vestue d’habit de femme ; et ses cheveulx, qui estoyent rons, tonduz tout bas.

276277[Cause de relapse]

[28-30 mai]

[Visite des juges en la prison]

[Lundi, 28 mai]

Le lundy ensuivant, le XXVIII^me jour de may, lesdits juges allerent en la prison ; et trouverent [Jhenne]224 196 vestue de habit d’homme, c’est assavoir de robbe, de chapperon, et aultres habillemens convenables a usaige d’homme, lequel habit elle avoit laissé par ordonnance de l’Eglise.

Interroguee pour quelle cause elle avoit derechef peins ledit habit d’homme,

Respondit que presentement elle l’avoit reprins.

Interroguee pourquoy et quil l’avoit induicte a ce faire,

A quoy elle respondit : De sa proppre vollunté. Et que personne ne l’avoit compellee a ce. Et qu’elle aymoit trop mieulx l’habit d’homme que de femme.

A quoy luy fut dit qu’elle avoit juré et promis ne prendre jamais l’habit d’homme,

A quoy elle respondit que jamais ne entendit faire ledit serment de non reprendre l’habit d’homme.

Interroguee derechef pour quelle cause elle l’avoit repeins,

Respondit qu’elle l’avoit reprins pour ce que il luy semble plus licyte et convenient d’avoir habit d’homme, autant qu’elle seroit avecq entre les hommes, que de porter habit de femme.

Et dit oultre qu’elle avoit reprins, pour ce que on ne luy avoit pas tenu promesse, c’est assavoir que elle yroit a la messe ; qu’elle recepveroit 197 le Corpus Domini ; qu’elle seroit mise hors de fers.

278279Et que elle aymeroit mieulx mourir que estre esdits fers. Mais, si on luy promet aller a la messe et qu’elle soit mise hors des fers, elle fera tout ce que l’Eglise ordonnera et vouldra.

Interroguee se225 depuis jeudy dernier, elle avoit ouy les voix de saincte Katherine et Margueritte,

Respond que ouy.

Et que ilz luy avoyent dit que Dieu luy mandoit par elles que elle se estoit mise en grand danger de perdicion, pour ce qu’elle avoit consenty a faire ladicte adiuracion et renonciacion, pour saulver sa vie ; et qu’elle se estoit dampnee pour ce faire.

Et si dit que, devant le jour dudit jeudy, ses voix luy avoyent dit ce qu’elle debvoit faire, et ce qu’elle avoit faict.

Dit oultre que ses voix lui avoyent dit, quand elle estoit eu chaffault, qu’elle respondit hardyement au prescheur qui la preschoit. Et si disoit que le dessusdit prescheur estoit faulx prescheur ; et qu’il disoit qu’elle avoit faict plusieurs choses qu’elle ne avoit jamais faictes.

Item, dit que, si elle disoit que Dieu ne l’eust point envoyee, elle se dampneroit ; et que véritablement 198 Dieu l’avoit envoyee. Et que depuis jeudy ses voix luy avoyent dit qu’elle faisoit et avoit faict grande iniure a Dieu, en confessant que elle ne avoit pas bien faict ce qu’elle avoit faict.

Dit oultre que, tout ce que elle avoit dit et revocqué, qu’elle l’avoit faict seullement pour la craincte du feu.

Interroguee si elle croit que se soyent les voix de saincte Katherine et saincte Margueritte,

Respond que ouy ; et qu’ilz viennent de Dieu.

Interroguee qu’elle dye verité de la couronne, dont il est faict mention devant,

Respond qu’elle avoit dit verité en toutes choses, au mieulx qu’elle avoit peu.

Adoncq luy fut dit que, elle estant eu chaffault devant les juges et le peuple, quand elle feist l’adiuracion, c’est a dire qu’elle fut adiuree de dire verité : Tu dys que, contre verité, tu te estoyes vantee que les voix, que tu dys avoir ouyes, estoyent les voix de saincte Katherine et saincte Margueritte.

A quoy respondit qu’elle ne entendit jamais avoir revocqué les apparicions de ses voix, c’est assavoir que ce fust saincte Katherine et Margueritte. Et ce qu’elle en a dit, ce a esté pour la craincte du feu. Et se elle en a revocqué, ce a esté contre verité.

199 Item, dit que elle ayme trop mieulx faire penitence, c’est assavoir en mourant, que plus longuement soustenir la peine de la prison.

280281Et si dist que jamais elle ne feist aulcune chose contre Dieu ne contre la foy, quelque chose que on luy ait commandé revocquer ; et que ce qui estoit contenu en la cedulle de l’adiuracion, elle ne l’entendit jamais.

Et qu’elle ne entendit jamais revocquer aulcune, ce se n’estoit qu’il pleust a Dieu qu’elle le revocquast.

Item, dit : Si les juges veullent, elle reprendra l’habit de femme. Et que du surplus, elle ne sçait aultre chose.

[Décision des juges de livrer Jeanne au bras séculier]

[Mardi, 29 mai]

Du mardy XXIX^me jour de may, nous226, evesque de Beauvoys, feismes assembler les docteurs et aultres clercs en grand nombre, en la chappelle du manoir archiépiscopal. Et leur exposasmes comme ladicte Jhenne avoit esté derechef admonnestee de retourner en la voye de verité. Et comment, apprez l’admonnestement faict devant le peuple et avoit adiuré de jamais y rencheoir et signee une cedulle de sa propre main mesme ; comme le jeudy, apprez disner, jour de sa sentence, 200 par le vicaire et aultres elle avoit esté caritativement admonnestee qu’elle persistast en son bon propoz et qu’elle se gardast bien de rencheoir.

283Touttesfoys, par la suggestion du dyable, derechef, en la presence de plusieurs, elle avait recyté que ses voix, qui avoyent acoustumé luy apparoir, estoyent venues a elle ; [et], en laissant l’habit de femme, avo[it]233 prins l’habit d’homme.

284285[Vote des docteurs]

Et apprez ce, devant tous lesdits clercs estons presens en ladicte chappelle, furent leues ses confessions et accersions, que elle avoit faictes le jour de devant ; lesquelles choses leues, demandant conseil aux assistens qu’il esloit de faire, qui furent tous d’oppinion et delibererent qu’elle debvoitestrerepputee hereticque, et qu’elle debvoit estre laissee a la justice seculiere, en priant icelle justice qu’ilz la traitassent plus doulcement qu’elle ne avoit desservy.

288289[Citation au Vieux Marché]

[Mercredi, 30 mai]

Et le mercredy, penultime jour de may,
dernier jour de procez238,

Fut de nostre part cytee ladicte Jhenne a oyr droict et a comparoir personnellement devant nous, au Vieil Marché de la ville de Rouen, a huit heures de mattin, pour se veoir declarer estre rencheue en ses erreurs, hereticque et excommunyee ; avecq les inthimacions acoustumees a faire en tel cas.

Apprez, ce mesme jour, environ neuf heures de mattin239, 201 nous, evesque dessusdit et juges devantdictz estons au Vieil Marché de Rouen, prez l’eglise Sainct Saulveur, es presences et assistens a ce les evesques de Therouenne et de Noyon, et plusieurs aultres docteurs, clercs et maistres, la prédication faicte, nous admonnestasmes icelle Jehenne, pour le salut de son ame, qu’elle entendist a se repentir de ses malfaictz, et qu’elle eust vraye contriction, par le conseil de deux freres prescheurs, qui estoyent lors au prez d’elle, affin que ilz la instruisissent continuellement, lesquelz pour ce faire luy administrasmes.

Toutes lesquelles choses faictes, comme dit est, nous, evesque et vicaire dessusdits, ayons regard aux choses dessusdictes, par lesquelles il appert ladicte Jhenne estre obstinee en ses erreurs, et par malice et dyabolicque obstinacion avoit faulsement monstré signe de contriction et penitence ; et qu’elle avoit pariuré le sainct et divin non de Dieu, et blasphémé dampnablement ; et, en se monstrant incorrigible hereticque, et recheue en heresie et erreur, indigne et du tout incappable de toute misericorde,

Nous procedasmes a la sentence diffinitive en la maniere qui ensuit :

Ensuit la sentence diffinitifve.

290291[Sentence d’excommunication]

[Comme relapse et remise au bras séculier]

202 La sentence diffinitive.

In nomine Domine Amen.

Nous, Pierre, par la miseracion divine, humble evesque de Beauvoys, et nous, frere Jehan Magisiri, vicaire de l’inquisiteur de la foy, juges competens en ceste partye,

Comme toy, Jhenne, dicte la Pucelle, ayes esté par nous esté trouvee estre rencheue en divers erreurs et crimes de cisme, de ydolatrie, de invocacion de dyables et plusieurs aultres mesfais,

Et pour ces causes par juste jugement nous te eussions declaree telle,

Toutesfoys pour ce que l’Eglise ne cloyt jamais les bras a ceulx qui veullent retourner a elle ; nous estimasmes que, de pleine pensee et de foy non faincte, tu te (eusses retyree de toutes telles erreurs ausquelles tu avoys renoncé, voué, juré et promis publicquement de jamais ne rencheoir en telles erreurs, ne en quelconques aultres heresies, mais demourer a l’unyon catholicque et communyon de nostre Eglise et de nostre sainct pere le pappe, ainsy qu’il est contenu en une cedulle de ta proppre main.

Toutesfoys derechef tu es rencheue, comme le chien qui acoustume de retourner a son vomir, ce que nous recytons a grande doulleur.

Pour laquelle cause, nous te declarons avoir encouru les sentences d’ex communicacion esquelles tu estoys premierement encheue, et estre rencheue en tes erreurs precedentes, pour quoy te desclarons hereticque.

Et par ceste sentence, seans en siege tribunal de justice, en cest escript, proferons, comme membre pourry te avons debouttee et reiectee de l’unité de l’Eglise, et te avons 203 declaree a la justice seculliere ; a laquelle nous prions te traicter doulcement et humainement, soit en perdition de vie ou de aulcun membre240.

[Récit de l’exécution]241

Apprez laquelle sentence lesdits evesque, inquisiteur et aulcun nombre desdits juges se absenterent de la, et laisserent ladicte Jhenne sur l’eschaffault.

Et alors le baillif de Rouen, Angloys, qui la estoit, sans aultre procez, ne sans donner aulcune sentence contre elle, commanda qu’elle fust menee ou lieu ou elle debvoit estre bruslee.

Lequel commandement ouy par icelle Jhenne, commencea a crier et se plaindre si merveilleusement, qu’elle esmeut le peuple et tous ceulx qui estoyent presens a pitié jusques aux larmes.

Et incontinent ledit baillif commanda que on mist le feu. Ce qui fut faict.

Et la fut bruslee piteusement et a grand martyre, qui fut une merveilleuse cruaulté.

Et dont plusieurs, tant des gens de bien que du peuple, murmurerent fort contre les Angloys.

292293[Information posthume]242

Et le lendemain ledit evesque, inquisiteur et juges, congnoissans la rumeur et murmure qui en estoit en la ville, et mesme saichans que par le rapport d’aulcuns, estoyent advenus des signes en la mort d’icelle Jhenne, cuidans couvrir 204 leur malice et faulx jugement, feirent comme les Juifz, lesquelz non contens d’avoir jaict mourir nostre Seigneur s’en allerent a Pylatte demander qu’il leur baillast des gens pour garder le sepulchre, affin que ses disciples ne robbassent le corps et qu’ilz sumassent qu’il estoit ressuscité ; ledit evesque et juges firent faire une information par tous tesmoings et qui avoyent esté au jugement de son procez, de laquelle la teneur ensuit :

[Déposition des sept témoins]

[Jeudi, 7 juin 1431]

Le jeudy septme jour de juing l’an mil IIII^ccXXXI,

Apprez la mort de ladicte Jhenne fut faicte information, a quoy furent examynez plusieurs tesmoings, qui tous avoyent esté juges au procez de ladicte Jhenne. Et tous bons Angloys243.

Et premierement, maistre Nicolle des Venderez, licencyé en droict canon, archidyacre d’Eu, en l’Eglise de Rouen, de l’aage de cinquante deux ans ou environ, tesmoing produict, juré, et receu, fut examyné, ledit jour ;

Lequel deposa, par son serment, que le mercredy, penultisme jour 205 de may, la vigille de la feste du Sacrement, ladicte Jhenne estant encoires es prisons, esquelles elle estoit detenue eu chasteau de Rouen, dit que, entendu que les voix, qui estoyent venues a elle, luy avoyent promis qu’elle seroit delivree des prisons, et qu’elle voyoit le contraire, qu’elle appercevoit bien que elle avoit esté par eux deceue.

Item, disoit et confessoit qu’elle avoit ouy de ses oreilles et veu de ses yeulx, les voix et apparitions, desquelles il est faict mention en son procez.

Et que ad ce estoyent presens, nous, juges dessusdits, maistre Pierre Morisse, Thonmas de Courselles, Nicollas Loiselleur, frere Martin Ladvenu, Jehan Toutmouillé et messyre Jacques Le Camus, avecques plusieurs aultres.

294Le second tesmoing

Frere Martin Ladvenu, de l’ordre des freres prescheurs, aagé de trente deux ans ou environ, tesmoing produict, juré et receu, comme le precedent, Deppose que, le jour que la sentence fut donnee contre ladicte Jhenne, devant qu’elle fust menee au 206 jugement, es presences de maistre Pierre Maurice, Nicolle Loyselleur, et dudit Toutmouillé, compaignons dudit deposant, confessa qu’elle savoit et congnoissoit qu’elle avoit esté deceue par les voix et apparicions qui venoyent a elle, desquelles est faict mencion es escriptures et procez. Et que elle appercevoit bien le contraire de ce que ilz luy avoyent promis, de estre delivree de prison.

Interrogué qui mouvoit ladicte Jhenne a dire telles choses, dist ledit deposant, que maistre Pierre Maurice et Nicolle Loyseleur, qui l’enhortoyent et admonnestoyent du salut de son ame, luy demandèrent, savoir si elle avoit veu les voix et apparicions dessusdictes. A quoy elle respondit que ouy. Mais ne oyt point en quelle forme ils y apparoissoyent ; fors qu’il luy semble qu’elle avoit dit qu’ilz venoyent en grande multitude. Et luy oyt confesser que elle croyoit que les esperitz, qui venoyent a elle, procedoyent de maulvaix espritz, et qu’elle n’y voulloit plus adiouster foy.

Dit oultre ledit depposant que, ce jour mesmes elle confessa que, nonobs tant ce qu’elle avoit dist, qu’elle se estoit vantee en 207 ses confessions et responces que l’ange de Dieu avoit apporté une couronne a celluy qu’elle disoit son roy ; et que ledit ange avoit accompaigné icelle Jhenne, a apporter ladicte couronne, avecquez plusieurs aultres choses, contenues en cedit procez.

Toutesfoys, de son voulloir, sans contraincte, dist et confessa que, quelque chose qu’elle eust dit, il n’y en avoit eu aulcun qui apportas ! ladicte cou ronne a son roy ; et luy promist qu’elle le feroit couronner a Rains ; et qu’il n’y eust aultre couronne, quelque chose qu’elle en eust dit et acertené en son procez.

Le troys^me tesmoing

Maistre Pierre Maurice, docteur en theologie, chanoyne de Rouen, aagé de trente huit ans ou environ, produict, receu et juré, comme les tesmoings dessusdits,

Depose que, le jour que le lieutenant donna la sentence contre ladicte Jhenne, icelle estant encoires es prisons, ledit deposant, qui estoit allé a elle pour l’exhorter du salut de son ame, luy oyt dire que l’ange, qu’elle avoit dit avoir apporté la couronne a son roy dessusdit, il est faict mencion en son procez, qu’elle mesme estoit l’ange.

208 Interroguee par le dessusdit de la couronne que elle prometoit a son roy, et de la multitude des angelz qui la compaignoyent,

Respondit qu’ilz y apparoissoyent soubz especes de tres petites choses.

Interroguee finablement par ledit deposant, si ladicte apparicion estoit realle,

Respondit que realement ilz y apparoissoyent ; et que : Soyent bons, soyent maulvaix espritz, ilz me sont apparues.

Disoit oultre que elle avoit ouy les voix a heure de complye, quand les cloches sonnent, et au mattin, pareillement.

Et comme ledit deposant luy remonstroit qu’il apparoissoit bien que ce estoyent maulvaix espritz, ilz luy avoyent promis son expedicion,

Respondit qu’il estoit vray, et qu’elle avoit esté deceue ; et qu’elle se rapportoyt aux gens d’Eglise a juger, se c’estoyent bons ou maulvaix espritz.

Et luy semble que alors ladicte Jhenne n’estoit point troublé en son esprit.

295Le quattre^me tesmoing

Frere Jean Toumouillé, prebstre de l’ordre des freres prescheurs, aagé de XXXIIII ans ou environ, tesmoing 209 produict et juré, comme les precedens,

Dit et deppose par son serment que, le jour que la sentence fut donnee contre ladicte Jhenne, qui fut la vigille du Sainct Sacrement, en accompaignant frere Martin Ladvenu, son compaignon, qui venoyt a ladicte Jhenne pour l’exhorter du salut de son ame, ouyt dire au mattin a maistre Pierre Maurice, qui ja avoit esté devers elle, qu’il avoit ouy confesser a ladicte Jhenne que, de la couronne, dont est faicte mencion en son procez, n’estoit que une fiction, et qu’elle mesme estoit l’ange, dont elle avoit parlé.

Et au regard de ses voix, qui venoyent a elle, elle dist que reallement elle oyt les voix, especiallement quand les cloches sonnoyent mattines et a l’heure de complye.

Et, combien que a celle heure luy fut remonstré par ledit maistre Pierre que, aulcunes foys, en oyant sonner les cloches, les hommes cuydent entendre aulcunes parolles de personnes. Et confessoit icelle Jhenne avoir eu les apparicions, qui venoyent a elle, aulcunes foys en grande multitude et en tres petite quantité, ou tres petites choses. Aultrement ne desclara point l’espece de la figure.

Dit oultre que ce jour mesme vindrent lesdits evesque et vicaire de l’inquisiteur, lesquelz 210 disrent a icelle Jhenne : Or sa, vous nous avez tousiours dit que ses voix vous disoyent que seriez delivree ; vous voyez bien maintenant que vous estes deceue. Dictes nous la verité de tout.

A quoy ladicte femme respondit : Je voy bien vrayement qu’elles m’ont deceue.

Et plus n’en oyt a celle heure, fors qu’il ouyt dire que, avant que les juges vensissent a la prison, elle fut interroguee que les voix et apparicions procedoyent de maulvaix esperitz.

A quoy elle respondit : Je n’en sçays riens. Je m’en actendz a ma mere l’Eglise, ou : a entre vous gentz d’Eglise.

Et il luy semble que alors ladicte Jhenne n’estoyt point comblee en esprit ; mais parloyt de bon entendement.

Le cinq^me tesmoing

Messyre Jacques Le Camus, prebstre, chanoyne de Rains, aagé de LIIII ans ou environ, tesmoing produict, et juré, etc.,

Deppose par son serment que, le mercredy, vigille du Sacrement, il alla en la prison ou ladicte Jhenne estoit detenue eu chasteau de Rouen. Et la oyt ladicte Jhenne disoit audit evesque et aultres juges publiquement et a haulte voix, 211 en maniere que tous ceulx qui estoyent lapovoyent oyr clerement, qu’elle avoit veu les apparicions qui venoyent a elle, et ouy les voix, qui luy avoyent promis qu’elle seroit delivree des prisons ; et par ce, elle congnoissoyent bien que elles l’avoyent deceue ; et que elle croyt que ce ne feusse pas bonnes choses.

Et assez tost apprez, ladicte Jhenne se confessa a ung frere prescheur, nommé frere Martin. Et apprez le sacrement de confession et de penitence, ainsy que. ledit frere luy voulloit administrer le sacrement de eucaristye, tenant l’hostye entre ses mains, demanda a ladicte Jhenne, si elle [croyoit]244 que ce fust le corps de nostre Seigneur,

A quoy elle respondit que ouy ; et qu’elle croit que luy seul la povoyt delivrer.

Et apprez ledit frere luy demanda se elle croyoit plus en ses voix,

Respondit qu’elle creoit en ung seul Dieu ; et qu’elle ne voulloit plus adiouster foy esdictes voix, puis qu’elles l’avoyent ainsy deceue.

296Le six^me tesmoing

Maistre Thonmas de Courselles, maistre es ars, bacheler fourmé en théologie, tesmoing produict et juré, etc.

212 Deppose par son serment que, le jour de la vigille du Sainct Sacrement, ladicte Jhenne estant en la presence dudit evesque, en la chambre en laquelle estoit detenue prisonnière, ledit deposant ouyt et entendit que ledit evesque demanda icelle Jhenne si ses voix luy avoyent dit qu’elle seroit delivree de prison, A quoy elle respondit qu’elle seroit delivree et qu’elle feist bonne chere.

Et dit oultre que ladicte Jhenne, ainsy comme il luy semble, quand la sentence luy fut prononcee : AA ! je voy bien que j’ay esté deceue.

A quoy ledit evesque luy dist qu’elle voyoit bien que ce n’estoyent point bons espritz, et qu’ilz ne venoyent point de Dieu. Car, se ilz en feussent venuz, ilz ne luy eussent point dit chose faulce, ne menty ne aulcune chose.

Le sept^me tesmoing

Maistre Nicolle Loyselleur, maistre es artz, chanoyne de Rouen et de Chartres, aagé de cinquante ans ou environ, juré, etc.

Depose par son serment que, le mercredy, vigille du Sainct Sacrement, estoit venu ledit jour au mattin, avecques venerable personne maistre Pierre Maurice, en la prison ou estoit detenue ladicte Jhenne, pour l’exhorter et admonnester de son salut, 213 et luy pria de dire verité de cest ange, qu’elle disoit en son procez, avoir apporté une couronne precieuse, de pur or, a celluy qu’elle disoit son roy ; en luy remonstrant qu’elle ne celast plus verité, actendu qu’il ne falloit plus qu’elle pensast que au salut de son ame.

Ledit deposant ouyt dire a icelle Jhenne que elle mesme avoit apporté ladicte couronne, dont est question ; et que elle mesme estoit l’ange.

Interroguee si reallement avoit esté baillé une couronne a celluy qu’elle disoit son roy, Respondit qu’il n’y eut aultre chose, que promesse de sa coronacion, qu’elle luy feit qu’il seroit couronné roy.

Dit oultre icelluy deposant que, par plusieurs foys, tant en la presence dudit evesque que d’icelluy Maurice, et deux freres prescheurs, et plusieurs aultres, que reallement il avoit ouy dire a icelle Jehane qu’elle avoit eu plusieurs revelacions et apparicions d’espritz ; et que en icelles, elle veoit bien qu’elle avoit esté deceue. Car, par icelluy, il luy avoit esté promis qu’elle seroit delivree des prisons ; et qu’elle veoit bien le contraire. Mais, si lesdits esperitz estoyent bons ou maulvaix, elle s’en raportoit es clers ; et qu’elle n’y adiousteroit plus de foy, n’y adioustoit.

214 Dit oultre ledit deposant qu’il exhorta icelle Jhenne, pour oster l’erreur qu’elle avoit semee au peuple, qu’elle confessast publicquement avoir esté deceue, et avoir deceu le peuple, en adioustant foy esdictes revelacions ; et qu’elle demandas ! humblement pardon de la faulte qu’elle y avoit faicte. A quoy ladicte Jhenne respondit qu’elle feroit volluntiers cella ; mais qu’elle doubdoit, quand elle seroit en jugement qu’il fust besoing qu’elle le feist, qu’elle n’en eust point de mémoire. Et pria son confesseur qu’il luy en feist souvenir, quand elle seroit en jugement publicque ; et de cela et de toutes aultres choses qui pourroyent proficter a son salut.

Et luy semble que alors elle estoit saine de pensee, et d’entendement ; et monstroit grand signe de contriction et de penitence des maulx qu’elle avoit fais. Et luy veit, tant en la prison que en publicque jugement, avec grande contriction, demander pardon aux Angloys et aux Bourguygnons, en confessant qu’elle en avoit faict plusieurs tuer et chasser ; et faict plusieurs dommaiges et aultres choses.

297[Lettre de Henri VI notifiant aux prélats et princes de France la condamnation de Jeanne.]

215 Ensuit la teneur des lectres que le roy d’Angleterre escrivit apprez l’execucion de ladicte Jhenne audit evesque de Beauvoys, et aultres prelatz de l’Eglise, aux ducz, aux contes et aultres nobles du royaulme de France245.